Սևանա լիճը չպետք է դիտարկել որպես ջրամբար
07.05.2014
13:00
Չնայած պետական կառույցների ներկայացուցիչների կարծիքով՝ Սեւանա լճից 70 մլն խմ հավելյալ ջրբացթողումն անհրաժեշտ է Արարատյան դաշտի ոռոգման համար և այն չի հանգեցնի լճի բացասական հաշվեկշռի, բնապահպանները պնդում են, որ հավելյալ ջրբացթողումն այլ նպատակ է հետապնդում և այն մեծ վնաս կպատճառի լճի էկոհամակարգին:

Ապրիլի 29-ինԱզգայինժողովն առաջին ընթերցմամբ ընդունել է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու մասին» օրենքի նախագիծը, որով նախատեսվում է Սևանից 1 տարի ժամկետով հավելյալ 70 մլն խմ ջուր բաց թողնել:

Սևանա լճից հավելյալ ջրի բացթողման կողմնակիցները պնդում են, որ 70 մլն խմ հավելյալ ջուր բացթողնելն անհրաժեշտ է Արարատյան դաշտավայրը ոռոգելու համար:

«Ջրասակավություն է, և Սևանից բաց թողնվող հավելյալ 70 մլն խմ ջուրը նորմատիվային պահանջ է Սևանի համար»,- ասաց ՀՀ նախագահին կից Սևանա լճի հիմնահարցերի հանձնաժողովի անդամ Ալյոշա Թարվերդյանը՝«Մեդիա կենտրոնում» տեղի ունեցած քննարկմանը:

«Արարատյան դաշտի արտեզյան ջրօգտագործումը տարիներ շարունակ սխալ է կառավարվել, և հիմա ջրի կարիք կա՝ գնում ենք ջրի հաջորդ աղբյուր՝ Սևան»,- խնդիրը սխալ ուղղությամբ լուծելու մասին փաստեց «Բնապահպան իրավաբանների և տնտեսագետների երիտասարդական ասոցիացիա» ՀԿ նախագահ Էրիկ Գրիգորյանը:

«Արարատյան դաշտը ջրի կարիք ունի, բայց էնտեղ շատ վատ կառավարման խնդիր է: Սևանից բաց թողնվող ջուրն այդ խնիդրը չի լուծելու»,- ավելացրեց «Էկոլուր» տեղեկատվական ՀԿ նախագահ Զարաֆյանը՝ նշելով, որ չի հավատում կառավարությանը և որ չկա հավելյալ ջուր բաց թողնելու ճիշտ պատճառաբանություն: Բնապահպանի կարծիքով՝ Սևանի մակարդակի չբարձրանալը ձեռնտու է ափերին տներ ու օբյեկտներ ունեցողներին:

«Սևան ազգային պարկ» ՊՈԱԿ-ի փոխտնօրեն Վահե Գուլանյանը՝ «ինչ-որ օբյեկտի համար  ջուր բաց թողնելը» ծիծաղելի համարեց: Ըստ Գուլանյանի՝ ափամերձ տարածքների սեփականատերերը տեղյակ են եղել ջրի մակարդակի բարձրացման հնարավոր վտանգի մասին և անկախ նրանից, թե ում է պատկանում ափամերձ տարածքը, այդ պատճառով ջուր չի կարող բաց թողնվել. «Երբ որևէ ազդեցություն լինի Սևանի վրա, միանվագ կանխվելու է: Ոչ մեկ չի կարող ասել ջրի մակարդակն իջնելու է, թե չէ. դա չեն կարող որոշել»:

Բնապահպան Ինգա Զարաֆյանը զարմացավ, թե ինչու է Բնապահպանության նախարարությունը լռում այն մասին, որ  2012թ-ին Սևանա լիճն ունեցել է 2սմ բացասական հաշվեկշիռ:

«Նույնիսկ երբ 300մլն խմ ջուր է բաց թողնվել, բացասական հաշվեկշիռ չի եղել»,-հակադարձեց «Սևան ազգային պարկ» ՊՈԱԿ-ի փոխտնօրեն Վահե Գուլանյանը: Սևանա լճի հիմնահարցերի հանձնաժողովի անդամ Ալյոշա Թարվերդյանը ևս պնդեց, որ բացասական հաշվեկշիռ չի լինելու Սևանում:

2008 և 2012 թթ. , երբ երաշտի պատճառով կրկին որոշվեց Սևանից հավելյալ ջուր բաց թողնել, խոսակցություններ եղան նոր ջրամբարների կառուցման մասին, որտեղ ավելի մեծ ծավալի ջուր հնարավոր կլիներ պահել՝ ապահովագրելով Սևանա լիճը հավելյալ ջուր բաց թողնելու խնդրից, սակայն այդ ջրամբարներն այդպես էլ մինչ օրս չեն կառուցվել:

«Հավելյալ ջրամբարների ստեղծումը միչն այժմ ձգձգվել է: Միջազգային կազմակերպությունների աջակցությամբ էր այդ ամենն արվում: Ֆինանսական խնդիրներ կան», -բացատրեց  ՀՀ նախագահին կից Սևանա լճի հիմնահարցերի հանձնաժողովի անդամ Ալյոշա Թարվերդյանը:

«Սևանա լիճը չպետք է դիտարկել որպես ջրամբար, որի ջրի մակարդակը կարող ենք իջեցնել-բարձրացնել. այն բացառիկ էկոհամակարգ է, որի վրա ջրի մակարդակի յուրաքանչյուր տատանում վատ ազդեցություն է ունենում»,- Սևանա լճի ռազմավարական կարևորության մասին հիշեցրեց բնապահպանական փորձագետ Էրիկ Գրիգորյանը:

Մայիսի 7-ին «Մեդիա կենտրոնում» տեղի ունեցավ «Սևանա լճից հավելյալ ջրի բացթողման խնդիրն ու դրա հետևանքները» թեմայով քննարկում: Բանախոսներն էին. Ալյոշա Թարվերդյանը՝ ՀՀ նախագահին կից Սևանա լճի հիմնահարցերի հանձնաժողովի անդամ, Ինգա Զարաֆյանը՝ բնապահպան, «Էկոլուր» տեղեկատվական ՀԿ-ի նախագահ, Էրիկ Գրիգորյանը՝ բնապահպանական փորձագետ, «Բնապահպան իրավաբանների և տնտեսագետների երիտասարդական ասոցիացիա» ՀԿ-ի նախագահ, Վահե Գուլանյանը՝ «Սևան ազգային պարկ» ՊՈԱԿ-ի փոխտնօրեն:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ