«Դ!եմ եմ».Կենսաթոշակային համակարգը մնացել է պարտադիր, կամավոր է դարձել մասնակցությունը
16.05.2014
13:00
«Դ!եմ եմ» քաղաքացիական նախաձեռնությունը շարունակելու է պայքարը հակասոցիալական նորմերը կանխելու համար:

«Կուտակային կենսաթոշակայինի վերաբերյալ միջանկյալ օրենքով դեռևս սահմանադրական կարգը չի վերականգնվել, կա միայն փոքրիկ առաջընթաց՝ դիմումներ գրելու հնարավորության մասով». «Դ!եմ եմ» քաղաքացիական նախաձեռնության` «Մեդիա կենտրոնում» տեղի ունեցած ասուլիսին նախաձեռնության անդամները ներկայացրեցին իրենց դիրքորոշումը նոր օրինագծի վերաբերյալ:

Ասուլիսի բանախոսներն էին «Դ!եմ եմ» նախաձեռնության անդամներ Դավիթ Խաժակյանը, Լուսինե Վատյանը և Տիգրան Մարտիրոսյանը:

Մայիսի 15-ին Ազգային ժողովը երկրորդ ընթերցմամբ ընդունեց «Կուտակային կենսաթոշակների մասին» Հայաստանի Հանրապետության օրենքում փոփոխություններ եւ լրացումներ կատարելու մասին օրինագիծը` ձայների 67 կողմ, 18 դեմ, 29 ձեռնպահ հարաբերակցությամբ: Այս փոփոխությամբ աշխատողին հնարավորություն է տրվում իր՝ կուտակային կենսաթոշակային համակարգին չմիանալու ցանկության մասին դիմումով տեղեկացնել գործատուին:

«Դ!եմ եմ» նախաձեռնության անդամ Դավիթ Խաժակյանի կարծիքով՝ անտրամաբանական է օրենքով դիմումներ գրելու դրույթը, քանի որ դիմումներ պետք է գրեն ոչ թե այն անձինք, ովքեր ուզում են հրաժարվել կուտակային կենսաթոշակային համակագին մասնակցելուց, այլ նրանք, ովքեր ուզում են միանալ դրան: Ըստ բանախոսի՝ կառավարությունը լուծում է միայն գումարները հետ վերադարձնելու խնդիրը և փորձում է առաջ տանել ձախողված նախագիծը՝  գործի դնելով մեխանիզմ, որն արդեն ՍԴ-ն հակասահմանադրական է ճանաչել:

«Նոր օրենքը կարելի է համարել քաղաքացիների պայքարի ձեռքբերում, սակայն սա հաջողության միայն մեկ դրույթն է, և պայքարը պետք է շարունակվի: Պետական սեկտորի աշխատակիցների դեպքում կարող են սկսվել մի շարք գործընթացներ՝ դիմումները չեն վերցնի, կսպառնան: Հետևաբար պետք է հետևողական լինել ու իրազեկել բոլորին»,- ասաց Դավիթ Խաժակյանը:

Անդրադառնալով պարտադիր կուտակային կենսաթոշակային համակարգից հրաժարվելու համար արդեն ուղարկված դիմումներին՝ «Դ!եմ եմ» նախաձեռնության անդամ Տիգրան Մարտիրոսյանը նշեց, որ դիմումներն ուղարկելն իրենց նախաձեռնությունն է եղել, որպեսզի մարդը ցույց տա իր կամքը, իսկ փոփոխված օրենքի հիման վրա պետք է գրվեն նոր դիմումներ՝ կենսաթոշակային պահումներ չկատարելու համար, անկախ նրանից՝ նախկինում գրվել են, թե ոչ:

«Դ!եմ եմ»-ի անդամ Լուսինե Վատյանը հորդորեց գործատուներին զերծ մնալ ճնշումներից ու թույլ տալ, որ աշխատողները դրսևորեն իրենց կամքը՝ զգուշացնելով, որ  նախաձեռնությունը հետամուտ է լինելու հանրայնացնել գործատուների կողմից արված ճնշումները:

Հնարավոր ճնշումներից ու խնդիրներից խուսափելու համար Դավիթ Խաժակյանը խորհուրդ տվեց դիմում ներկայացնելու ժամանակ պահանջել, որ գործատուն փաստաթղթով հավաստի, որ ստացել է այդ դիմումը կամ ուղարկել փոստով:

Տիգրան Մարտիրոսյանի կարծիքով՝ միջազգային կազմակերպությունների առաջ ստանձնած պարտավորությունների պատճառով մեր կառավարությունը փորձում է գործի դնել այս համակարգը՝ շարունակելով նախկին կառավարության գործունեությունը:

Ի պատասխան Կառավարության՝ աշխատանքային խմբի անդամ դառնալու առաջարկի մասին հարցին՝ Լուսինե Վատյանն ասաց. «Մենք օրենք մշակող չենք: Մենք կցուցաբերենք մեր մոտեցումներն օրենքի վերաբերյալ՝ հրապարակելով հանրային քննարկումների միջոցով ձևավորված այն սկզբունքները, որոնք համարում ենք հրատապ»:

«Դ!եմ եմ» քաղաքացիական նախաձեռնությունը  կմշակվի և կհրապարակի գործատուներին ուղարկվելիք դիմումի տարբերակ՝ օրենքի նախագծի հրապարակումից և վավերացումից հետո: Նախաձեռնությունը շարունակելու է իրազեկման և այլ ակցիաները՝ կոչ անելով աշխատողներին անգործության չմատնվել ու ցուցաբերել հետևողականություն:

Տեսանյութ
Print Friendly and PDF
Այլ մամլո հաղորդագրություններ
«Հայաստան- ԵՄ համապարփակ և ընդլայնված գործընկերության համաձայնագիր․ հեռանկարներ ու հնարավորություններ»
17.10.2017
13:00
Հոկտեմբերի 13-ին հրապարակվեց Հայաստան-ԵՄ դեռ տարեսկզբին նախաստորագրված համապարփակ և ընդլայնված գործընկերության համաձայնագիրը։ Փաստաթղթի վերջնական ստորագրումը տեղի է ունենալու Արևելյան գործընկերության գագաթնաժողովի շրջանակներում, որը նախատեսված է գալիք նոյեմբերին Բրյուսելում։
«Սարգսյան-Ալիև ժնևյան հանդիպում. գնահատականներ ու կանխատեսումներ»
17.10.2017
11:00
Հոկտեմբերի 17-ին «Մեդիա կենտրոնում» (Սարյան 12, 3-րդ հարկ) տեղի ունեցավ քննարկում «Սարգսյան Ալիև ժնևյան հանդիպում. գնահատականներ ու կանխատեսումներ» թեմայով:
Ֆիլմի դիտում. Նորաձևությունը կփրկի՞ մոլորակը
16.10.2017
16:00
Հոկտեմբերի 16-ին Արևորդի 7-րդ միջազգային բնապահպանական փառատոնի շրջանակում տեղի ունեցավ «Նորաձևությունը կփրկի՞ մոլորակը» ֆիլմի դիտում Մեդիա կենտրոնում (հասցե` Սարյան 12, 3-րդ հարկ):
Ֆիլմի դիտում. Կոկոթա․ հույսի կղզյակը
16.10.2017
15:00
Հոկտեմբերի 16-ին Արևորդի 7-րդ միջազգային բնապահպանական փառատոնի շրջանակում տեղի ունեցավ «Կոկոթա. հույսի կղզյակը» ֆիլմի դիտում Մեդիա կենտրոնում (հասցե` Սարյան 12, 3-րդ հարկ):
Ընտանեկան բռնության դեմ օրենք. կանխարգելմա՞ն, թե՞ նոր վտանգներ պարունակող գործիք
13.10.2017
19:30
Հոկտեմբերի 13-ին,«Մեդիա կենտրոնի» նախաձեռնությամբ «Ա1պլյուսի» հեռուստատաղավարում առցանց ուղիղ հեռարձակմամբ անցկացվեց բանավեճ «Ընտանեկան բռնությանդեմ օրենք. կանխարգելմա՞ն, թե՞ նոր վտանգներ պարունակող գործիք» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ