Գործազուրկները՝ տեղեկության, գործատուները վստահության պակաս ունեն
24.09.2014
14:00
Օրենսդրական փոփոխության արդյունքում, երբ վերացվեց գործազրկության նպաստը, նվազեց զբաղվածության կենտրոններում գրանցվողների թիվը: Ենթադրվում է, որ նաև այդ պատճառով է նվազել գործազրկության թիվը հանարպետությունում:

«Մեդիա կենտրոն»-ի նախաձեռնությամբ՝ Գորիս քաղաքի մամուլի ակումբում անցկացված  քննարկման թեման էր  «Զբաղվածության և գործազրկության խնդիրները Սյունիքի մարզում»:

Քննարկմանը մասնակցում էին՝

Արտակ Մանգասարյան ՀՀ աշխատանքի և սոցիալական հարցերի նախարարության զբաղվածության գործակալության պետ

Արամ Մուսախանյան Գործընկերություն և ուսուցում ՀԿ

Նունե Աղաթելյան Կանանց զարգացման ռեսուրս կենտրոն

ՀՀ աշխատանքի և սոցիալական հարցերի նախարարության զբաղվածության գործակալության պետ Արտակ Մանգասարյանի փոխանցմամբ Սյունիքի մարզում գործազրկության ցուցանիշը մյուս մարզերի համեմատությամբ լավ է,  իսկ նախորդ տարվա համեմատությամբ նույնիսկ նվազել է: Հարցին, թե կա արդյո՞ք համապատասխան ուսումնասիրություն պարզելու, թե որոնք են գործազրկության նվազման  պատճառները գործակալության պետն անկեղծ պատասխանեց, որ խորքային ուսումնասիրություն չի կատարվել, թվարկեց հնարավոր մի քանի պատճառ, դրանցից մեկը արտագնա մեկնողներն են, մյուսը որ գործազրկության նպաստը վերացնելուց հետո զբաղվածության  կենտրոններում ավելի քիչ թվով գործազուրկներ են գրանցվում:  

Գործընկերություն և ուսուցում ՀԿ ներկայացուցիչ Արամ Մուսախանյանն էլ հայտարարեց, որբացիզբաղվածության և գործազրկության խնդիրներից կա նաև հանրության ոչ բավարար տեղեկացված լինելու խնդիրը: Նրա խոսքով «գործատուները ոչ  տեղեկացված են, ոչ էլ վստահում են պետության կողմից  իրականացվող ծրագրերին»:

Տեսակետ հնչեց նաև, որ տասնյակ տարիներ  Գորիսի համալսարանը պատրաստում է ինժեներների, տնտեսագետների, բայց այդ մասնագետների պահանջարկը չկա կամ գուցե շատ քիչ է, արդյունքում բուհի շրջանավարտներն իրենց մասնագիտությամբ աշխատանք չեն կարողանում գտնել:

Մասնագիտական կողմնորոշման հարցը լուրջ խնդիր

Քննարկման մասնակիցները համակարծիք էին, որ լուրջ խնդիր է մասնագիտություն ընտրելու հարցը, մեր ժողովրդին հատուկ ավանդույթով շատ հաճախ մասնագիտություն են ընտրում մոդայից ելնելով կամ ծնողների, ընկերների հորդորով: Իհարկե այսօր գործում են վերամասնագիտացման ծրագրերը, բայց դրանք կարճաժամկետ են՝ առավելագույնը երեք ամիս, հետևաբար դրանցից լուրջ ակնկալիքներ պետք չէ ունենալ: Չի կարող, ասենք, տնտեսագետը երեք ամսվա ընթացքում լավ ծրագրավորող դառնա կամ մեկը երեք ամսվա ընթացքում լիարժեք տիրապետի որևէ օտար լեզվի, ասաց ՀՀ ԱՍՀՆ զբաղվածության գործակալության պետը:

Մարզերում այսօր բժիշկների և ուսուցիչների մեծ պահանջ կա, գործում է  «Աշխատանքի  գործուղում այլ վայր» ծրագիրը, որով նախատեսված է փոխհատուցում և հավելավճար այն մասնագետներին, ովքեր կհամաձայնեն և պատրաստ են աշխատել իրենց բնակավայրից առնվազն 30 կմ հեռավորության վրա գտնվող մեկ այլ բնակավայրում: Ըստ Արտակ Մանգասարյանի՝ վերամասնագիտացման դասընթացների շրջանավարտների առնվազն 50 տոկոսը պետք է աշխատանք ստանա: Ըստ մոտավոր վերլուծության՝  մյուս 50 տոկոսն էլ եթե չի գրանցվում զբաղվածության կենտրոններում, ուրեմն աշխատանք գտել է:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները
09.11.2018
12:00
Նոյեմբերի 9-ին «Մեդիա կենտրոնում» Երևանի մամուլի ակումբը ներկայացրեց ԱԺ արտահերթ ընտրությունների լուսաբանման վերաբերյալ մշտադիտարկման նախնական փուլի արդյունքները։
«Ինչպե՞ս բարձրացնել գիտության արդյունավետությունը»
09.11.2018
11:00
Նոյեմբերի 9-ին, ժամը 11:00-ին, Մեդիա կենտրոնում տեղի կունեն քնարկում՝ «Ինչպե՞ս բարձրացնել գիտության արդյունավետությունը» թեմայով:
«ՊԵԿ-ի նոր օրինագիծը. ՀԿ-ների ֆինանսական հաշվետվությունը պետք է ամբողջությամբ տեսանելի լինի»
08.11.2018
11:00
Նոյեմբերի 8-ին «Մեդիա կենտրոնում» տեղի ունեցավ քննարկում՝ «ՊԵԿ-ի նոր օրինագիծը. ՀԿ-ների ֆինանսական հաշվետվությունը պետք է ամբողջությամբ տեսանելի լինի» թեմայով:
«Նախկին դատապարտյալների վերաինտեգրման խնդիրները Հայաստանում»
07.11.2018
12:00
Նախկին դատապարտյալների վերաինտեգրման գործընթացը սկսվում է հենց այն պահից, երբ ազատազրկված անձը մուտք է գործում քրեակատարողական հիմնարկ։
«Արամի 23 շենքը չի քանդվի, սակայն ինչպե՞ս պահպանել, որ չփլուզվի»
07.11.2018
11:00
Նոյեմբերի 7-ին Մեդիա կենտրոնում տեղի ունեցավ քննարկում «Արամի 23 շենքը չի քանդվի, սակայն ինչպե՞ս պահպանել, որ չփլուզվի» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ