Կրթական համակարգի բևեռացումը հղի է լուրջ վտանգներով
25.08.2014
12:00
Կրթական համակարգի հաջողության գրավականն այն է, երբ տեղի է ունենում դպրոցների և կրթական համակարգի համաչափ զարգացում, երբ թե´ մայրաքաղաքում և թե´ հեռավոր գյուղերում դպրոցները համաչափ են զարգանում:

Իսկ հանրային կրթական օջախներում համաչափ զարգացումն ապահովելու համար անհրաժեշտ է ֆինանսավորման տարբերակված մոտեցում, այսինքն ՀՀ գյուղական համայնքներում դպրոցներին անհրաժեշտ է հատկացնել ավելի մեծ գումար, քան Երևանի դպրոցներին:

«Մեդիա կենտրոնի» նախաձեռնած՝ «Հանրակրթությունից անցում բուհական կրթության. առկա խնդիրներ» թեմայով մամլո ասուլիսին ԵՊՀ դոցենտ,  բարձրագույն կրթության բարեփոխումների փորձագետ Սամվել Կարաբեկյանը և ԵՊՀ դոցենտ, կրթության փորձագետ Սերոբ Խաչատրյանը նախ ներկայացրեցին անկախության տարիներին կրթության համակարգում իրականացված բարեփոխումները, ապա անդրադարձան հիմնական խնդիրներին: Սերոբ Խաչատրյանի գնահատմամբ` կրթական բարեփոխումների մեկնարկից անցել է մոտ 17 տարի, և արդեն ժամանակն է խոսելու, թե ինչ արդյունքի ենք հասել:

Հանրակրթության համաչափ զարգացումն՝ անհրաժեշտ պայման

«Ֆինլանդիայի, Կանադայի կամ Էստոնիայի փորձն ապացուցում է, որ երկիրը կարող է զարգանալ միայն համաչափ կրթության դեպքում», - նշեց ԵՊՀ դոցենտ, կրթության փորձագետ  Սերոբ Խաչատրյանը: Ըստ փորձագետի` Հայաստանում հասարակությունը բևեռացված է, ինչը նկատվում է հանրակրթության ոլորտում: Ֆինլանդիայի կրթական համակարգի հաջողության գրավականն է դպրոցների համաչափ զարգացումը: Այսինքն մայրաքաղաքից հեռու բնակավայրերի դպրոցներին շատ ավելի մեծ ուշադրություն պետք է դարձնել: Ըստ Սերոբ Խաչատրյանի` այսօր Հայաստանում փորձում են կիրառել հետևյալ մոդելը` ներդրում կատարելով հասարակության  20%-ի համար ապահովել բարձրորակ կրթություն, ովքեր մնացած 80%-ին կտանեն իրենց հետևից: Սակայն անգամ 20 տոկոս լավագույն կրթություն ստացած երկտասարդների միջոցով հնարավոր չէ լիարժեք զարգացում ապահովել: Այսինքն «շատ կարևոր է կրթության  համաչափ զարգացումը»:

Սերոբ Խաչատրյանի գնահատմամբ` գյուղական համայնքներում քիչ աշակերտ ունեցող 3-4 դպրոցների միավորումը մեկ դպրոցի մեջ կարող է ստեղծել լավ ներուժ ունեցող կրթական հաստատություն, սակայն մինչև միավորումը պետք է հաշվի առնել ենթակառուցվածքների առկայությունը տվյալ շրջանում:

Ասուլիսի մյուս մասնակից ԵՊՀ դոցենտ Սամվել Կարաբեկյանն առանձնացրեց հանրակրթության ոլորտում առկա 2 կարևոր խնդիր, որոնք  առնչվում են գիտելիքների գնահատման ու մասնագիտական կողմորոշման համակարգերին:

«Հիմա դիմորդը դիմում է բուհ, ընտրում մասնագիտությունն ու հետո անցնում է իր շեմային գիտելիքի գնահատումը, մինչդեռ սա տրամաբանական չէ. գիտելիքների գնահատումը պետք է նախորդի մասնագիտություն ընտրելուն», - հայտարարեց Սամվել Կարաբեկյանը:

ԵՊՀ դոցենտի կարծիքով` ավագ դպրոցի ինստիտուտը դեռ չի կայացել Հայաաստանում, սակայն դա չի նշանակում, որ պետք է հրաժարվել համակարգից` լուծումներ փնտրելու փոխարեն:

Սովորեցնենք սովորել

«12-ամյա հանրային կրթությունը չլուծեց ուսումնական նյութերի բեռնաթափման խնդիրը», - նշեց Սերոբ Խաչատրյանը:

Ըստ փորձագետի` Հայաստանում կրթությունը չպետք է լինի արարողակարգային` դառնալով միայն գեղեցիկ միջոցառումների ամբողջություն:

«Մենք երեխաներին չենք սովորեցնում մտածել: Եթե երեխան չի մտածում, դպրոցի գիտելիքներն ինֆորմացիոն աղմուկ են միայն», - վստահ է Սերոբ Խաչատրյանը:

Փորձագետը եզրափակեց իր խոսքը` նշելով, որ այժմ գիտելիքն անվճար է, և ուսումնական հաստատությունների գլխավոր խնդիրը պետք է լինի ոչ միայն գիտելիք փոխանցելն, այլ նախևառաջ սովորելու ցանկությունը զարգացնելը: Սամվել Կարաբեկյանի  բնորոշմամբ էլ դպրոցում պետք է, «ոչ միայն մտածել, այլ նաև սովորել սովորեցնենք»:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար: