Գյումրու անօթևանները կարող են դիմել կտրուկ քայլերի
17.06.2014
14:00
Գյումրու անօթևան ընտանիքների համար նախատեսված բնակարանաշինությունն առնվազն մեկ տարով հետաձգելու կառավարության որոշումը կարող է դրդել անտարբերության մատնված գյումրեցիներին կտրուկ գործողությունների: Շուրջ 25 տարի անմարդկային պայմաններում բնակվող գյումրեցիներն սպառնում են դիմել հանրահավաքների ու փակել միջպետական ճանապարհն ու երկաթուղին:

«Իշխանություններն իրենց քարոզչության համար զանգված են աճեցնում գալիք համապետական ընտրությունների համար, որպեսզի դրանց նախօրեին վերսկսեն բնակարանաշինությունը, բայց գյումրեցիները նախորդ ընտրություններին ապացուցեցին, որ իշխանությունները սխալ տեղում են իրենց մանիպուլյացիաների համար զոհեր փնտրում»,-  Գյումրու Ժուռնալիստների «Ասպարեզ» ակումբի նախագահ Լևոն Բարսեղյանը վստահ է, որ գյումրեցիները պատրաստ են գնալ կտրուկ գործողությունների, քանի որ իշխանություններն այլ ելք չեն թողել:

Հունիսի 17-ին Գյումրու Ժուռնալիստների «Ասպարեզ» ակումբում «Մեդիա կենտրոնի» նախաձեռնությամբ տեղի ունեցավ Կառավարության՝ Գյումրու անօթևան ընտանիքների համար նախատեսված բնակարանաշինությունն առնվազն մեկ տարով հետաձգելու և դրա հետևանքով առաջացած խնդիրների շուրջ քննարկմանը: Իրենց տեսակետները ներկայացրեցին Գյումրու Ժուռնալիստների «Ասպարեզ» ակումբի նախագահ Լևոն Բարսեղյանը, Շիրակի մարզպետարանի քաղաքաշինության վարչության բնակարանային քաղաքականության գլխավոր մասնագետ Աշոտ Հախվերդյանը, Գյումրու քաղաքապետարանի աշխատակազմի համայնքային գույքի հաշվառման և կառավարման բաժնի պետ Արտյոմ Դավթյանը և «Շիրակ կենտրոն» ՀԿ ղեկավար Վահան Թումասյանը:

ՀՀ քաղաքաշինության նախարարությունում հունիսի 2-ին կայացած հանդիպման ընթացքում փոխնախարար Արմեն Ղուլարյանը «Շիրակ կենտրոնի» նախագահ Վահան Թումասյանին հայտնել էր, որ Գյումրու անօթևան ընտանիքների համար նախատեսված բնակարանաշինությունն առնվազն մեկ տարով հետաձգվում է:

«Մեդիա կենտրոնին» ՀՀ քաղաքաշինության նախարարությունը գրավոր տեղեկացրել է, որ Գյումրի քաղաքում լրացուցիչ կառուցվելիք մոտ 430 բնակարանների շինարարական աշխատանքների վերսկսման մեկնարկի ժամկետները, առաջնահերթությունները և ուղղությունները կհստակեցվեն առաջիկա 2-3 ամիսների ընթացքում` ֆինանսական ռեսուրսների համակողմանի ուսումնասիրության արդյունքներով: Նախարարությունը հայտնում էր նաև, որ իր ներկայացուցիչներն առաջիկայում շրջայց կկատարեն աղետի գոտու շինհրապարակներ և խնդրի վերաբերյալ կտան հստակ պարզաբանում:

«Մենք նույնպես ուղարկում ենք նամակներ ու ստանում նման պատասխաններ: Սակայն շինարարությունը դադարեցնելու պաշտոնական տեղեկություն չի եղել», - ասաց Գյումրու քաղաքապետարանի աշխատակազմի համայնքային գույքի հաշվառման և կառավարման բաժնի պետ Արտյոմ Դավթյանն, ով հավաստիացրեց, որ քաղաքապետարանին նույնպես հուզում է այս խնդիրը, բայց ստիպված են սպասել ու տեսնել, թե ինչ կլինի այս երկու-երեք ամսվա ընթացքում:

Շիրակի մարզպետարանի քաղաքաշինության վարչության պետ Ալբերտ Մարգարյանը  նախորդ տարվա դեկտեմբերին հայտարարել էր, որ  թվով 430 բնակարանները հանձնված կլինեն 2014թ.-ին: Անդրադառնալով այս չիրականացված պնդմանը՝ Շիրակի մարզպետարանի քաղաքաշինության վարչության բնակարանային քաղաքականության գլխավոր մասնագետ Աշոտ Հախվերդյանն նշեց, որ վարչության պետի այդ հայտարարությունը հիմնված   է եղել ՀՀ քաղաքաշինության նախարարության տվյալների վրա, քանի որ նրանք են հանդիսանում այդ շինարարության պատվիրատուն: Մարզպետարանի ներկայացուցիչը փաստեց, որ այս պահին իրենք ևս միայն տեղյակ են, որ նախարարությունից սպասվում է շրջայց աղետի գոտում:

Գյումրու Ժուռնալիստների «Ասպարեզ» ակումբի նախագահ Լևոն Բարսեղյանը անտրամաբանական համարեց նախարարության պատասխանը. «430 բնակարանի համար անհրաժեշտ է 7-8 մլն դոլար, որոնք կարելի է մեծ հեշտությամբ վերցնել պետական բյուջեից և ուղղել այդ հոսքերը խոստացած բնակարանների կառուցմանը»:

Նախարարության՝ ճշգրտումներ կատարելու մասին պատճառաբանությունը բանախոսը համարում է սուտ. «Կառավարությունն ասում է, որ պետք է կատարվեն ճշգրտումներ: 4 տարի առաջ ճշգրտվել են ծախսերը, ժամկետները, տարածքները, որոնք քաղաքապետարանը նվիրաբերել է շենքերի կառուցման համար, ինչպես նաև հստակեցվել են ընտանիքների ցուցակները»:

«Շիրակ կենտրոն» ՀԿ ղեկավար Վահան Թումասյանը, ով ակտիվորեն զբաղվում է անօթևան և կարիքավոր ընտանիքների օգնության կազմակերպմամբ մեծ սպասելիքներ չուներ կառավարությունից և նշեց, որ խնդրի լուծման այլընտրանքային ուղիներ է պետք գտնել. «Կանխատեսում եմ, որ բնակարանների շինարարությունը երբեք չի վերսկսվի, այդ պատճառով առաջարկում եմ ստեղծել ֆոնդ և լիազորել համայնքներին կամ քաղաքապետարանին՝ գնել ազատ բնակարանները ու բաժանել անօթևաններին:»

Իսկ Լևոն Բարսեղյանը, որպես այլընտրանքային տարբերակ, նշեց դրամահավաքի կազմակերպումը:

Քննարկմանը ներկա էին նաև անօթևան ընտանիքների, վթարային  ու քանդման ենթակա շենքերում բնակվող քաղաքացիներ, ովքեր ևս մեկ անգամ վերահաստատեցին իրենց անելանելի վիճակն ու իշխանությունների անտարբերությունը դրա հանդեպ՝ նշելով բողոքի ծայրահեղ միջոցների դիմելու մասին:

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ