Հայաստանի հեռանկարը Եվրասիական միությունում
10.06.2014
17:00
Եվրասիական բարձրագույն տնտեսական խորհուրդը` Ռուսաստանի, Բելառուսի և Ղազախստանի նախագահների մակարդակով, երեք երկրների կառավարությունների եւ Հայաստանի կառավարության հետ համատեղ, սահմանել է Եվրասիական միության պայմանագրին Հայաստանի միանալու՝ մինչեւ հուլիսի 1-ը նախանշված ժամկետը:

«Եթե իշխանությունը ցանկանում է, որ հասարակությունն իր կողքին լինի Եվրասիական միություն մտնելիս, ապա պետք է հրապարակվեն այն կետերն ու պայմանները, որոնցով մենք մտնում ենք այդ միություն: Շատ հստակ պետք է ամրագրվի, որ Ղարաբաղ-Հայաստան տնտեսական հարաբերություններում մեկ քայլ հետ չի լինելու Եվրասիական միության ճնշման ներքո»,- հայտարարեց Կիրո Մանոյանը «Մեդիա կենտրոնի» նախաձեռնած «Հայաստանի հեռանկարը Եվրասիական միությունում»բանավեճի ընթացքում:

Բանավեճին մասնակցում էին. Աղասի Ենոքյանը՝ Քաղաքական եւ միջազգային հարաբերությունների հայկական կենտրոնի տնօրեն, Ստեփան Գրիգորյանը՝ Գլոբալիզացիայի և տարածաշրջանային համագործակցության վերլուծական կենտրոնի ղեկավար, Հրանուշ Խառատյանը՝ ազգագրագետ, Լեւոն Մելիք-Շահնազարյանը՝ քաղաքագետ, Կիրո Մանոյանը՝ ՀՅԴ բյուրոյի Հայ դատի եւ քաղաքական հարցերի գրասենյակի պատասխանատու, Արամ Գ. Սարգսյանը՝ Հայաստանի դեմոկրատական կուսակցության նախագահ:

Բանախոսներն անդրադարձան Եվրասիական տնտեսական միությանը Հայաստանի անդամակցության հեռանկարին` փորձելով քննարկել եւ գնահատել այդ գործընթացի հնարավոր ելքերն ու հավանական ռիսկերը:

«Մայիսի 29-ին Աստանայում Նազարբաևի արած հայտարարությունը, թե Հայաստանը միանալու է Եվրասիական միությանը ՄԱԿ-ի կողմից ճանաչված սահմաններով, այսինքն՝ առանց Լեռնային Ղարաբաղի, առաջին հերթին ուղղված էր Ալիևին, թուրքալեզու ժողովուրդներին և Պուտինին, քանի որ նման հայտարարությունները սովորաբար տեսախցիկների առաջ տեղի չեն ունենում: Ես վստահ չեմ, որ Եվրասիական միությունը կծնվի, սակայն Հայաստանը չէ, որ այն քանդող ուժն է լինելու, այնտեղ այնքան շատ են ներքին հակասությունները, որոնք պարտադիր կերպով զգացնել են տալու շուտով»,- կարծում է քաղաքագետ Լեւոն Մելիք-Շահնազարյանը:

«Ղարաբաղի հարցը չի լուծվելու ոչ Եվրասիական միության մեջ, ոչ էլ անգամ Մինսկի խմբում, քանի որ նման լուծում այսօր քաղաքական հարաբերություններում չկա: Հայաստանի հատուկ ծառայությունների մեղքն է, որ տեղեկություն չեն ունեցել Նազարբաևի կողմից արվելիք հայտարարության մասին, և բաց է թողնվել այդ թեմայով Հայաստանի դիրքորոշումը հայտնելու հրաշալի առիթը», - նշեց Արամ Գ. Սարգսյանը:

«Նմանատիպ պայմաններով Եվրասիական միություն մտնելը Հայաստանի համար Արցախը կորցնելու իրական վտանգներ է ստեղծում: Ոչ պակաս լուրջ հարց է նաև Բելառուսի նախագահ Լուկաշենկոյի ասածը՝ Հայաստանը չի կարող մտնել Եվրասիական միություն այն նույն պայմաններով ու արտոնություններով, ինչպիսիքն ունեն միության հիմնադիր երկրները»,- մատնանշեց Ստեփան Գրիգորյանը:

 «Հայաստանից ինչ-որ հնարավոր էր վերցնել՝ արդեն վերցված է, և արդեն նրա հետ վարվում են բացասական էմոցիոնալ ոլորտում, ինչի օրինակն է Ղազախստանի նախագահի պահվածքը: Ինչու՞ ենք մենք գնում Եվրասիական միություն, եթե այնտեղ հավաքվում են մեր թշնամիները, և եթե դա ո´չ տնտեսական ո´չ էլ անվտանգության խնդիր չի լուծում մեզ համար»,- ասաց Աղասի Ենոքյանը:

«ՀՀ նախագահի՝ սեպտեմբերի 3-ի հայտարարությունը Մաքսային միությանը միանալու մասին եղել էր միայն նրա տեսակետը, ոչ մի ներքին ազդակ դրա համար չի եղել: Հույս ունենանք, որ հուլիսի 1-ին նախագահ Սերժ Սարգսյանը կհայտարարի Եվրասիական միությանը միանալու գործընթացը առկախելու մասին», - նշեց Հրանուշ Խառատյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Սասնա ծռերի» գործով դատավարությունն ու մեղադրյալների պահման պայմանները. մտահոգություններ և դիտարկումներ
22.01.2018
11:00
Հունվարի 22-ին «Մեդիա կենտրոնում» տեղի ունեցավ քննարկում ««Սասնա ծռերի» գործով դատավարությունն ու մեղադրյալների պահման պայմանները. մտահոգություններ և դիտարկումներ» թեմայով:
«Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ»
19.01.2018
11:00
Հունվարի 19-ին «Մեդիա կենտրոնում» տեղի ունեցավ քննարկում «Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ» թեմայով:
Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք» խմբակցությունը
18.01.2018
11:00
Հունվարի 18-ին «Մեդիա կենտրոնում» տեղի ունեցավ քննարկում «Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք»խմբակցությունը» թեմայով:
Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար
17.01.2018
12:00
Հունվարի 13-ին ՀՀ պաշտպանության նախարար Վիգեն Սարգսյանը Ֆեյսբուքի իր էջում գրառում է կատարել դասակի հրամանատարի կողմից զենքի հետ վարվելու կանոնները խախտելու հետևանքով վիրավորված զինծառայող Ալբերտ Դալլաքյանի բուժման ծախսերի վերաբերյալ:
«Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ». հանրային քննարկում
16.01.2018
10:00
Հունվարի 16-ին ԴաբըլԹրի բայ Հիլթոն Երևան հյուրանոցի Միլանո սրահում Բաց հասարակության հիմնադրամներ-Հայաստան կազմակերպությունն իր իրավական ծրագրերի շրջանակներում ստեղծված Արդարադատության խմբի հետ համատեղ անցկացրեց «Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ» հանրային քննարկում:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ