Հեպատիտի դեմ պայքարի մակարդակը Հայաստանում դեռևս բավարար չէ
29.07.2014
13:30
ՀՀ-ում պետական հոգածությունն այսօր Հայաստանի Հանրապետությունում վերաբերում է միայն սուր վիրուսային հեպատիտներին. քրոնիկ հիվանդությունների դեպքում դեռևս պետպատվերի շրջանակներում բուժում չի իրականացվում:

Հեպատիտների դեմ պայքարը լրջագույն խնդիր է ամբողջ աշխարհում, հատկապես հեպատիտ C-ի դեմ  պայքարում կան լուրջ խնդիրներ և ոչ միայն  Հայաստանում, այլև ամբողջ աշխարհում:

«Մեդիա կենտրոնի»  սրահում տեղի ունեցած՝ «Հեպատիտի դեմ պայքարը Հայաստանում, խնդիրներ, լուծման ճանապարհներ» թեմայով մամլո ասուլիսի ընթացքում տեսակտներ հայտնեցին մասնագետներ, հասարակական կազմակերպությունների ներկայացուցիչներ և նաև լրագրողներ: 

Ասուլիսին մասնակցեցին հեպատիտով ապրողներ՝ Արթուր Մանվելյանը և Թորգոմ Բադալյանը, Նորք հիվանդանոցի լյարդաբանական բաժանմունքի ղեկավար, Հայկական լյարդաբանական ասոցիացիայի նախագահ՝ Հասմիկ Ղազինյանը, “Դրական մարդկանց հայկական ցանց” ՀԿ-ի նախագահ Անահիտ Հարությունյանը:

Նորք հիվանդանոցի լյարդաբանական բաժանմունքի ղեկավար, Հայկական լյարդաբանական ասոցիացիայի նախագահ՝ Հասմիկ Ղազինյանը նշեց, որ Հայաստանում բնակչության 3-4 % վարակված է հեպատիտ C-ով, իսկ գալիք 10 տարիների ընթացքում վարակակիրների քանակը հավանաբար կկրկնապատկվի, ինչը սպառնում է նաև ամբողջ աշխարհին:

Ըստ Հասմիկ Ղազինյանի՝ Հայաստանը հեպատիտի միջին տարածվածության երկրների շարքում է գտնվում` 2-3 %-ով, սակայն ուսումնասիրություն  է արվելու, որպեսզի որոշվի Հայաստանի նոր կարգավիճակը:

Ասուլիսի մասնակիցները հատուկ շեշտադրեցին ոչ միայն հիվանդության դեմ պայքարի, այլ նաև այն կանխարգելելու անհրաժեշտությունը: Դրա համար առաջնահերթ խնդիր է բնակչությանն իրազեկելը՝ այս հիվանդությունից խուսափելու համար անհրաժեշտ կանխարգելիչ միջոցներ կիրառելու մասին:

Անհրաժեշտ է նաև, որպեսզի հասարակական կազմակերպությունների հետ  ակտիվ համագործակցեն պետական մարմինները, առողջապահության ոլորտի պատասխանատուները:

Այսօր հենց ասուլիսի ընթացքում բողոքի ակցիա էր տեղի ունենում ՀՀ առողջապահության նախարարության շենքի մոտ, ակցիային մասնակցում էին մի քանի հասարակական կազմակերպության ներկայացուցիչներ, ովքեր մի շարք առաջարկություններով  նամակ փոխանցեցին ՀՀ առողջապահության նախարարին:  Թեև ճիշտ մեկ տարի առաջ էլ նմանաբովանդակ նամակ էին փոխանցել նշված գերատեսչության ղեկավարին, սակայն այն մնացել էր անարձագանք: Այս անգամ հասարակական կազմակերպությունների ներկայացուցիչները հույս ունեն, որ արձագանք կստանան, և այդպիսով սկիզբ կդրվի պետական և հասարակական համակարգերի  միջև համագործակցությանը:

«Դրական մարդկանց հայկական ցանց» ՀԿ-ի նախագահ Անահիտ Հարությունյանը հայտարարեց, որ իրենց կազմակերպությունը պայքարում է հեպատիտի բուժման հասանելիությունն ապահովելու համար, և սա պետական սեկտորի հետ իրական համագործակցության առաջին քայլն է:

Հեպատիտով հիվանդ Արթուր Մանվելյանը նշեց, որ հեպատիտի բուժումը Հայաստանում արժե 15-16 հազար դոլար, ինչն անհասանելի է իր համար:

Լրագրող Արփի Բեգլարյանը հայտարարեց, որ հաճախ բժիշկներն ու մատնահարդարները հրաժարվում են սպասարկել հեպատիտով ապրող մարդկանց:

Լրագրողը հավելեց նաև, որ ամբողջական ստուգումը կարող է արժենալ 220 հազար դրամ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Ի՞նչ անել, երբ կրակում են սահմանին. Խորհուրդներ հոգեբանից
10.08.2020
15:42
Օգոստոսի 10-ին, ժամը 15:00-ին, Մեդիա կենտրոնը անցկացրեց զրույց «Հայկական կարմիր խաչ» ընկերության հոգեբան Արմիդա Զախարյանի հետ: Թեման՝«Ի՞նչ անել, երբ կրակում են սահմանին. Խորհուրդներ հոգեբանից»:
Հայտարարություն լրագրողական գործունեությանը խոչընդոտելու վերաբերյալ
10.08.2020
13:33
10 օգոստոսի 2020 թ., Երևան

Օգոստոսի 8-ին ՀՀ նախկին ոստիկանապետ Վլադիմիր Գասպարյանը սանձարձակ վերաբերմունք է դրսևորել «Ազատություն» ռադիոկայանի լրագրողների նկատմամբ, խոչընդոտել նրանց մասնագիտական գործունեությունը։ Վերջիններս Սևանա լճի ափամերձ գոտուց ռեպորտաժ էին պատրաստում այստեղ ապօրինի կառուցված շենք-շինությունների վերաբերյալ։ Նկատելով, որ լրագրողները նկարահանում են նաև իր առանձնատունը՝ նախկին ոստիկանապետը, ըստ «Ազատություն» ռադիոկայանի, վարել է մեքենան նրանց ուղղությամբ՝ սպառնալով վրաերթի ենթարկել և ֆիզիկապես ոչնչացնել՝ «գյուլլել», «սատկացնել», ապա, հայհոյանքներ հնչեցնելով, պահանջել է չհրապարակել տեսագրությունը։
«Երևան. անօդ տարածք, որտեղ ծառերը խանգարում են բետոնին»
07.08.2020
14:00
Օգոստոսի 7-ին, ժամը 14:00-ին, Մեդիա կենտրոնը անցկացրեց առցանց հանրային քննարկում «Երևան. անօդ տարածք, որտեղ ծառերը խանգարում են բետոնին» թեմայով:

«Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա»
04.08.2020
17:00
Օգոստոսի 4-ին, ժամը 17:00-ին, Մեդիա կենտրոնը անցկացրեց առցանց քննարկում «Խտրականություն՝ գերշահույթ ստանալու նպատակով. «Էլեկտրոնային հաղորդակցության մասին» օրենքը դա այլևս թույլ չի տա» թեմայով:

««Հայոց պատմությունը» ՝ հայոց հարց»
04.08.2020
12:00
Օգոստոսի 4-ին, ժամը 12:00-ին, Մեդիա կենտրոնն անցկացրեց առցանց քննարկում ««Հայոց պատմությունը» ՝ հայոց հարց» թեմայով:

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Միջոցառում
Հայաստան-Թուրքիա Միջոցառումներ
06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

06-07-2020

«Քաղաքացիական հասարակությունը համավարակի ժամանակ և դրանից հետո - 5. Ինչպե՞ս է այն ազդում մարդու իրավունքների...

27-03-2020

Մեկ շաբաթվա ընթացքում նոր տիպի կորոնավիրուսով վարակվածների թիվը Թուրքիայում տասնապատկվել է, մահացել է 75 մարդ:...