Նպատակային սոցվճարումներ և առկա խնդիրներ
22.08.2014
13:30
Հարկային մարմնին էլեկտրոնային հաշվետվությունների ներկայացման ընթացքում ծագած խնդիրների հավաքագրումից հետո փորձագետների խումբը պատրաստվում է դիմել ՀՀ ֆինանսների նախարարությանը: Վարչական լծակները սպառելու դեպքում միայն խումբը կդիմի դատական մարմիններին:

Կա խնդիր, և այն պետք է ուսումնասիրվի, և տրվի լուծում

«Ֆինանսների նախարարությունը պետք է ուսումնասիրի ամեն դեպք ու իր մոտեցումն առաջարկի յուրաքանչյուրի համար», - հայտարարեց տնտեսագետ Սուրեն Պարսյանն այսօր «Մեդիա կենտրոնի» նախաձեռնած նպատակային սոցիալական վճարումներ կատարելու ընթացքում ծագած խնդիրների և դրանց հնարավոր լուծումների վերաբերյալ մամլո ասուլիսին:

Մամլո ասուլիսի մյուս մասնակից` հաշվապահ Շողեր Բաբայանը, նշեց, որ 2 օրվա ընթացքում ԿՀԻԿ-ի թեժ գծին արվել է 1850 զանգ, ինչը կարելի է համարել յուրօրինակ օգնություն նախարարությանը առկա խնդիրները լուծելու համար:

Ավելի վաղ, «Մեդիա կենտրոնի» հարցմանն ի պատասխան ՀՀ ֆինանսների նախարարությունը պարզաբանել էր, որ հարկ վճարողների հեռախոսազանգերի սպասարկման կենտրոնն աշխատում է լրիվ ծանրաբեռնվածությամբ, մասնավորապես օգոստոսի 19-ին կենտրոնը պատասխանել է 1.847, իսկ օգոստոսի 20-ի՝ ժամը 15:00-ի դրությամբ՝ 1.070 հարկ վճարողների զանգերի:

Շողեր Բաբայանը նաև ընդգծեց, որ ինքն անձամբ ու մյուս հաշվապահները նույնպես օգոստոսի 15-20 ընկած ժամանակահատվածում աշխատել են արտաժամյա, որպեսզի հասցնեն ուղարկել հաշվետվությունները:

Մարդու իրավունքները գերակա են տեխնիկակական խնդիրներին

«Մարդու իրավունքների ապահովումն ու պաշտպանությունը չեն կարող ենթադասվել տեխնիկական, կազմակերպչական խնդիրներին: Սա Սահմանադրական Դատարանի հիմնարար մոտեցումներից մեկն է, որով մենք պետք է առաջնորդվենք»,- հայտարարեց Սուրեն Պարսյանը:

Ըստ նրա` ՀՀ ֆինանսների նախարարությունը նույնպես պետք է շահագրգռված լինի, որ այս համակարգային խնդիրը լուծվի:

Շողեր Բաբայանը մատնանշեց մեկ այլ խնդիր: Ըստ օրենքի` 1996թ. հունվարի 1-ից հետո ծնված աշխատողները պետք է եկամտային հարկը նվազեցվեր 5%-ով` վճարելով միայն 19.4% + 5 % նպատակային սոցիալական վճար, սակայն համակարգը պահել է 24.4 % + 5 %: Նախարարությունը պատճառաբանել է, որ դա ծրագրային խնդիր է, և անհրաժեշտ է սպասել:

Այդուհանդերձ մասնագետները վստահեցրին, որ իրենք հետևողական են լինելու, հավաքգրելու են բոլոր հարցումներն ու ծագած խնդիրների վերաբերյալ հրապարակումները և ներկայացնելու են ՀՀ ֆինանսների նախարարությանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Խտրականության թիրախները և ատելության խոսքը Հայաստանում»
18.04.2019
12:00
Մեդիա կենտրոն, Երևան: Ապրիլի 18-ին, ժամը 12:00-ին «Մեդիա կենտրոնում» տեղի ունեցավ քննարկում «Խտրականության թիրախները և ատելության խոսքը Հայաստանում» թեմայով:
«Ժողովրդավարական համախմբում» նախաձեռնության մեկնարկ
17.04.2019
11:00
Մեդիա կենտրոն, Երևան: Ապրիլի 17-ին, ժամը 11:00-ին «Մեդիա կենտրոնում» տեղի ունեցավ մամուլի ասուլիս «Ժողովրդավարական համախմբում» նախաձեռնության մեկնարկի վերաբերյալ:
«ՏԻՄ ոլորտը հեղափոխությունից առաջ և հետո. օրենսդրական փոփոխություններ և առկա հիմնախնդիրներ»
16.04.2019
12:00
Մեդիա կենտրոն, Երևան: Ապրիլի 16-ին, ժամը 12:00-ին «Մեդիա կենտրոնում» տեղի ունեցավ ասուլիս-քննարկում՝ «ՏԻՄ ոլորտը հեղափոխությունից առաջ և հետո. օրենսդրական փոփոխություններ և առկա հիմնախնդիրներ» թեմայով:
«Լրատվամիջոցների իրական սեփականատերերի թափանցիկության խնդիրը Հայաստանում»
15.04.2019
11:00
Մեդիա կենտրոն, Երևան: Ապրիլի 15-ին, ժամը 11:00-ին «Մեդիա կենտրոնում» տեղի ունեցավ քննարկում «Լրատվամիջոցների իրական սեփականատերերի թափանցիկության խնդիրը Հայաստանում» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ