Գործատու-աշխատող հարաբերությունների կարգավորման նոր փուլ
10.09.2014
12:00
«Աշխատանքային հարաբերությունները որքան էլ փորձենք հավասարակշռել, միևնույն է դրանք սուբորդինացված են, աշխատողը ենթակա է գործատուին, ուստի պետք է այնպես անել, որպեսզի գործատուն չչարաշահի իր իշխանությունը, իսկ դրա լավագույն լուծումը գտել է աշխարհը, այն է՝ հավասարակշռել աշխատող-գործատու հարաբերությունները արհեստակցական միությունների միջոցով»,- Մեդիա կենտրոնի նախաձեռնությամբ անցկացված այսօրվա քննարկման ընթացքում նշեց ՀՀ ագրոարհմիության ներկայացուցիչ՝ Նարեկ Ներսիսյանը:

Քննարկմանը մասնակցում էին նաև ՀՀ ԱՍՀՆ աշխատանքի և զբաղվածության վարչության պետ Թադևոս Ավետիսյանը, ՀՀ արհմիությունների կոնֆեդերացիայի նախագահի տեղակալ Բորիս Խառատյանը,  «Թրանսփարենսի ինթերնեշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը:

Գործող աշխատանքային օրենսգիրքն ընդունվել է 2004 թվականի նոյեմբերին, ուժի մեջ է մտել 2005 թվականի հունիսին:

Ուժի մեջ մտնելուց հետո  օրենսգրքում 17 անգամ փոփոխություններ և լրացումներ են կատարվել: Վերջին անգամ լուրջ փոփոխություններ կատարվել է 2010 թվականին, բայց այսօր կրկին ծագել է օրենսգիրքը փոփոխելու անհրաժեշտությունը, որը պայմանավորված է մի քանի  հանգամանքով՝ նախ որ կիրառության ընթացքում բազմաթիվ խնդիրներ են ծագել նաև օրենսդրության դրույթների ոչ հստակ լինելու պատճառով, ինչը տարընկալման տեղիք է տվել:

ՀՀ ԱՍՀ նախարարության ներկայացրած հիմնավորման համաձայն  ՀՀ աշխատանքային օրենսգրքում կատարված փոփոխություններն ու լրացումները ուղղված են` աշխատանքային հարաբերություններում գործատուների կողմից վարվող փաստաթղթաշրջանառության բեռի թեթևացմանը, գործարար միջավայրի բարելավմանը, աշխատողների ներկայացուցիչների իրավունքների ընդլայնմանը, աշխատանքային հարաբերությունների ծագման իրավական հիմքերի կարգավորմանը, աշխատաժամանակի ռեժիմի և հանգստի ժամանակի կարգավորմանը և այլն:

ԱՍՀՆ աշխատանքի և զբաղվածության վարչության պետ Թադևոս Ավետիսյանի խոսքով մշակվող փոփոխություններն ուղղված են հասարակական բավականին լայն հարաբերությունների կարգավորմանը: Մասնավորապես` այն, որ աշխատանքային պայմանագրի և աշխատանքային պայմանագիրը լուծելու մասին անհատական իրավական ակտի մեկ օրինակը գործատուն պարտավոր է տրամադրել աշխատողին օրենքով, մեկ այլ դրույթով հստակեցվում է  հատուկ կամ մասնագիտական աշխատանքային ստաժի հասկացության սահմանումը:  

Նարեկ Ներսիսյանի գնահատմամբ այս փոփոխություններով իհարկե կարգավորվում են աշխատող-գործատու հարաբերությունները, բայց կոլեկտիվ հարաբերությունների կարգավորման հարցը մնում է չլուծված: «Այս առումով լուրջ փոփոխությունների անհրաժեշտություն կա և դրանով կկարգավորվեն ոչ  միայն  իրավական, այլև սոցիալական հարաբերությունները»:

ՀՀ արհմիությունների կոնֆեդերացիայի նախագահի տեղակալ Բորիս Խառատյանի կարծիքով  կան մի շարք  սկզբունքային հարցեր, որոնք պետք է ամրագրված լինեն աշխատանքային  օրենսգրքում: Դրանցից առաջինը հարկադիր աշխատանքի սահմանում, «հարկադիր աշխատանքն արգելված է Սահմանադրությամբ, բայց որևէ իրավական ակտում չկա սահմանումը, թե որն է հարկադիր աշխատանքը: Երկրորդ սկզբունքային հարցը վերաբերում է աշխատանքի վարձատրությանը: «Աշխատանքային  հարաբերություններում հիմնական խնդիրը աշխատանքի վարձատրությունն է, -ասաց Բորիս Խառատյանը հավելելով, որ -«բոլոր երկրներում աշխատանքի վարձատրությունը կառուցվում է հաշվի առնելով նվազագույն  աշխատավարձը, նվազագույն աշխատավարձը հաշվարկվում է տարբեր ձևերով, որոշ երկրներում հաշվի են առնում սպառողական զամբյուղը կամ երկրներում միջին աշխատավարձը, մեր երկրում որևէ կոնկրետ ձև գոյություն չունի»: Ըստ Բորիս Խառատյանի՝ անհրաժեշտ է «աշխատանքային օրենսգրքով  սահմանել նաև «նվազագույն աշխատավարձ» հասկացությունը»:

«Թրանսփարենսի ինթերնեշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը չհստակեցված է համարում այն, որ Աշխատանքային օրնեսգրքի նոր տարբերակում ամրագրված է «ակնհայտ բարենպաստ պայմանների դեպքում աշխատակցին չծանուցելու մասին» դրույթը: Մինչդեռ պարզ չէ, թե ով և ինչպես է որոշում աշխատակցի համար որն է ակնհայտ բարենպաստ պայմանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ