Հայաստանն արտաքին քաղաքականությունում պիտի օգուտ քաղի ուրիշների սխալներից
08.04.2014
12:00
Հայաստանի հաջողությունները արտաքին քաղաքականությունում հիմնված են ուրիշների` Թուրքիայի և Ադրբեջանի կողմից թույլ տրված սխալների վրա և հիմնական ուղղությունները պետք է լինեն այդ սխալներից օգուտ քաղելը. այս մասին նշեց քաղաքագետ Ռիչարդ Գիրագոսյանն այսօր՝ «Արդյոք Հայաստանն ինքնուրո՞ւյն է արտաքին քաղաքական որոշումներում» թեմայով քննարկմանը:

Գիրագոսյանի կարծիքով` մարտի 27-ին ՄԱԿ-ի Գլխավոր ասամբլեայում Ուկրաինայի տարածքային ամբողջականության բանաձևին Հայաստանի «դեմ» քվերակությունը սխալ էր, «սակայն այդ սխալի համար Հայաստանը մեծ գին չի վճարել և պարտադիր էլ չէ, որ վճարի, քանի բոլոր պատժամիջոցները Ռուսաստանի դեմ են կիրառվում»:

Կովկասի ինստիտուտի ղեկավար Ալեքսանդր Իսկանդարյանը կարծում է՝ ՄԱԿ-ում այդպիսի քվերակությունը ինքնուրույն որոշում էր. «Այդ որոշումը կայացնելիս Հայաստանը հաշվի է առել արտաքին ուժերը, դրանց ազդեցությունը և չափսերը: Այլ կերպ համաշխարհային քաղաքականությունում չի լինում: Ոչ մի երկիր, նույնիսկ ԱՄՆ-ն, առանց իրավիճակը գնահատելու որոշում չի կայացնում»:

Ռիչարդ Գիրագոսյանի գնահատմամբ՝ վերջին 4 տարիներին ՀՀ արտաքին քաղաքականության ամենամեծ սխալը մեկն է` սեպտեմբերի 3-ը, «երբ Հայաստանը հրաժարվեց ԵՄ հետ ասոցացման հետ պայմանագիրը ստորագրել»:

Ալեքսանդր Իսկանդարյանն էլ հակադարձեց. «Սեպտեմբերի 3-ը Հայաստանի արտաքին քաղաքականության ձախողումը չէր, քանի որ այդ որոշումը կայացվել է Հայաստանից դուրս և Հայաստանը չէր կարող խուսափել այս որոշումից, քանի որ այլընտրանք չկար»:

Անդրադառնալով վարչապետ Տիգրան Սարգսյանի հրաժարականին` Ռիչարդ Գիրագոսյանը նշեց, որ ՌԴ-ն այս հարցում ազդեցություն չի ունեցել. «Այդ որոշումը կայացվել է երկու Սարգսյանների կողմից` նախագահի և վարչապետի»:  Գիրագոսյանը նաև հավելեց, որ եթե «Ազգային ժողովի նախագահը զբաղեցնի վարչապետի պաշտոնը, դա կլինի մեծ պարտություն և նահանջ Հայաստանի ժողովրդավարացման և զարգացման առումով»:

Ալեքսանդր Իսկանդարյանը համակարծիք է, որ վարչապետի հրաժարականի վրա դրսից որևէ ուժ չի ազդել. «Այն, ինչ տեղի է ունենում Հայաստանի քաղաքականության մեջ` միայն ներքին հարցեր են»: Քաղաքագետը չի կարծում, որ վարչապետի հրաժարականից հետո հեղափոխական փոփոխություններ կլինեն, «սակայն ասել, որ փոփոխություններ ընդհանրապես չեն լինի, սխալ է»:

Անդրադառնալով Սիրիայի խնդրին՝ Կովկասի ինստիտուտի ղեկավարը նշեց. «Սիրիան Ռուսաստանի հաջողություններից մեկն է և նա փորձում է կրկին այդ խաղաքարտը խաղարկել Քեսաբի հարցում»:

Ռիչարդ Գիրագոսյանն էլ հավելեց, որ Ռուսաստանը, ԱՄՆ-ն կամ այլ պետությունները չեն մտածում Քեսաբի հայության մասին: «Այս ամենն արվում է Ռուսաստանի շահերի պաշտպանության և Թուրքիայի դիրքերի խարխլման համար: Մենք խոցելի ենք այս առումով, այդ պատճառով պետք է զուսպ արձագանքել: Փորձ արվեց Քեսաբում տեղի ունեցող իրադարձությունները նմանեցնել Ցեղասպանությանը, սակայն սա միայն կթուլացնի ցեղասպանության փաստը միջազգային հանրության աչքում»:

Ապրիլի 8-ին«Մեդիակենտրոնում» տեղի ունեցավքննարկում՝ «Արդյոք Հայաստանն ինքնուրո՞ւյն է արտաքին քաղաքական որոշումներում» թեմայով: Այննախաձեռնել էրՊատերազմի և խաղաղության լուսաբանման ինստիտուտի (IWPR) հայաստանյան գրասենյակը:Քննարկման բանախոսներն էին՝ Ռիչարդ Գիրագոսյանը` քաղաքագետ, Տարածաշրջանայինհետազոտություններիկենտրոնի ղեկավարև Ալեքսանդր Իսկանդարյանը` քաղաքագետ, Կովկասի ինստիտուտի ղեկավար:

Տեսանյութ
Print Friendly and PDF
Այլ մամլո հաղորդագրություններ
Հարցազրույց-ասուլիս Անդրիաս Ղուկասյանի հետ
18.06.2018
11:00
Հունիսի 18-ին «Մեդիա կենտրոնում» տեղի ունեցավ հարցազրույց-ասուլիս հասարակական, քաղաքական գործիչ Անդրիաս Ղուկասյանի հետ «Քաղբանտարկյալների պայմանական ազատում և ներքաղաքական զարգացումներ թավշյա հեղափոխությունից հետո» թեմայով։
«2017-2018 թթ. պետական գնումների համակարգի մոնիտորինգի արդյունքները»
15.06.2018
12:00
«Հանրային քաղաքականության հետազոտությունների ազգային կենտրոն» ՀԿ-ի նախագահ, տնտեսագետ Արտակ Մանուկյանը հունիսի 15-ին «Մեդիա կենտրոնում» ներկայացրեց 2017-2018 թթ. պետական գնումների համակարգի մոնիտորինգի արդյունքները:
Կանայք Հայաստանի բարձրագույն իշխանության կազմում
13.06.2018
17:04
Ի՞նչ է մտածում Facebook-ը ՀՀ բարձրագույն ղեկավար կազմում կանանց ներգրավվածության աստիճանի վերաբերյալ։
Ղարաբաղյան հակամարտության կարգավորման գործընթացը «Թավշյա հեղափոխությունից» հետո
13.06.2018
14:00
Հունիսի 13-ին «Մեդիա կենտրոնում» տեղի ունեցավ հարցազրույց-ասուլիս «Ղարաբաղյան հակամարտության կարգավորման գործընթացը «Թավշյա հեղափոխությունից» հետո թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ