ՀՀ-ում Ուկրաինայի դեսպանի պարզաբանումները վերջին իրադարձությունների մասին
22.07.2014
11:30
Ուկրաինայի նախագահն ու կառավարության ներկայացուցիչները պնդում են, որ իրենց երկրի անվտանգության ծառայության և պաշտպանության նախարարության տրամադրության տակ կան ապացույցներ, որոնք վկայում են, որ Ուկրաինայի արևելյան հատվածում մալազիական «Բոինգ-777» ինքնաթիռը ոչնչացրել են անջատողականները: Դոնեցկի ինքնահռչակ հանրապետության ղեկավարներն էլ հակառակն են պնդում, թե Ամստերդամից Կուալա-Լումպուր թռչող մալայզիական օդանավի աղետը ուկրաինական զինված ուժերի գործողությունների հետևանք է:

ՀՀ-ում Ուկրաինայի արտակարգ ու լիազոր դեսպան Իվան Կուխտան այսօր «Մեդիա կենտրոնում» տեղի ունեցած մամլո ասուլիսի ընթացքում անդրադարձավ, ոչ միայն  «Բոինգ-777» կործանմանը,  Ուկրաինայում տեղի ունեցող իրադարձություններին՝ փոխանցելով պաշտոնական Կիևի տեսակետները խնդրի կարգավորման առնչությամբ, այլ նաև որոշ պարզաբանումներ տվեց հայ-ուկրաինական հարաբերությունների ներկա փուլի ու հնարավոր զարգացումների վերաբերյալ:

Մալայզիական «Բոինգ-777» օդանավը ոչնչացրել են «Դոնեցկի անջատողականները»

«Ուկրաինան ունի փաստեր, որ ինքնաթիռը ոչնչացրել են Դոնեցկի անջատողականները Ռուսաստանի տրամադրած զենքով», - հայտարարեց դեսպան ԻվանԿուխտան, հավելելով, որ իրենց տվյալներով ինքնաթիռը խփվել է  Ուկրաինայի Դոնեցկի մարզի օդային տարածքում, որը վերահսկում են «գրոհայինները, անջատականները կամ այսօր նրանց կոչում են ահաբեկիչներ:» Ըստ դեպսանի Ուկրաինան իր տրամադրության տակ եղած  ապացույցները կներկայացնի միջազգային հանրությանը և առաջին հերթին օդանավի աղետի պատճառները  քննող միջազգային հանձնաժողովին:

Ուկրաինայի նախագահը չի բանակցի  Դոնեցկի ինքնահռչակ հանրապետության ղեկավարների հետ

Դեսպան Կուխտան բացառեց , որ իր երկրի նախագահ Պյոտր  Պորոշենկոն  կլոր սեղանի շուրջ կբանակցի Դոնեցկի անջատողականների հետ, հարցին, թե այդ դեպքում ինչպես   են պատկերացնում խաղաղ ճանապարհով խնդրի կարգավորումը, ուկրաինացի դիվանագետը պատասխանեց, որ իրենց կառավարությունը պատրաստ է Լուգանսկի ու Դոնեցկի շրջանների անջատողականների հետ սկսել կարգավորման գործընթացը միայն միջնորդ՝ կոնտակտային խմբի միջոցով: Դեսպանի փոխանցմամբ  Ուկրաինայի կառավարությունը պատրաստակամ է միջանցք տրամադրել Ռուսաստանից եկած զինյալներին, ովքեր զենքը վայր կդնեն ու կվերադառնան իրենց հայրենիք: Միևնույն ժամանակ Իվան Կուխտան ընդգծեց, որ անջատողականների հետ նույն սեղանի շուրջ նստելն ու բանակցելը, կնշանակի ճանաչել նրանց ինքնահռչակումը:

Ուկրաինայի իշխանությունները չեն դադարի հայտարարել, որ «Ղրիմը ժամանակավորապես բռնազավթված տարածք է»

Պատասխանելով Ղրիմի մասին հարցին` Իվան Կուխտան նշեց, որ Ուկրաինայի կառավարությունը չի անտեսում այս շրջանի հիմնախնդիրը, այլ ընդհակառակը` անդադար խոսելու է Ղրիմի մասին, քանի որ բոլոր միջազգային կառույցները Ղրիմն ընդունում են որպես Ուկրաինայի մաս, որը «ժամանակավորապես զավթված տարածք է»:

Հայ ուկրաինական հարաբերություններ

Խոսելով հայ-ուկրաինական հարաբերությունների մասին`  դեսպան Կուխտան ընդգծեց, որ 2 պետություններն երկար տարիներ ունեցել են ամուր տնտեսական ու մշակութային կապեր, որոնք Ուկրաինան մտադիր է ամրապնդել:

Դեսպանի փոխանցմամբ` մինչ տարվա վերջ Հայաստանում կանցկացվի հայ-ուկրաինական ժողով, որի ժամանակ կքննարկվեն երկու  պետությունների տնտեսական համագործակցության հնարավորությունները, կդիտարկվի Եվրասիական միությանն անդամակցող Հայաստանի և ԵՄ ասոցացման համաձայնագիրը ստորագրած Ուկրաինայի միջև ապրանքաշրջանառությանն ու մաքսատուրքերին վերաբերող հարցեր:  

Հայաստանում Ուկրաինայի արտակարգ և լիազոր դեսպանն  ընդգծեց նաև, որ  Ուկրաինայի գործող իշխանությունները կարևորում են Հայաստանի հետ բազմակողմանի հարաբերությունները և տարբեր վերպետական տնտեսական կառույցների ինտեգրումը չի կարող խաթարել դրանց բնականոն ընթացքը:

«Անցյալ տարի առևտրաշրջանառությունը կազմել է 223 միլիոն դոլար: Ե´վ Ուկրաինան և´ Հայաստանը հետաքրքրված են երկկողմ ներմուծմամբ ու արտահանմամբ: Քանի որ Եվրասիական տնտեսական միությունում սակագներն ուրիշ են լինելու, բնականաբար, իսկ Ուկրաինան էլ պարտավորություն է ստանձնել Եվրոպական Միության առջև, կարծում եմ, որ բանակցություններն անհրաժեշտ են», - ասաց Իվան Կուխտան:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Քննարկում Արմավիրում. ԱԺ արտահերթ ընտրություններ. քաղաքացիական հասարակության ակնկալիքներն ու պահանջները
21.11.2018
12:00
Նոյեմբերի 21-ին «Մեդիա կենտրոնը» անցկացրեց հանրային քննարկում Արմավիր քաղաքում`Արմավիրի Զարգացման կենտրոնի գրասենյակում (հասցե`Շահումյան 68ա): Քննարկման թեման է`«ԱԺ արտահերթ ընտրություններ. քաղաքացիական հասարակության ակնկալիքներն ու պահանջները» թեմայով։
Դիաբետի բուժման հնարավորությունները Հայաստանում
21.11.2018
11:00
Այսօր Հայաստանում կա 576 երեխա՝ մինչև 18 տարեկան, որոնք ունեն տիպ 1 շաքարային դիաբետ. այս մասին նոյեմբերի 21-ին Մեդիա կենտրոնում տեղի ունեցած քննարկմանը ասաց Մուրացան համալսարանական կլինիկայի ներզատաբանական բաժանմունքի վարիչ Ելենա Աղաջանովան:
«Փոփոխություններ ՀՀ հարկային օրենսգրքում. կհարկվե՞ն արդյոք արտագնա աշխատողները»
20.11.2018
13:00
Նոյեմբերի 20-ին «Մեդիա կենտրոնում» տեղի ունեցավ քննարկում «Փոփոխություններ ՀՀ հարկային օրենսգրքում. կհարկվե՞ն արդյոք արտագնա աշխատողները» թեմայով։
«Թվային Հայաստանին ընդառաջ» ArmSec 2018 համաժողով
20.11.2018
12:00
Նոյեմբերի 20-ին «Մեդիա կենտրոնում» տեղի ունեցավ մամուլի ասուլիս` նվիրված «Թվային Հայաստանին ընդառաջ» խորագրով ArmSec 2018 համաժողովի բացմանը:

«Նոր իշխանությունությունից պահանջը ավելի մեծ է լինելու խտրականության դեմ պայքարի համար». իրավապաշտպաններ
16.11.2018
12:00
Այն քաղաքական ուժերը, ովքեր ձախողել են իրենց քաղաքական օրակարգը, չեն կատարել խոստումները, ունեն մի գործիք՝ տարբեր խմբերի նկատմամբ ատելությունը մանիպուլյացնելով ձեռք բերել դիվիդենտներ. այս մասին նոյեմբերի 16-ին «Մեդիա կենտրոնում» Հանդուրժողականության համաշխարհային օրվան նվիրված քննարկմանը հայտարարեց Խտրականության դեմ պայքարի և հանուն հավասարության կոալիցիայի ղեկավար Հովհաննես Մադոյանը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ