Փաստաբանները պահանջում են հրապարակային դատավարություն
23.06.2014
12:00
Շանթ Հարությունյանի ու մյուս 13 մեղադրյալների պաշտպանները պահանջում են ապահովել դատական նիստերի անցկացման այնպիսի պայմաններ, որոնք հնարավորություն կտան պաշտպանական կողմին լիարժեք կատարելու իրենց առաքելությունը, իսկ ամբաստանյալների հարազատներին՝ դատարանի դահլիճում հետևելու նիստի ընթացքին:

Դատարանի փոքր դահլիճում աշխատանքային պայմանների  բացակայությամբ խախտվում է նիստերի անցկացման հրապարակայնությունը. նշում էին «Մեդիա կենտրոնում» տեղի ունեցած «Շանթ Հարությունյանի և նրա ընկերների գործերը դատարանում» թեմայով ասուլիսի  մասնակիցները:

Ասուլիսի բանախոսներն էին «Շանթ և Ազատություն» հիմնադրամի հոգաբարձուների խորհրդի նախագահ Միքայել Հայրապետյանը, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, Շանթ Հարությունյանի պաշտպան Ինեսսա Պետրոսյանն և Արմեն Հովհաննիսյանի ու Տիգրան Պետրոսյանի պաշտպան Արա Զաքարյանը և Միսակ Առաքելյանի շահերի պաշտպան Հովհաննես Քոչարյանը:

Հունիսի 12-ին Երևանի Կենտրոն եւ Նորք-Մարաշ վարչական շրջանների ընդհանուր իրավասության դատարանում մեկնարկել է  2013թ.-ի նոյեմբերի 5-ին  Օպերայի շրջակայքում տեղի ունեցած իրադարձությունների համար ձերբակալված Շանթ Հարությունյանի եւ ընկերների  գործով դատական նիստը:

«Շանթի ու ընկերների գործն իրավագիտական պրակտիկայի մեջ առաջին դեպքն է, երբ Ոստիկանության ծառայողի նկատմամբ կատարված գործողությունը դիտվում է որպես խուլիգանություն: Նման բան չկա անգամ տոտալիտար երկրներում, և սա կարող է վատ նախադեպ դառնալ», - հայտարարեց Միսակ Առաքելյանի շահերի պաշտպան Հովհաննես Քոչարյանը:

Ըստ Քոչարյանի` այսպես վերացվում է ոստիկանության ծառայողի ու քաղաքացու միջև տարբերությունը, ինչը կարող է դառնալ նոր քրեական քաղաքականության սկիզբ: 2005-ին չեղյալ հայտարարված հասարակական կարգի խախտման մասին հոդվածը վերականգնվում է ու կիրառվում որպես հավաքների ազատության սահմանափակման գործիք:

«Դատարանը պարտավոր է ապահովել նորմալ պայմաններ դատավարության մասնակիցների համար. պաշտպանները պետք է հնարավորություն ունենան նստելու իրենց պաշտպանյալի կողքին», - ասաց Արմեն Հովհաննիսյանի ու Տիգրան Պետրոսյանի շահերի պաշտպան Արա Զաքարյանը` ընդգծելով, որ տուժողները նույնպես պետք է դահլիճում գտնվելու հնարավորություն ունենան:

Շանթ Հարությունյանի շահերի պաշտպան Ինեսսա Պետրոսյանը նշեց, որ ոստիկանությունն անգամ խոչընդոտել է իրեն ներկա գտնվելու իր պաշտպանյալի գործով դատական նիստին, ոստիկանները պարզապես թույլ չեն տվել նրան մտնել դատարան և միայն դատական կարգադրիչների միջամտությունից հետո փաստաբանը կարողացել է ներս մտնել:

Փաստաբանները տեղեկացրեցին նաև, որ խնդրի վերաբերյալ իրենց դժգոհությունն են հայտնել, սակայն դատական նիստերն ավելի մեծ դահլիճում անցկացնելու  առաջարկը մերժվել է` այն պատճառաբանությամբ, որ Կենտրոն և Նորք-Մարաշ վարչական շրջանների ընդհանուր իրավասության դատարանում ավելի մեծ  դահլիճ չկա:

«Շանթ Հարությունյանն ու մյուսները պետք է բոյկոտեն դատական նիստերը, մինչև Դատական դեպարտամենտը չապահովի դատավարության նորմալ պայմաններ», - հայտարարեց ՀՔԱ Վանաձորի գրասենյակի ղեկավար Արթուր Սաքունցը: Իրավապաշտպանն իշխանությունների գործողությունները համարեց միտումնավոր և ուղղված Շանթ Հարությունյանին պատժելուն ու լսարանից զրկելուն:

«Շանթ և Ազատություն» հիմնադրամի հոգաբարձուների խորհրդի նախագահ Միքայել Հայրապետյանն էլ գնահատելով Շանթ Հարությունյանի եւ իր ընկերների գործերով առաջին դատական նիստից առաջ դատարանի բակում կրակոցներ արձակած Հայկ Կյուրեղյանի արարքին  նշեց. «Հայկ Կյուրեղյանը, ով փլուզեց այս իշխանությունների ստրատեգիան իր ակցիայով, Հայաստանի պատմության մեջ առաջին քաղաքացիական բանտարկյալն է»:

Հունիսի 25-ին՝ 12:30, Երևանի Կենտրոն և Նորք Մարաշ համայնքների առաջին ատյանի դատարանում կշարունակվեի Շանթ Հարությունյանի եւ իր ընկերների գործի դատաքննությունը:

Տեսանյութ
Print Friendly and PDF
Այլ մամլո հաղորդագրություններ
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
«Ժողովրդավարական արժեքները և Սերժ Սարգսյանի կառավարման 10 տարիները»
12.04.2018
16:30
Շատ ավելի կարևոր է ստեղծել ազատ հասարակություն, որը կթելադրի իր կամքը, որը թույլ չի տա ժողովրդավարությունը ընկալել որպես իշխանավորի բարի կամք կամ չարի կամք:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ