ՏԻՄ ընտրությունները մրցակցային չէին
10.06.2014
12:30
Հունիսի 8-ին տեղի ունեցած ՏԻՄ ընտրությունների ժամանակ կոպիտ ընտրախախտումներ և բռնի ուժի կիրառման դեպքեր չեն արձանագրվել, սակայն դա չի վկայում ընտրությունների ժողովրդավարական լինելու մասին, քանի որ ընտրությունները չեն սահմանափակվում միայն քվեարկության օրով: Ընտրությունները, հիմնականում, եղել են ոչ մրցակցային. ընտրատարածքներում մեծ մասամբ առաջադրված էր 2 կամ 3 թեկնածու:

Այս մասին «Մեդիա կենտրոնում» տեղի ունեցած «Տեղական ինքնակառավարման մարմինների ընտրությունները Գորիսում և հանրապետության այլ քաղաքներում ու մարզերում» թեմայով ասուլիսին ասաց հունիսի 8-ի ՏՒՄ ընտրությունների ընթացքում դիտորդական առաքելություն իրականացնող «Իրավունքի Եվրոպա միավորում» (ԻԵՄ) ՀԿ անդամ, փաստաբան Տիգրան Եգորյանը: Ասուլիսին ընտրությունների ընթացքի վերաբերյալ տեղեկություններ հայտնեց նաև Թրանսփարենսի Ինթերնեշնլ հակակոռուպցիոն կենտրոնի դիտորդ Արփինե Մանուկյանը: 

Հունիսի 8-ին, ՀՀ 9 մարզերի թվով 59 համայնքներում անկացվեցին տեղական ինքնակառավարման մարմինների հերթական ընտրություններ: Թվով 36 համայնքներում ընտրեցին համայնքի ղեկավար, իսկ 30-ում` անցկացվեցին ավագանու անդամի ընտրություններ:

ՀՀ կենտրոնական ընտրականհանձնաժողովի տարածած հայտարարության համաձայն՝ քվեարկության արդյունքների վերահաշվարկի կամ քվեարկության արդյունքներն անվավեր ճանաչելու մասին սահմանված ժամկետում ստացվել է ընդամենը երեք դիմում:

«Իրավունքի Եվրոպա միավորում» ՀԿ անդամ Տիգրան Եգորյանը նշեց, որ հունիսի 8-ի ընտրությունները եղել են հիմնականում ոչ մրցակցային. ավագանու ընտրություններին ՀՀԿ-ից մասնակցել է 68 թեկնածու, «Ժառանգությունից»՝ 1, ՕԵԿ-ից՝ 2, ՀՅԴ-ից՝ 4: Իսկ համայնքի ղեկավարի ընտրություններին ՀՀԿ-ից առաջադրվել էր 34 թեկնածու, ԲՀԿ-ից` 5, ՀՅԴ-ից`3, և 1 թեկնածու «Ժողովրդավարություն և աշխատանք» կուսակցությունից:

Տիգրան Եգորյանի կարծիքով՝ ընտրախախտումների մշակույթն այնքան խորն է արմատացած իշխանությունների մեջ, որ առանց դրանց հնարավոր չէ լինեն որևէ ընտրություններ. 12 տարբեր տեղամասերում արձանագրվել են 20 խախտումներ, որոնց մի քանիսի վերաբերյալ, ինչպես օրինակ Գորիսում, պատշաճ արձանագրություններ չեն կազմվել:

«Գորիսում լուրջ խախտում եղավ՝ 3 ծրար քվեախցիկում: Հանձնաժողովի նախագահը ոչնչացրել էր դրանք, դիտորդը չէր հասցնել տեսնել քվեաթերթիկների ընտրությունը. սա ընտրական խախտում՝ «կարուսել»-ի մասին կարող է վկայել», - նշեց Տիգրան Եգորյանը:

Հիշեցնենք, որ նախընտրական շրջանում հանրության ուշադրությունն առավելապես Գորիսի քաղաքապետի ընտրությունների վրա էր սևեռված: Ի սկզբանե քաղաքապետի պաշտոնի համար թեկնածություն էր առաջադրել 4 հոգի, սակայն մայիսի 20-ին Արա Բուդաղյանն ու Տիգրան Կարապետյանն ինքնաբացարկ հայտնեցին և ընտրապայքարում մնացին անկուսակցական Հրայր Յոլյանն ու ՀՀԿ-ական, Սյունիքի նախկին մարզպետ Սուրիկ Խաչատրյանի աջակիցը հանդիսացող Վաչագան Ադունցը, ով էլ ընտրվեց քաղաքապետ:

Թրանսփարենսի Ինթերնեշնլ հակակոռուպցիոն կենտրոնի դիտորդ Արփինե Մանուկյանը ներկայացրեց Շորժայում տեղի ունեցած ՏԻՄ ընտրությունների ընթացքը. «Շորժայի 23/1 տեղամասում ընտրությունները ոչ մրցակցային էին, քանի որ երկու թեկնածուներն էլ ՀՀԿ-ից էին, այսինքն մրցում էին հին և նոր գյուղապետերը»:

Խոսելով հետագա քայլերի մասին` բանախոսները նշեցին, որ բոլոր արձանագրված խախտումների համար դիմումներ են ներկայացրել հանձնաժողովներին՝ բացահայտելու խախտումներ կատարողներին և գնահատելու այդ խախտումների ազդեցությունն ընտրությունների արդյունքի վրա:

Տիգրան Եգորյանն ուրախությամբ փաստեց, որ ընտրական պրոցեսների վերահսկմամբ զբաղվող «Քաղաքացի դիտորդ» նախաձեռնությունն ավելի շատ դիտորդներ է  ներգրավվում, և գալիք համապետական ընտրությունների վերահսկման գործում սա կարող է լուրջ արդյունքների բերել:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ