«Սահմանին է հասել թե´ արվեստագետի, թե´ քաղաքացու համբերությունը»
25.04.2014
12:00
Ապրիլի 25-ից մայիսի 23-ը «Հայարտօնլայն» կերպարվեստի կենտրոնում տեղի ունեցող «Արվեստը սահմանին» ցուցահանդես-վաճառքի հասույթի մեծ մասը տրամադրվելու է Ադրբեջանին սահմանակից Վազաշեն համայնքին` էլեկտրական չորանոց գնելու նպատակով: Ցուցահանդեսը «Հայ Ձմեռ պապ» բարեգործական հիմնադրամի, արվեստագետների «Անսահման» խմբի և «Հայարտօնլայն» արվեստի կենտրոնի համատեղ նախաձեռնությունն է:

«Վազաշենը երևակայական տարածքչի. սա մեր հայրենիքի սահմանն է: Մեր փոքրիկ հնարավորություններով փորձում ենք մի գյուղում ստեղծել կենսունակ, զարգացող և արժանապատիվ կյանքով ապրող համայնքի մոդել»,- նշեց «Հայ Ձմեռ պապ» բարեգործական հիմնադրամի տնօրեն Արմինե Պետրոսյանը, հավելելով, որ Վազաշենում այսօր 165 հեկտարհող է մնացել` նախկին 1650-ի փոխարեն և գյուղում որոշակի ներդրումներով ինքնակազմակերպվող համայնքի ձևավորումը կօգնի օգտագործել այն տեղի բնական հարստությունները, արտադրանք տալու այդ մոդելը կիրառել նաև այլ տարածքներում:

«Մտնում ենք մեր շրջանակի մեջ, հաճախ ենք մոռանում, որ միայն մայրաքաղաք չի էս երկիրը, կա նաև գյուղ, և որ բոլորս բախտակից ենք», հիշեցնում է ցուցահանդեսի համադրող Սևան Նագգաշյանը` կարևորելով անվանի արվեստագետների մասնակցությունը նախաձեռնությանը:

«Անվանումը երկակի գաղափար ունի` «Արվեստը սահմանին»: Սահմանին է հասել թե´ արվեստագետի, թե´ քաղաքացու համբերությունը»,- կարծում է «Արվեստը սահմանին» ցուցահանդեսի խորհրդատու Լուսինե Քասարջյանը:

Նկարիչ Տիգրան Ասատրյանը, ում աշխատանքը ներկայացված է ցուցահանդեսում, համարում է, որ իր մասնակցությունը բարեսիրական գործունեությանը շարունակական է լինելու` չբացառելով նաև սահմանամերձ գյուղում որոշ ժամանակ ապրելու ու գյուղացիների առօրյան իր ստեղծագործություններով ներկայացնելու հնարավորությունը:

«Այս նախաձեռնությունն ինձ համար կարևորագույններից մեկն էր: Մի´ ափսոսեք, եկեք ու էդ գործերը գնեք, որովհետև էդ 38 գործից ստացված գումարը գնալու է այն մարդկանց, որոնք հնարավորություն կունենան էսօր` չորանոց ունենալու, վաղը` զարգանալու ավելի լավ կյանք ունենալու»,- կոչ արեց «Հայարտօնլայն» կերպարվեստի կենտրոնի տնօրեն Աննա Գրիգորյանը:

Ապրիլի 25-ին Մեդիա կենտրոնում «Արվեստագետները՝ սահմանամերձ գյուղին» նախաձեռնության հեղինակները ներկայացրեցին Վազաշենի տնտեսական իրավիճակի բարելավմանն ուղղված ծրագրերը, որոնց շարքում առաջինն է համայնքի համար էլեկտրական չորանոցի ձեռքբերումը:

Քննարկման բանախոսներն էին Արմինե Պետրոսյանը՝ «Հայ Ձմեռ պապ» բարեգործական հիմնադրամի տնօրեն, Աննա Գրիգորյանը՝ ՀԱՅԱՐՏՕՆԼԱՅՆ կերպարվեստի կենտրոնի տնօրեն, Սևան Նագգաշյանը՝ նկարիչ, «Արվեստը սահմանին» ցուցահանդեսի համադրող, Լուսինե Քասարջյանը՝ «Արվեստը սահմանին» ցուցահանդեսի խորհրդատու, Տիգրան Ասատրյանը՝ նկարիչ:

Քննարկման ընթացքում ցուցադրվեց Տավուշի մարզի Վազաշեն գյուղը ներկայացնող կարճատև վավերագրական ֆիլմ:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ