Հաշմանդամություն ունեցող անձանց խնդիրները ԲՈՒՀ-երում
30.09.2014
12:00
Հաշմանդամություն ունեցող անձանց խնդիրները բուհերում լուծելու համար առաջին հերթին անհրաժեշտ է սկսել մարդկանց մտածելակերպը փոխելով , անհրաժեշտ է, որպեսզի բուհերում հաշմանդամություն ունեցող անձանց նկատմամբ պատշաճ վերաբերմունք դրսևորվի: Մեդիա կենտրոնում այսօր տեղի ունեցած քննարկման ընթացքում հայտարարեց «Էխո» աջակցման կենտրոն հասարակական կազմակերպության ղեկավար Սերյոժա Օհանջանյանը:

Քննարկմանը մասնակցում էին նաև հաշմանդամություն ունեցող անձանց շահերի պաշտպան Ռուդոլֆ Զաբրոդինը, սոցիոլոգ Արմինե Ղազարյանը և ԵԱՀԿ երևանյան գրասենյակի ներկայացուցիչ Մելինե Նահապետյանը:

Սերյոժա Օհանջանյանի խոսքով, թեև Հայաստանը 2010 թվականին վավերացրել է ՄԱԿ-ի «Հաշմանդամություն ունեցող անձանց իրավունքների մասին» կոնվենցիան, այդուհանդերձ այս 4 տարիների ընթացքում էական առաջընթաց չի արձանագրվել նշված անձանց խնդիրների լուծման առումով: Բուհերում ոչ միայն չկան թեքահարթակներ, այլև լսողական կամ տեսողական խնդիրներ ունեցող անձինք լուրջ խնդիրների առջև են կանգնում համապատասխան գրականություն ձեռք բերելու առումով: Հաշմանդամություն ունեցող անձանց շահերի պաշտպան Ռուդոլֆ Զաբրոդինի փոխանցմամբ « բուհը ոչ պաշտոնապես հայտարարում է հաշմանդամին, որ վերջինիս չի կարող ապահովել կրթությամբ»:

Սոցիոլոգ Արմինե Ղազարյանն էլ նշեց, որ «վաղուց ժամանակն է հրաժարվել սովետական մտածելակերպից, երբ մարդիկ ամաչում են իրենց հաշմանդամ երեխաներից»: «ԷԽՈ» հասարակական կազմակերպությունը շուրջ մեկ տարի է «Հաշմանդամություն ունեցող անձանց բուհական ոլորտի բարելավումը որպես մասնագիտության խթանման միջոց (Motivation)» ծրագրի շրջանակներում ուսումնասիրություն է իրականացնում բուհերում, որի նպատակն է վերհանել առկա խնդիրները և դրանց լուծման համար կոնկրետ առաջարկներ ներկայացնել պատկան մարմիններին:

Քննարկմանը մասնակցող ԵԱՀԿ երևանյան գրասենյակի ներկայացուցիչ Մելինե Նահապետյանի դիտարկմամբ բուհերում միայն թեքահարթակներ կառուցելով խնդիրները չեն լուծվի, ուստի առաջարկեց աշխատել ասենք երկու բուհի հետ, համատեղ մշակել համապատասխան ծրագիր: Մելինե Նահապետյանն իր առաջարկն ավելի որոշակիացրեց` նշելով. «քանի որ Հայաստանը միացել է Բոլոնիայի կրթական համակարգին, իսկ այդ համակարգում գործում է ազատ տեղաշարժվելու սկզբունքը, այսինքն հաշմանդամություն ունեցող ուսանողները որոշակի դասընթացներ կարող են անցնել մեկ այլ բուհում»: Այսինքն առաջարկվում էր մեկ կամ երկու բուհում սկսել իրականացնել մշակված ծրագիրը հետագայում շրջանակն ընդլայնելու հստակ մտադրությամբ:

«Էխո» հասարակական կազմակերպության նախագահի գնահատմամբ առաջարկն ընդունելի է և քննարկման ենթակա:

Այնուհետև աջակցության կենտրոնի ներկայացուցիչները տեղեկացրեցին, որ դեկտեմբերի վերջին իրենք նախատեսում են հրապարակել կատարված ուսումնասիրությունների վերաբերյալ զեկույցը և առաջարկները, որոնք կներկայացնեն բուհերին և պետական այն կառույցներին, որոնք զբաղվում են հաշմանդամություն ունեցող անձանց խնդիրներով:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Անցումային արդարադատության իրականացման մեխանիզմները Հայաստանում»
23.05.2019
15:00
Մեդիա կենտրոն, Երևան: Մայիսի 23-ին Երևանի պետական համալսարանի Պալեանների անվան դահլիճում «Մեդիա կենտրոնը»-ը անցկացրեց քննարկում «Անցումային արդարադատության իրականացման մեխանիզմները Հայաստանում» թեմայով:
Ազգային անվտանգության ծառայության գործառույթներն ու լիազորությունների շրջանակը
22.05.2019
11:00
Մեդիա կենտրոն, Երևան: Մայիսի 22-ին «Մեդիա կենտրոնում» տեղի ունեցավ քննարկում «Ազգային անվտանգության ծառայության գործառույթներն ու լիազորությունների շրջանակը» թեմայով:
«Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին»
21.05.2019
11:00
Մեդիա կենտրոն, Երևան: Մայիսի 21-ին ժամը 11:00-ին Մեդիա կենտրոնում տեղի ունեցավ մամուլի ասուլիս՝ «Դիտորդների խմբի գործունեության խոչընդոտները և քրեակատարողական հիմնարկներում մարդու իրավունքների խախտումների խնդիրները 2018-2019թթ.-ին» թեմայով
Ռոբերտ Քոչարյանի հայտարարությունները սուտ են, նա կխուսափի՞ քննությունից․ քննարկում Մեդիա կենտրոնում
20.05.2019
10:00
Մեդիա կենտրոն, Երևան: Մայիսի 20-ին Մեդիա կենտրոնում տեղի ունեցավ «Ռոբերտ Քոչարյանն ազատվեց կալանքից. դատական իշխանության անկախությու՞ն, թե՞ դատական համակարգի հին արատներ» թեմայով քննարկում։
«Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»
15.05.2019
12:00
Մեդիա կենտրոն, Երևան: Մայիսի 15-ին, ժամը 12:00-ին «Մեդիա կենտրոնում» տեղի ունեցավ քննարկում` նվիրված Ընտանիքի միջազգային օրվան: Քննարկման թեման էր՝ «Բռնությունը ընտանիքում. իրազեկման բացը կրթական ծրագրերում և օրենսդրական փոփոխությունների անհրաժեշտությունը»:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ