Ընտանեկան բռնությունը պետք է դիտարկել հանրային մեղադրանքի համատեքստում
12.05.2014
11:00
Ամուսնու կողմից դանակահարված 54-ամյա Սիրանույշ Աղաբեկյանի գործը կարող է ունենալ ռազմավարական նշանակություն և դառնալ իրավական նախադեպ ընտանեկան բռնության այլ զոհերի գործերի համար:

2014թ. հունվարի 1-ին Սիրանույշի ամուսինը՝ Լևոն Աղաբեկյանը, իրենց համատեղ բնակարանը դիտավորյալ հրկիզել է, երբ  ընդամենը 20 օր առաջ էր դատարանի դահլիճից ազատ արձակվել կնոջը` Սիրանույշ  Աղաբեկյանին դանակահարելու համար:

Սիրանույշը որդու խնդրանքով դատարանում ներել է ամուսնուն, ինչն էլ հիմք է դարձել քրեական գործը կարճելու և քրեական հետապնդումը դադարեցնելու համար: Տան հրկիզումից հետո Սիրանույշը դանակահարության գործով դիմել է Վերաքննիչ դատարան, բայց գործը կրկին կարճվել է:

Նախադեպը  կարող է առաջանալ, եթե Վճռաբեկ դատարանը գնահատի, որ Աղաբեկյանի գործը պետք է քննվի ոչ թե անհատական, այլ հանրային մեղադրանքի շուրջ, քանի որ առկա են  հանրության համար վտանգավորության տարրեր, և  մեղադրյալը պետք է դատապարտվի անգամ այն դեպքում, եթե բողոքը հետ է վերցվում. այս մասին ասաց ընտանեկան բռնության զոհ Սիրանույշ Աղաբեկյանի փաստաբան Տիգրան Մուրադյանը այսօր «Մեդիա կենտրոնում»՝ մամուլի ասուլիսի ժամանակ: 

Ասուլիսի բանախոսներն էին.  Սիրանույշ Աղաբեկյանը, «Հասարակություն առանց բռնության» ՀԿ ծրագրի համակարգող Լիդա Մինասյանը եւ փաստաբան  Տիգրան Մուրադյանը:

Բանախոսները նշում են, որ ոստիկանության վերաբերմունքը խիստ օրակարգային հարց է ընտանեկան բռնության դեպքերի զարգացման համար:

«Երբ կինը դիմում է ոստիկանությանը, նրանք [խմբ. ոստիկանությունը] միանգամից փորձում են հաշտեցնել, ինչը հաճախ բացասական հետևանք է ունենում,-ասում է «Հասարակություն առանց բռնության» ՀԿ ծրագրի համակարգող Լիդա Մինասյանը,-Սիրանույշ Աղաբեկյանի դեպքն այդպիսի մի օրինակ է, երբ բռնության հերթական միջադեպից հետո ոստիկանները համոզել են Սիրանույշին ետ վերցնել ամուսնու դեմ գրված դիմումը, որից որոշ ժամանակ անց ամուսինը դանակահարել է նրան»:

Բանախոսների հավաստմամբ՝ հրդեհման փաստը ոստիկանության համար հիմք չի եղել Սիրանույշ Աղաբեկյանի ամուսնու նկատմամբ քրեական գործ հարուցելու համար, քանի որ համարել են, որ դա նրա սեփականությունն է և կարող է վարվել, ինչպես ցանկանա:

«Ոստիկանները հաշվի չեն առնում, որ Սիրանույշ Աղաբեկյանը հրդեհված տան համասեփականատեր է, ինչպես նաև նրան պատկանող գույք է ոչնչացվել: Առկա է տան սեփականության վկայականը, որը փաստում է, համասեփականատերերի մասին»,-ոստիկանության անգործությունն է մատնանշում փաստաբան Տիգրան Մուրադյանը, ում կարծիքով՝ ոստիկաններն այս պարագայում օրենքին համապատասխան գործողություններ չեն իրականացրել: 

Սիրանույշ Աղաբեկյանի կարծիքով՝ ամուսնու գործողությունների դրդապատճառը նրա հակումն է ալկոհոլի հանդեպ, սակայն դանակահարությունից հետո ամուսինը մեղսունակ է ճանաչվել. «Ես նրա հետ էլ չեմ կարող ապրել, չեմ ների,-  մայիսի 21-ին տեղի է ունենալու Աղաբեկյանի և նրա ամուսնու ապահարզանի դատական նիստը, սակայն տան հրդեհումից հետո ընտանիքը մշտական բնակության վայր չունի,- Ապրելու տեղ չունենք, տան դուռը ջարդել ու վառել է տունը: Երեխես էլ վախում է,  ոնց մենակ տանը թողեմ, գնամ գործի»:

«Ամուսինը ազատության մեջ է, շարունակում է ալկոհոլ օգտագործել և ամեն պահի կա վտանգ, որ կարող է վտանգել Սիրանույշին ու նրա երեխաներին»,- ասում է Լիդա Մինասյանը՝ պնդելով ընտանեկան բռնությանը վերաբերող օրենքի անհրաժեշտության մասին:

Փաստաբան Տիգրան Մուրադյանը Սիրանույշ Աղաբեկյանի դանակահարության գործով վճռաբեկ բողոք է ներկայացնելու, իսկ նրա տան հրկիզման դեպքով գործ չհարուցելու փաստով ոստիկանության անգործությունը հնարավոր է նաև վիճարկվի դատարանում:

«Հասարակություն առանց բռնության» ՀԿ արագ արձագանքման խմբի տվյալներով՝ 2012թ.-ից մինչև հիմա արձանագրվել է ընտանեկան բռնության 40 դեպք, որից 16-ը՝ սպանության, 20՝ ֆիզիկական բռնության, 2 ՝ հոգեբանական և 2 սեռական բռնության դեպք:

Իսկ Ոստիկանության հրապարակած տվյալների համաձայն՝ 2012թ.-ին գրանցվել է ընտանեկան բռնության մոտ 760 դեպք, որից միայն 621-ը կատարվել է կանանց հանդեպ, իսկ 2013թ.-ին՝ մոտ 500 դեպք:

Տեսանյութ
Print Friendly and PDF
Այլ մամլո հաղորդագրություններ
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ