Հայաստանի արտաքին պարտքը շեշտակի աճում է
28.04.2014
15:00
Վերջին 5 տարիներին Հայաստանի պետական պարտքը կտրուկ ավելացել է. 584.6 միլիարդ դրամից 2013 թ. վերջում հասնելով 1861.3 միլիարդ դրամի՝ կազմել է ՀՆԱ-ի 44%-ը: Այս մասին «Պետական պարտքի կառավարումը Հայաստանում: Քաղաքական որոշումները և դրանց հետևանքները» թեմայով քննարկմանն ասաց անկախ հետազոտող, Թուլեյնի համալսարանի բիզնես-կառավարման մագիստրոս Արտակ Քյուրումյանը, նշելով, որ պետական պարտքի կտրուկ ավելացումը պայմանավորված է նաև դրամի արժեզրկմամբ:

2013թ. հոկտեմբերից մինչև 2014թ. մարտ ամիսն ընկած ժամանակահատվածում Արտակ Քյուրումյանն ուսումնասիրել է ՀՀ պետական պարտքի կառավարման, պետական պարտքի ներգրավման, պետական պարտքի մեծության հետ կապված մի շարք հարցեր և կուտակված տվյալներն ու տեղեկատվությունը դիտարկել է ՀՀ-ում զարգացումների, միջազգային փորձի և կատարված հետազոտություններում արձանագրված եզրակացությունների համատեքստում:

Վերջին տարիների զարգացումների ուսումնասիրության հիման վրա Քյուրումյանը վերլուծել է պետական պարտքի վերաբերյալ որոշումների հիմնավորվածությունն ու դրանց կապը ՀՀ կառավարության ռազմավարական ու միջնաժամկետ փաստաթղթերում սահմանված նպատակների, միջազգային ֆինանսական կազմակերպությունների կանխատեսումների հետ:

Հայաստանը սկսել է պետական պարտքի հետ կապված խնդիրներ ունենալ, երբ սկսել է ոչ արտոնյալ պայմաններով վարկեր վերցնել: Քյուրումյանի ներկայացմամբ, արտոնյալ պայմաններով տրամադրվող վարկերը քիչ հասանելի են դարձել, երբ ՀՀ-ն դասվել է միջին եկամուտ ունեցող երկրների շարքին: Անկախ հետազոտողն իր ուսումնասիրության արդյունքում պատրաստել է զեկույց՝ ներկայացնելով նաև առաջարկություններ, որոնք հնարավորություն կտան բարելավել պետական պարտքի կառավարման համակարգը և հետագայում խուսափել նախկինում կատարված սխալներից:

Ուսումնասիրելով պետական պարտքի կառավարումը, Քյուրումյանը նկատել է, որ Կենտրոնական բանկում, ունենալով զգալի միջոցներ, այնուամենայնիվ նորանոր վարկեր են ներգրավվել: Մասնագետի համոզմամբ, օրինակ` ռուսական` 500 միլիոն դոլարի վարկի կարիքն ամենեւին չկար, կամ կարելի էր վերցնել միայն 100 միլիոն դոլարը, հատկապես, որ վարկերը վերցնում ենք ու մի շարք ծրագրեր այդպես էլ չեն իրագործում, ինչպես հյուսիս-հարավ ավտոճանապարհի կառուցումը:

Արտակ Քյուրումյանը գտնում է, որ եվրապարտատոմսերի թողարկումը նույնպես անտեղի էր, քանի որ այդ գումարները ԿԲ-ում հենց այնպես դրված են, իսկ երկիրը պետք է դրանց համար տարեկան 42  միլիոն դոլար տոկոս վճարի: Հետազոտողի համոզմամբ՝ անհրաժեշտ է պարտքերը տրամադրրել միայն հստակ ծրագրերի ներկայացման դեպքում:

Քյուրումյանն առաջարկում է յուրաքանչյուր տարվա վերջին սահմանել ՀՀ պետական պարտքի թույլատրելի առավելագույն մեծությունը եւ պարտքի նպատակային կառուցվածքը: 

Պետական պարտքի հետ կապված առկա իրավիճակն, ըստ Քյուրումյանի, պայմանավորված չէ Ֆինանսների նախարարությունում համապատասխան մասնագետների բացակայությամբ, առկա են այլ պատճառներ. «Անհրաժեշտ է պետական պարտքի կառավարումը պաշտպանել քաղաքական ազդեցությունից», -եզրակացրեց նա:

Քննարկմանը մասնակցում էին ինչպես տնտեսագետներ, այնպես էլ հասարակական ու միջազգային կազմակերպությունների, քաղաքացիական հասարակության ներկայացուցիչներ, ովքեր անհանգստացած էին ՀՀ պետական պարտքի հետ կապված իրավիճակով:

Զեկույցը պատրաստվել է Բաց հասարակության հիմնադրամներ – Հայաստան կազմակերպության Քաղաքականության կրթաթոշակներ նախաձեռնության շրջանակներում:

Կարող եք ծանոթանալ ամբողջական զեկույցին և համառոտագրին:

Ապրիլի 28-ին  տեղի ունեցավ «Բաց հասարակության հիմնադրամներ - Հայաստան» կազմակերպության նախաձեռնությամբ իրականացված «Պետական պարտքի կառավարումը Հայաստանում: Քաղաքական որոշումները և դրանց հետևանքները» թեմայով քննարկումը: Բանախոսն էր Արտակ Քյուրումյանը՝ անկախ հետազոտող:

Տեսանյութ
Print Friendly and PDF
Այլ մամլո հաղորդագրություններ
ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
«Հանրակրթություն. ինչու՞ են հապաղում համակարգային լուծումները և ի՞նչ են առաջարկում կուսակցությունները»
04.12.2018
11:00
Դեկտեմբերի 4-ին Մեդիա կենտրոնում տեղի ունեցավ քննարկում «Հանրակրթություն. ինչու՞ են հապաղում համակարգային լուծումները և ի՞նչ են առաջարկում կուսակցությունները» թեմայով:
Ընտրապայքար.արտաքին քաղաքականություն, անվտանգություն եւ Արցախի հիմնախնդիր
03.12.2018
11:00
Դեկտեմբերի 3-ին «Մեդիա կենտրոնում» տեղի ունեցավ քննարկում «Արտաքին քաղաքականություն, անվտանգություն, Արցախ» թեմայով։
Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում
30.11.2018
17:30
Նոյեմբերի 30-ին Ա1 պլյուսի տաղավարում Մեդիա կենտրոնը անցկացրեց բանավեճ «Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում» թեմայով:
Սահմանադրական փոփոխությունների անհրաժեշտություն. քաղացիական հասարակության դիրքորոշումը
29.11.2018
13:00
Նոյեմբերի 29-ին «Մեդիա կենտրոնում» տեղի ունեցավ քննարկում «Սահմանադրական փոփոխությունների անհրաժեշտություն․քաղհասարակության դիրքորոշումը» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ