Բրազիլիայի ձեռքբերումներն ու կորուստները ֆուտբոլի աշխարհի առաջնության արդյունքում
15.07.2014
11:30
Ֆուտբոլի աշխարհի 20-րդ առաջնությունը պարգևեց բրազիլիացիներին հպարտության ու հիասթափության վայրկյաններ: Իսկ առաջնության ավարտից հետո Բրազիլիայում արձանագրվեց առաջընթաց մի շարք ոլորտներում:

Այսօր «Մեդիա կենտրոնը» հյուրընկալեց ՀՀ-ում Բրազիլիայի Դաշնային Հանրապետության արտակարգ և լիազոր դեսպան Ն.Գ. Էդսոն Մարինյո Դուարտե Մոնտեյրոյին:

Ֆուտբոլի աշխարհի 20-րդ առաջնությունը նպաստել է Բրազիլիայում մի շարք ոլորտների զարգացմանը

«Իհարկե դեռ վերջնական թվեր չկան Բրազիլիայի տնտեսության վրա աշխարհի առաջնության ազդեցության վերաբերյալ, բայց կարող ենք ասել, որ, օրինակ, Սան Պաուլոյում սպասելիքները գերազանցվել են. այս քաղաքն ունեցել է 1 մլրդ ռեալ եկամուտ», - ասաց պարոն դեսպանը:

Ն.Գ. Էդսոն Մարինյո Դուարտե Մոնտեյրոն ներկայացրեց այն ոլորտները, որտեղ արձանագրվել է առաջընթաց` շնորհիվ Ֆուտբոլի աշխարհի առաջնության: Որպես օրինակ պարոն դեսպանը նշեց կրեդիտ քարտերի համակարգի զարգացումը, օդակայանների ու տեղական փոխադրման ենթակառուցվածքները, որոնք գործեցին միջազգային չափանիշներին համապատասխան` չնայած եղած խնդիրներին:

Բրազիլիայում առաջին անգամ էր փորձարկվում նաև 4K տեսագրման ու հեռարձակման համակարգն, ինչպես նաև բջջային հեռախոսների 4G կապը, որոնք, ըստ բանախոսի, կծառայեն բրազիլիացիներին հետագայում:

Բրազիլիայի հավաքականի պարտության համար չպետք է մեղադրել միայն մարզչին

«Հեշտ է մեղադրել մարզչին, բայց պետք է հիշել, որ Սքոլարին այն նույն մարզիչն է, ով հաղթեց Կոնֆեդերացիայի գավաթը մեկ տարի առաջ», - նշեց պարոն դեսպանն` ավելացնելով, որ Բրազիլիայի հավաքականը կարող էր փորձի ու կարողությունների խառնուրդ լիներ: Ըստ պարոն դեսպանի` խնդիր կար պաշտպանությունում, ինչպես նաև ընտրված մարտավարությունում, իսկ թիմը կազմելիս մարզիչը ցանկացել է կազմել ապագայի թիմ:

Դեսպանի համար մղձավանջ էր, իհարկե, Բրազիլիայի թիմի պարտությունը, քանի որ երբեք չէր պատկերացնի, թե Բրազիլիան կարող էր պարտվել 7-1 հաշվով:

Աշխարհի առաջնությունից հետո շատերն են ասում, որ Եվրոպայից մարզիչներ պետք է բերել Բրազիլիա, բայց դեսպանը համաձայն չէ, որովհետև այդ դեպքում կկորցնեն Բրազիլիային և ընդհանրապես Հարավային Ամերիկային բնորոշ ֆուտբոլային ոճը:

Բրազիլիայում քաղաքականությունն ու ֆուտբոլը փոխկապակցվածչեն

«1998-ին Բրազիլիայի հավաքականը պարտվեց, սակայն այդ ժամանակ գործող իշխանությունները վերընտրվեցին, իսկ, երբ 2002-ին  բրազիլացիները դարձան աշխարհի չեմպիոն, ընդդիմությունը հաղթեց ընտրություններում: Հետագայում էլ` 2006-ին, 2010-ին կառավարությունը վերընտրվում էր` չնայած հավաքականի պարտություններին: Բրազիլիայում քաղաքականությունն ու ֆուտբոլը փոխկապակցված չեն», - հայտարարեց պարոն դեսպանն` ընդգծելով, որ իր երկրում կան քաղաքական կյանքի վրա ազդող ուրիշ կարևոր գործոններ:

Դեսպան Դուարտե Մոնտեյրոն հուսով էր, որ եզրափակչում կհաղթեր Արգենտինայի հավաքականը

«Չեմ հասկանում, թե ինչու էին բրազիլիացիներն այդքան շատ ուզում, որ հաղթեր Գերմանիայի հավաքականը: Ես ցանկանում էի, որ հաղթանակն Արգենտինայինը լիներ, բայց ոչ Գերմանիայից վրեժ լուծելու պատճառով», - նշեց պարոն դեսպանն` ընդգծելով, որ պետք է հաղթեր լատինամերիկյան ֆուտբոլն, այսինքն Արգենտինայի հավաքականը, որը խաղում է հենց այդ տեսակ ֆուտբոլ:

Հայաստանի հավաքականում խաղացող երկու բրազիլացիների մասին դեսպանն ասաց, որ համոզված է, որ այդ երկու ֆուտբոլիստը իրենց ներդրումը կունենան, իհարկե նրանք Մեսսի կամ Նեյմար չեն, բայց հայտնի է, որ ֆուտբոլն ու Լատինական Ամերիկան անբաժանելի հասկացություններ են:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ