Սիրիական ճգնաժամի վերջը չի երևում
22.04.2014
11:00
Հայկական կողմի քաղաքականությունում յուրաքանչյուր սխալ կարող է Սիրիայի հայկական թաղամասերի համար կործանման վտանգ ստեղծել:
Սիրիայում երեք տարի ընթացող քաղաքացիական պատերազմում տարբեր տվյալներով արդեն զոհվել է մոտ 150 հազար մարդ: Այս հումանիտար աղետի կիզակետում են նաև սիրիաբնակ մեծաթիվ հայեր:

«Սիրիայում հայկական թաղամասերին կից առկա են ապստամբական թաղամասեր, որտեղ մարտեր են ընթանում, հայկական կողմի սխալ քաղաքականությունը կարող է այդ թաղամասերի համար կործանման վտանգ ստեղծել»,- նման կարծիք հայտնեց քաղաքական վերլուծաբան, լրագրող Վիգեն Չեթերյանը, ով Սիրիայում տիրող վիճակի հետ կապված իր մոտեցումները ներկայացրեց «Քաղաքականությունը և բռնությունը Սիրիայում» թեմայով «Մեդիա կենտրոնում» տեղի ունեցած հանդիպմանը:

Սիրիան որպես պետականություն այժմ քանդված է, և այս պայքարում նախագահ Բաշար ալ-Ասադը, որպես տոհմական առաջնորդ, պատրաստ չէ զիջումների, և պայքարը շարունակվելու է. սիրիական կոնֆլիկտի վերջը դեռ չի երևում, նշում է Չեթերյանը:

Սիրիայի իշխանական ուժերը զարգացնում են այն տեսակետը, որ հետադիմական ուժերի հարձակումները կատարվում են իշխանության՝ հակաարևմտյան, հակաիսրայելական լինելու պատճառով, բացատրում է Չեթերյանը:

Սակայն, նա ընդգծեց, որ պետք չէ գնալ առավել հեշտ ճանապարհով և ամեն ինչի մեջ տեսնել ԱՄՆ-Ռուսաստան, կամ շիա-սուննի կոնֆլիկտ. «Բոլոր հեղափոխությունների ու մասսայական շարժումների արմատներն այն հողում են, որտեղ սկիզբ են առել», մատնանշեց քաղաքական վերլուծաբանը:

Անդրադառնալով հայաբնակ Քեսաբում տեղի ունեցած իրադարձություններին՝ Չեթերյանը նկատեց, որ հիմք չի տեսնում Ղրիմում և Քեսաբում տեղի ունեցածի միջև կապ գտնելու համար: Ըստ վերլուծաբանի՝ սկսած 2011թ.-ից ցանկացած պահի էլ Քեսաբի վրա հարձակումը հնարավոր էր, և այստեղ առավելապես առկա է թուրքական գործոնը, որը մեծ դեր է ունեցել Քեսաբի վրա կատարված հարձակման մեջ:

«Տեղի ունեցածի վերաբերյալ հայկական կողմի ինֆորմացիոն արձագանքը խիստ անգրագետ էր. հաշվի չէր առնվել ինֆորմացիոն պատերազմի հնարավոր ազդեցությունը Սիրիայում գտնվող հայերի վրա», - կարծում է Չեթերյանը:

Ինչպես Սիրիայում, այնպես էլ ամբողջ Մերձավոր Արևելքում հայկական բնակչությունը գնալով նվազում է, և այս պայմաններում դժվար է տեղ հասցնել սեփական՝ հայկական ասելիքը:

«Այսօր մեր համայնքները Մերձավոր Արևելքում վերածվել են գետոներում ապրող մարդկանց, մենք հիմա չունենք ինտելեկտուալ ռեսուրս` տեղական հանրային կարծիքի հետ դիսկուրսի մեջ մտնելու և մեր տեսակետը ներկայացնելու համար», հավելեց վերլուծաբանը:

Հայկական պետությունն իր գոյության ընթացքում արդեն երկրորդ անգամն է նման իրավիճակում, երբ հայկական համայնքին օգնության կարիք կա. «Սա առաջին հարվածը չէ հայկական համայնքներին, հայկական պետականությունը պետք է պատրաստ լինի օժանդակել և ընդունել իր համայնքներին»,- ասաց  Չեթերյանը` նշելով նաև, որ ցեղասպանության հարյուրամյակը լավ առիթ է մեր խոսքը տեղ հասցնելու համար, -«սակայն մենք պետք է հասկանանք՝ ո՞րն է մեր խոսքը և կարողանանք մեր ցավը դարձնել համամարդկային», եզրափակեց Չեթերյանը:

Ապրիլի 22-ին «Մեդիա կենտրոնի» հյուրասրահում էր քաղաքական վերլուծաբան, լրագրող Վիգեն Չեթերյանը` «Քաղաքականությունը և բռնությունը Սիրիայում» թեմայով մամուլի ասուլիսով:

Վիգեն Չեթերյանի մասին

Վիգեն Չեթերյանը լրագրող է և քաղաքական վերլուծաբան: Դասավանդում է Վեբստերի համալսարանի ժնևյան մասնաճյուղում` մեդիա հաղորդակցությունների ֆակուլտետում: Լոնդոնի համալսարանի Արևելագիտության դպրոցի (SOAS) գիտաշխատող է:

Հեղինակել է «Վերակառուցումից մինչև գունավոր հեղափոխություններ. բարեփոխում և հեղափոխություն` կոմունիզմից հետո» (From Perestroika to Rainbow Revolutions: Reform and Revolution after Communism), «Պատերազմը և խաղաղությունը Կովկասում» (War and Peace in the Caucasus: Russia’s Troubled Frontier) աշխատությունները:

Եղել է կովկասյան տարածաշրջանի բոլոր թեժ գոտիներում: 1992 թ. առաջին անգամ այցելել է Լեռնային Ղարաբաղ և լուսաբանել պատերազմական գործողությունները: Ավելի ուշ եղել է Չեչնիայում և Վրաստանում:

Տեսանյութ
Print Friendly and PDF
Այլ մամլո հաղորդագրություններ
«Հեպատիտների տարածվածության, դեղերի և բուժման հասանելիության խնդիրները Հայաստանում»
16.08.2018
12:00
2017-2018 թթ. «Դրական մարդկանց հայկական ցանց» սոցիալական ՀԿ-ն իրականացրել է հետազոտություն Երևան, Գյումրի, Վանաձոր, Հրազդան, Սևան, Գավառ, Մարտունի և Արմավիր քաղաքներում`ուղղված բնակչության շրջանում վիրուսային հեպատիտներ B-ի և C-ի վաղ հայտնաբերմանը, խնդրի մասին քաղաքացիների շրջանում իրազեկության բարձրացմանը:
«ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները»
27.07.2018
12:30
Հուլիսի 27-ին «Մեդիա կենտրոնում» տեղի ունեցավ մամուլի ասուլիս «ՀՀ պետական ֆինանսների կառավարման համակարգի 2017-2018թթ. մոնիտորինգի արդյունքները» թեմայով։
Պաշտպանական ոլորտի պետգնումները կոռուպցիոն մեծ ռիսկեր են պարունակում՝ փորձագետ
26.07.2018
14:00
Հուլիսի 26-ին «Մեդիա կենտրոնում» Հանրային քաղաքականության հետազոտությունների ազգային կենտրոնի նախագահ, տնտեսագետ Արտակ Մանուկյանը ներկայացրեց ՀՔՀԱԿ-ի կողմից իրականացված 2017-2018 թթ. պաշտպանական ոլորտի գնումների մոնիտորինգի արդյունքները։
«Մեդիա-նոր իշխանություններ. մտահոգիչ միտումներ»
25.07.2018
12:00
Մանիպուլյացիա, քարոզչություն, ապատեղեկատվություն, կեղծ կայքեր..Այս ամենը մեդիայում եղել է միշտ: Սակայն մասշտաբները, որոնք տեսնում ենք այսօր, մեդիա փորձագետներին թույլ է տալիս վիճակը գնահատել՝ իբրև ճգնաժամային:

«Դիտորդների խմբի գործունեության խոչընդոտները և ՔԿՀ-ներում մարդու իրավունքների խախտումների ընթացիկ խնդիրները»
25.07.2018
11:00
Թավշյա հեղափոխությունից հետո ՀՀ Արդարադատության նախարարությունը պահում է նույն դիրքորոշումը և նույն կերպ խոչընդոտում ՀՀ ԱՆ ՔԿՀ-ներում հասարակական վերահսկողություն իրականացնող հասարակական Դիտորդների խմբի գործունեությունը. այս մասին հուլիսի 25-ին Մեդիա կենտրոնում տեղի ունեցած քննարկմանը հայտարարեցին Դիտորդական խմբի անդամները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ