Միգրացիան և զբաղվածության խնդիրը Գյումրիում
25.06.2014
15:00
Գյումրիում աշխատանք փնտրող քաղաքացիների 27 տոկոսը 16-30 տարեկան անձինք են, ըստ գյումրեցի երիտասարդների՝ խնդիրը ոչ միայն այն է, որ աշխատանք չկա, այլ՝ առաջարկվող աշխատանքի դիմաց քիչ է վճարվում, ինչն էլ նպաստում է արտագաղթին:

«Միգրացիան հատկապես երիտասարդների մեջ որոշ առումով դարձել է ժառանգական ֆենոմեն: Տարիներ շարունակ իրենց մոտ ձևավորվել է այն պրակտիկան, որ իրենց գոյատևման խնդիրները պետք է լուծեն միգրացիայի միջոցով, և դա փոխանցվում է հորից որդուն», - «Մեդիա կենտրոնի» նախաձեռնությամբ Գյումրիում կազմակերպված  բացօթյա քննարկմանը միգրացիայի պատճառներին անդրադարձավ ազգագրագետ, ԵՊՀ Պատմ. գիտ. թեկնածու Աղասի Թադևոսյանը՝ մատնանշելով, որ միգրացիան նաև ժառանգական պրակտիկա է դառնում, երբ արտագնա աշխատանքի են գնում միանգամից 3 սերունդ՝ պապը, տղան ու թոռը:

«Զբաղվածություն, միգրացիա և երիտասարդության խնդիրները Գյումրիում» թեմայով հունիսի 25-ի բացօթյա քննարկման բանախոսներն էին նաև Գյումրու զբաղվածության մարզային կենտրոնի զբաղվածության ծրագրերի բաժնի գլխավոր մասնագետ Լաուրա Մարտիրոսյանը, «Նոր սերունդ» հասարակական կազմակերպության ներկայացուցիչ Հովհաննես Մկրտչյանը և միգրացիայի ոլորտում մասնագիտացած քաղաքագետ, ՀՀ գիտությունների ազգային ակադեմիայի ասպիրանտ Արմեն Ղազարյանը:

Գյումրու զբաղվածության մարզային կենտրոնի զբաղվածության բաժնի գլխավոր մասնագետ Լաուրա Մարտիրոսյանի ներկայացրած տվյալներով Գյումրիում աշխատանք փնտրում են ինչպես բարձրագույն, այնպես էլ մասնագիտական կրթություն ունեցող երիատասարդները: Շատ են աշխատանք փնտրող մանկավարժները, բուժքույրերը, տնտեսագետները և այլոք:

«45-60 հազար դրամով երիտասարդը չի կարողանա ընտանիք պահել, իսկ Գյումրիում շատ քիչ են գործատուները, ովքեր գործում են աշխատանքային օրենսգրքի համաձայն, և բնականաբար, այս դեպքում երիտասարդը գերադասում է Գյումրիից հեռանալ»,- ասաց «Նոր սերունդ» հասարակական կազմակերպության ներկայացուցիչ Հովհաննես Մկրտչյանը:  

Քաղաքագետ Արմեն Ղազարյանն ուշադրություն հրավիրեց միգրացիայի առաջացման պատճառ հանդիսացող այլ հանգամանքների վրա.

«Իրականում առաջնայինը սոցիալ-տնտեսականն է, բայց քաղաքական գործընթացների արդյունքում տեղի ունեցող միգրացիան ևս փաստ է: Գլենդելի քաղաքապետը նշեց, որ 2008 թվականի դեպքերից հետո, եթե չեմ սխալվում, շուրջ 5 հազար քաղաքական ապաստանի դիմումներ են ստացել»,- ասաց Ղազարյանը:

Ազգագրագետ Աղասի Թադևոսյանը ևս նշեց, որ միգրացիա ծնող պատճառը հիմնականում տնտեսական է, սակայն մյուս կողմից, այն դարձել է մշակույթ:

«Կա նաև մեկ այլ պատճառ. եթե նախկինում միգրացիայի դիմում էին ֆինանսական խնդիրներ լուծելու համար, ապա ժամանակի հետ այն դիտարկվեց մարդկային զարգացման միջոց. մարդիկ իրենց երեխաների ապագան տեսնում էին այն երկրներում,  որտեղ կար կրթական կամ առողջապահական և մարդու զարգացման ավելի մեծ հնարավորություն: Դրա պատճառով էլ ավելի շատ որակավորված մասնագետներ սկսեցին գնալ Հայաստանից»,- նշեց ազգագրագետը:

«Տրանսֆորմեր» նախագծի հետ համագործակցությամբ իրականացված բացօթյա քննարկմանը մասնակցում էին նաև Գյումրու քաղաքապետարանի,  տեղական հասարակական կազմակերպությունների ներկայացուցիչներ, ինչպես նաև երիտասարդ գյումրեցիներ, ովքեր բարձրաձայնեցին առկա խնդիրների մասին:

ՀԳ. Տեսանյութը ներառում է «Ցայգ», «Գալա» և «Արմնյուզ» հեռուստաընկերությունների անդրադարձը քննարկմանը:

Տեսանյութ
Print Friendly and PDF
Այլ մամլո հաղորդագրություններ
«Երկրապահ կամավորական միություն. անհրաժե՞շտ կառույց Հայաստանի համար, թե՞ ոչ»
20.06.2018
12:30
Հունիսի 20-ին Մեդիա կենտրոնում քննարկում էր ՙԵԿՄ-ն անհրաժե՞շտ կառույց է, թե՞ ոչ՚ թեմայով: Քննարկման ինֆորմացիոն առիթը ԱԱԾ-ի խուզարկությունն էր գեներալ Մանվել Գրիգորյանի առանձնատանը, որտեղ հայտնաբերվել էր ապօրինի զենք-զինամթերք, ապրիլյան պատերազմի օրերին առաջնագիծ ուղարկած օգնությունը, զինվորների համար նախատեսված սննուն, դեղորայք, հիգիենայի պարագաներ:
Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները
20.06.2018
11:00
Հունիսի 20-ին «Մեդիա կենտրոնում» տեղի ունեցավ քննարկում «Մանվել Գրիգորյանը որպես բացառությու՞ն, թե՞ օրինաչափություն. ամենաթողության պատճառները» թեմայով։
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ