ՀՀ ինքնիշխանության կորստի վտանգ
14.04.2014
15:00
«Այսօր Մաքսային միությունն է առաջնային մարտահրավերը Հայաստանի համար». Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցն ասաց «Գործընկերություն հանուն բաց հասարակության» կազմակերպության նախաձեռնությամբ տեղի ունեցած «ՀՀ պետականության առջեւ ծառացած մարտահրավերները» թեմայով հանրային քննարկմանը:

Մասնակից բոլոր բանախոսները ընդգծեցին ՀՀ ինքնիշխանության կորստի առկա վտանգը:

«Մարդիկ այդպես էլ այս երկրում չտեսան, թե ինչ են ժողովրդավարությունն ու մարդու իրավունքները». ասաց Ժուռնալիստների «Ասպարեզ» ակումբի խորհրդի նախագահ Լևոն Բարսեղյանը, ընդգծելով, որ հանրային բարեկեցության հիմքը ինքնիշխանության մեջ է:

Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ Ստեփան Գրիգորյանն անդրադարձավ ՌԴ-ի կողմից վարվող արտաքին քաղաքականության մեզ համար հնարավոր վտանգներին. «Ռուսաստանը պատրաստում է իրավական հիմք այլ երկրների հանդեպ ուժ կիրառելու համար», -նշեց Գրիգորյանը:

Նա կարծիք հայտնեց նաև, որ ռուսական քարոզչական լրատվականների ազդեցությունը խիստ վտանգավոր է հայաստանյան հասարակության համար.

«Հայաստանը պետք է սահմանափակի ռուսական քարոզչական մեդիայի հեռարձակումը ՀՀ-ում»,- առաջարկ հնչեցրեց Գրիգորյանը, շեշտելով, որ խոսքը ոչ թե ռուսական լրատվականների հեռարձակման դադարեցման մասին է, այլ մասնակի սահմանափակման:

Առաջարկը երկարատև քննարկման առիթ դարձավ, մտահոգություններ արտահայտվեցին, որ որևէ մեդիայի սահմանափակումը կարող է վատ նախադեպ դառնալ և օգտագործվել հասարակության դեմ:

Քննարկման մասնակիցներից քաղաքացիական ակտիվիստ Կարեն Հարությունյանը անդրադարձավ հանրության հետ աշխատանքի խնդրին, նշելով, որ մարդկանց պետք է բացատրել, թե ինքնիշխանության կորուստն ինչպես կարող է վնասել իրենց անձնապես:

«Մենք չենք կարողանում մարդկանց բացատրել, թե կատարվող գործընթացները ինչպես են դիպչելու իրենց անձնական շահին»,- համեմատելով «Դեմ եմ» շարժման հաջող օրինակի հետ՝ ասաց  Երևանի Հովհ. Թումանյանի անվան տիկնիկային թատրոնի գեղարվեստական ղեկավար Ռուբեն Բաբայանը:

Ինչպես քննարկման բանախոսները, այնպես էլ բազմաթիվ մասնակիցներն ընգծեցին, որ 2013թ. սեպտեմբերի 3-ից հետո Հայաստանում ժողովրդավարական կառավարման գործընթացները, ազգային անվտանգությունը, մարդու իրավունքների եւ ազատությունների պաշտպանությունը, ազատ տնտեսության եւ սոցիալական արդարության կայացումը, ազգային ինքնության մաս կազմող պատմամշակութային եւ կրթական արժեքներն անկում ապրելու միտում են դրսևորում:

Ապրիլի 14-ին, Կոնգրես հյուրանոցում «Գործընկերություն հանուն բաց հասարակության» նախաձեռնությամբ տեղի ունեցավ «ՀՀ պետականության առջեւ ծառացած մարտահրավերները» թեմայով հանրային հանդիպում: Բանախոսներն էին Լարիսա Մինասյանը՝ Բաց հասարակության հիմնադրամներ - Հայաստանի գործադիր տնօրեն, Վահրամ Մարտիրոսյանը՝ գրող, կինոսցենարիստ, Ավետիք Իշխանյանը՝ Հայաստանի Հելսինկյան կոմիտեի նախագահ, Արթուր Սաքունցը՝ Հելսինկյան քաղաքացիական ասամբլեայի Վանաձորի գրասենյակի նախագահ, Լևոն Բարսեղյանը՝ Ժուռնալիստների «Ասպարեզ» ակումբի խորհրդի նախագահՍտեփան Գրիգորյանը՝ Գլոբալիզացիայի և տարածաշրջանային համագործակցության վերլուծական կենտրոնի խորհրդի նախագահ, Ստեփան Դանիելյանը` Համագործակցություն հանուն ժողովրդավարության կենտրոնի նախագահ, Ռուբեն Բաբայանը` Երևանի Հովհ. Թումանյանի անվան տիկնիկային թատրոնի գեղարվեստական ղեկավար:

Տեսանյութ
Print Friendly and PDF
Այլ մամլո հաղորդագրություններ
«ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում»
20.09.2018
13:30
Սեպտեմբերի 20-ին «Մեդիա կենտրոնում» տեղի ունեցավ քննարկում «ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում» թեմայով։
Երևանի ավագանու ընտրություններ- 2018 «Երևանը՝ երեխաների համար»
20.09.2018
12:30
Սեպտեմբերի 20-ին Մեդիա կենտրոնում Երևանի ավագանու թեկնածուները ներկայացրեցին իրենց ծրագրերը՝ «Երևանը՝ երեխաների համար» թեմայով:
Երևանի ավագանու ընտրություններ 2018. «Որքանո՞վ է Երևանը հարմար հաշմանդամություն ունեցող անձանց համար» . ավագանու թեկնածուների ծրագրերը
19.09.2018
12:30
Սեպտեմբերի 19-ին Մեդիա կենտրոնում քննարկեցինք «Որքանո՞վ է Երևանը հարմար հաշմանդամություն ունեցող անձանց համար» թեման. ավագանու թեկնածուները կներկայացնեն իրենց կուսակցության կամ դաշինքի ծրագիրը:
«ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը»
17.09.2018
12:00
Սեպտեմբերի 17-ին «Մեդիա կենտրոնում» տեղի ունեցավ քննարկում «ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը» թեմայով։
Հրավեր Երևանի ավագանու ընտրություններին առաջադրված քաղաքապետի բոլոր թեկնածուներին
14.09.2018
16:49
«Հանրային լրագրության ակումբ» ՀԿ-ի «Մեդիա կենտրոն» նախագծի շրջանակում մենք հրավիրում ենք Երևանի ավագանու ընտրություններին առաջադրված քաղաքապետի բոլոր թեկնածուներին ուղիղ եթերում մասնակցել բանավեճի։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ