Սակագների բարձրացման ազդեցությունը Հայաստանի տնտեսության վրա
07.07.2014
15:00
Հայաստանի Հանրապետությունում տնտեսության զարգացմանն ուղղված նպատակները չեն համընկնում իրականացվող սակագնային քաղաքականությանը: Մի կողմից խոսվում է մրցունակ տնտեսություն ունենալու, ավելի շատ արտահանող, քան ներկրող երկիր դառնալու հեռանկարների մասին, մյուս կողմից իրականացվող սակագնային քաղաքականությունը կարծես հակառակ ուղղությամբ է տանում երկիրը:

Պատերազմի և խաղաղության լուսաբանման ինստիտուտի (IWPR) հայաստանյան գրասենյակի հետ համատեղ կազմակերպած «Գազի և  էլեկտրաէներգիայի սակագների բարձրացման ազդեցությունը ՀՀ տնտեսության վրա» թեմայով քննարկմանը մասնակցեցին տնտեսագետ, Հայ ազգային կոնգրեսի վարչության անդամ, տնտեսագետ Վահագն Խաչատրյանը, Գործատուների միության նախագահ Գագիկ Մակարյանը,  տնտեսագետ-փորձագետ Աշոտ Եղիազարյանն ու «Դ!եմ եմ» նախաձեռնության անդամ Մանե Թանդիլյանը:

Սակագների բաձրացման հետևանքով իհարկե ծագելու են սոցիալական խնդիրներ, իհարկե այսօր էլ քննարկվում է, թե որքանով էր հիմնավորված սակագների բարձրացումը, իր խոսքում նշեց Վահագն Խաչատրյանը հավելելով, որ  «Գործարար շրջանակներից որևէ արձագանք չեղավ  կամ իշխանություններից հիմնավորում պահանջեին, գուցե իշխանություններն էլ  մտածու՞մ են, որ կարող են շարունակել բարձրացնել սակագները»:

Գործատուների միության նախագահ Գագիկ Մակարյանի խոսքով ոլորտում առկա մի շարք խնդիրներ անմիջականորեն կապված են էներգետիկայի և բնական պաշարների նախարարության հետ: Մեջբերելով ՀՀ կառավարության դեռևս 2008-ին հաստատած նախարարության գործառույթների մասին որոշումը բանախոսը հերթով թվարկեց դրանցից շուրջ տասը գործառույթ, որոնք չեն կատարվում:

Տնտեսագետ Աշոտ Եղիազարյանի մեկնաբանությամբ  Հայաստանի էներգետիկ դաշտում գործում է ռուսական մոդելը, և ներդրողները չեն գալիս Հայաստան, քանի որ շուկան ազատ չէ:

 «Դ!եմ եմ» նախաձեռնության անդամ Մանե Թանդիլյանն էլ, որպես ՀՀ քաղաքացի  պահանջեց իշխանություններից, որ բացատրեն, թե «ինչու ապաշնորհ կառավարման  պատճառով սոցիալական բեռը պետք է ընկնի սպառողի վրա, և արդյունքում 25 դրամի փոխարեն սպառողը պետք է վճարի 42 դրամ:

«Մենք չօգտագործեցինք Իրանի հնարավորությունները: Գուցե կա մի խնդիր, որի մասին հրապարակավ չեն խոսում, օրինակ` ռուսական կապիտալը», - ասաց Վահագն Խաչատրյանը:

Բանախոսներն անդրադարձան նաև` սակագների բարձրացումը ուրիշ ինչ խնդիրների կհանգեցնի: Ակնհայտ է, որ սակագների բարձրացմանը շղթայական ռեակցիայով հետևելու է գնաճը, իսկ Գագիկ Մակարյանի խոսքով` «մարդկանց ձեռքի փողի զանգվածի 10 տոկոսով նվազելը կհանգեցնի գնողունակության անկման»:

ՀՀ հանրային ծառայությունները կարգավորող հանձնաժողովի հաստատած նոր որոշումը՝ օգոստոսի մեկից մեկ տարով երկրում բարձրացնել էլեկտրաէներգիայի սակագինը, «Հայաստանի էլեկտրական ցանցեր» ՓԲԸ-ի 20 մլն դրամանոց «ֆինանսական ճեղքվածքը» փակելու համար դժգոհությունների ու քննարկումների տեղիք է տվել հանրության շրջանում:

ՀԾԿՀ-ն էլեկտրաէներգիայի սակագինը բարձրացրեց 10%-ով՝ նախկին 38 դրամի փոխարեն, հասցնելով այն 42 դրամի:

Ճիշտ մեկ տարի առաջ էլ բարձրացել էին էլեկտրաէներգիայի և գազի սակագները:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ