Տոն և 30 մլրդ ռեալի եկամուտ. Բրազիլիայի դեսպանի ակնկալիքը՝ ֆուտբոլի աշխարհի առաջնությունից
03.06.2014
12:00
Հայաստանի ընդամենը 10 քաղաքացի ներկա կգտնվի Բրազիլիայում Ֆուտբոլի աշխարհի 20-րդ առաջնությանը. Բրազիլիայի դեսպանությունը 10 վիզայի հայտ է ստացել և բավարարել, որոնցից 2-ը շահել են առաջնությանը ներկա գտնվելու հնարավորությունը, իսկ մեկը գնում է որպես կամավոր՝ կազմակերպչական աշխատանքներին օգնելու համար:

«Ֆուտբոլի աշխարհի առաջնության խաղերը կայանալու են Բրազիլիայի 12 կարևորագույն քաղաքներում, և կատարված ծախսերը նպաստելու են աշխատատեղերի ավելացմանը, տուրիզմի զարգացմանը, ինչպես նաև ակնկալում ենք 30 մլրդ եկամուտ», - հայտարարեց Հայաստանի Հանրապետությունում Բրազիլիայի Դաշնային Հանրապետության արտակարգ և լիազոր դեսպան Էդսոն Մարինյո Դուարտե Մոնտեյրոն այսօր «Մեդիա կենտրոնում» տեղի ունեցած մամլո ասուլիսին:

Բրազիլիայի դեսպանն անդրադարձավ հունիսի 12-ին մեկնարկող ֆուտբոլի առաջնության դեմ Բրազիլիայում անցկացվող բողոքի ակցիաներին` նշելով, որ առաջնության վրա ծախսված 300 մլրդ գումարը նպաստելու է նաև այն հարցերի լուծմանը, որոնց համար բողոքում են մարդիկ:

Դեսպանը հավաստեց, որ Բրազիլիայի կառավարությունն անում է ամեն ինչ բոլոր հյուրերի անվտանգությունն ապահովելու համար, սակայն կան տեղեր, որտեղ պետք է առավել ուշադիր լինել, ինչի մասին Բրազիլիայի մուտքի արտոնագիր խնդրող անձանց նախօրոք տեղեկացնում են:

Չնայած այն փաստին, որ մարզադաշտերից երկուսը` Պորտու Ալեգրիում ու Սան Պաուլոյում, դեռ պատրաստ չեն, պարոն Դուարտե Մոնտեյրոն վստահ է, որ ֆուտբոլի աշխարհի 20-րդ առաջնությունը դառնալու է տոն. «Բրազիլիայում 200 մլն մարդ է բնակվում, 3 մլն 600 հազար մարդ արդեն տոմս է գնել խաղերի համար, և առաջնությունը միանշանակ տոնի է վերածվելու»:

Անդրադառնալով Հայաստանի և Բրազիլիայի միջև տնտեսական ու մշակութային կապերին`պարոն դեսպանը նշեց, որ Բրազիլիան զիջում է Հայաստանի խոշոր տնտեսական գործընկերներին, քանի որ երկու երկրների միջև առևտրի շրջանառությունն ընդամենը 40 մլն դոլար է կազմում:

«Բրազիլիան ունի այնպիսի ապրանքների պահանջարկ, ինչպիսին են՝ կոնյակը, գինին և այլն, և հայ գործարարները կարող են արդյունավետ աշխատել օրեցօր ընդլայնվող բրազիլական շուկայում», - հայտարարեց դեսպանը` հավելելով, որ Հայաստանն ու Բրազիլիան կարող են համագործակցել նաև տեղեկատվական տեխնոլոգիաների ոլորտում, քանի որ Հայաստանն ունի ինժեներատեխնիկական և ՏՏ զարգացած ոլորտ, իսկ Բրազիլիան աշխարհում 7-րդն է ՏՏ ոլորտի զարգացվածությամբ:

«Տարբեր հանդիպումներ եմ ունեցել հայ գործարար ոլորտի հետ, և արդեն կա նախնական պայմանավորվածություն, որ Սան Պաուլոյում լինի Հայաստանի Առևտրաարդյունաբերական պալատի մշտական ներկայացուցիչ», - նշեց դեսպան Մոնտեյրոն`առաջարկելով հայ գործարարներին ցուցահանդեսների, հանդիպումների, այցելությունների միջոցով բարելավել Բրազիլիայի հետ տնտեսական կապերը:

Խոսելով Բրազիլիայում 40 հազարանոց հայ համայնքի մասին` բանախոսը մատնանշեց հայերի ներգրավվածությունը տնտեսության ամենատարբեր ոլորտներում, որոնց ներուժն օգտագործելով կարելի է ամրապնդել երկու երկրների կապերն ու հասնել Հայաստանում բրազիլական համայնքի մեծացմանը:

Այս օրերին Հայաստանում է բրազիլական հանրահայտ Globo TV-ն, որը նկարահանում է տեսանյութ Հայաստանի մասին: Ըստ դեսպանի` այդ տեսանյութը նպաստելու է Հայաստանի ճանաչմանն ու խթանելու տուրիզմը:

Դեսպանը եզրափակեց մամլո ասուլիսը բոլոր հայաստանցիներին ու երկրի հյուրերին հրավիրելով բրազիլական երաժշտության համերգի, որը տեղի կունենա հունիսի 27-ին՝ 18:30-ին, Բաղրամյան 18 հասցեում:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ