Փաստաբանը անհեթեթ է համարում նաև փոփոխված մեղադրանքը
03.04.2014
11:00
«Ես դիմել եմ դատարան նոյեմբերի 5-ին ձերբակալված Տիգրան Պետրոսյանին ազատ արձակելու պահանջով, քանի որ նրան առաջադրված մեղադրանքը փոխվել է, իսկ փոփոխված մեղադրանքում նշվում են հանգամանքներ, որոնք հերքում են նախորդ մեղադրանքը»,- ասաց Տիգրան Պետրոսյանի փաստաբան Արա Զաքարյանն այսօր «Մեդիա կենտրոնում» տեղի ունեցած ասուլիսին:

Հիշեցնենք, որ նոյեմբերի 5-ին «Ցեղակրոն» կուսակցության ղեկավար Շանթ Հարությունյանն իր աջակիցների հետ Երևանի Մաշտոցի պողոտայով փորձել էր շարժվել դեպի նախագահական նստավայր: Ոստիկանությունը թույլ չէր տվել շարունակել երթը, տեղի էին ունեցել բախումներ և ձերբակալվել էր ավելի քան 30 մարդ, այդ թվում և Տիգրան Պետրոսյանը։

Արա Զաքարյանը տեղեկացրեց, որ սկզբում իր պաշտպանյալին մեղադրանք էր առաջադրվել Քր.օրենսգրքի 316 հոդված 1-ին մասով (ոստիկանին հրելը). «Մեղադրանքում գրված է, որ Տիգրան Պետրոսյանը քաշքշել և հարվածել է ոստիկան Արա Մարտիրոսյանին: Սակայն հարվածելու վերաբերյալ քրեական գործում ոչ մի տեղեկություն չկա»:

Մեղադրանքի անհիմն լինելը, ըստ փաստաբանի, ապացուցում է ոստիկան Արա Մարտիրոսյանի հետ ընդհանուր առմամբ 15 ժամ տևած առերեսումները: «Ամբողջ ընթացքում բազմաթիվ անգամ թե քննիչի, թե պաշտպանական կողմի հարցերին Արա Մարտիրոսյանը տվել է հստակ պատասխաններ. Տիգրան Պետրոսյանը իրեն հրել է, բայց հարված չի հասցրել»,-նշեց փաստաբանը:

Փաստաբանը կարծում է, որ նախաքննական մարմինը 5 ամիս գործը քննելուց հետո հասկացել է, որ 316 հոդվածի 1-ին մասով Տիգրան Պետրոսյանին առաջադրված մեղադրանքը թույլ է և չեն կարող այն դատարանում պաշտպանել, հետևաբար «որոշեցին առաջադրված մեղադրանքները փոփոխել` մեղադրանքով ավելի անհեթեթ, Քրեական օրենսգրքի 258 հոդվածի 3-րդ մասի 1-2 կետերով (խուլիգանություն)»:

Այս մեղադրանքը փաստաբանը նույնպես համարում է անհիմն. «Նոր մեղադրանքի մեջ Տիգրան Պետրոսյանին որևէ խուլիգանական գործողություն վերագրված չէ: Չկա ոչ մի նշում այն մասին, թե ինչպիսի գործողություն կատարելով է Տիգրան Պետրոսյանը խախտել հասարակական կարգը: Մոտ մեկ էջ կազմող մեղադրանքի մեջ մի նախադասություն է, որը վերագրվել է Տիգրան Պետրոսյանին: Այն է, որ քաշքշել և հարվածել է ոստիկան Արա Մարտիրոսյանին»:

Արա Զաքարյանը դիմել  է դատարան՝ կալանքը որպես խափանման միջոց կիրառելու որոշումը փոփոխելու միջնորդությամբ. նիստի օրը դեռ հայտնի չէ:

Իսկ նախաքննական մարմնի իրականացրած գործողությունները փաստաբանը համարում է քաղաքական հետապնդում. «Տիգրան Պետրոսյանը պետք է քաղբանտարկյալի կարգավիճակ ստանա: Չի կարելի անձանց հանդեպ քրեական հետապնդում իրականացնել իրենց համոզմունքների համար»:

Ապրիլի 3-ին «Մեդիա կենտրոնում» տեղի ունեցավ նոյեմբերի 5-ի ակցիայի մասնակից, կալանավորված Տիգրան Պետրոսյանի փաստաբան Արա Զաքարյանի ասուլիսը:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ