Հայաստանում արտոնյալ վարորդ կամ մեքենա չկա
01.04.2014
17:00
«Պաշտոնապես հայտարարում եմ, որ Հայաստանի Հանրապետությունում չկա այնպիսի վարորդ, որը խախտման համար չի ենթարկվի վարչական պատասխանատվության: Չկա այնպիսի տրանսպորտային միջոց, որի խախտումը չի արձանագրվի տեսախցիկների կամ արագաչափերի կողմից»,- ասաց ՀՀ ճանապարհային ոստիկանության պետի տեղակալ Արմեն Խաչատրյանը «Մեդիա կենտրոնի» նախաձեռնած «Տեսախցիկներ և արագաչափեր. անվտանգությո՞ւն, թե՞ լրացուցիչ խնդիրներ» թեմայով բանավեճի ընթացքում:

«Իրավունքի գերակայություն» ՀԿ նախագահ Արտակ Զեյնալյանի կարծիքով՝ տեսախցիկների և արագաչափերի տեղադրումն իրականացվել է լուրջ իրավական թերացումներով. «Ընդհանրապես տեսալուսանկարահանող սարքերը միջամտություն են մարդկանց անձնական կյանքի հարգանքի իրավունքին: Դրանց տեղադրումը պետք է իրականացվեր նորմատիվ ակտերով, որը չի արվել»: Զեյնալյանը նշեց, որ  սարքերի տեղադրումից հետո ոստիկանությունն օրական մոտավորապես 8.000 մարդու ենթարկում է վարչական պատասխանատվության:

Այս պնդմանը ոստիկանության ներկայացուցիչները հակադարձեցին, որ թիվը չափազանցված է և իրականում օրական մոտավորապես 3.000-4.000 մարդ է ենթարկվում վարչական պատասխանատվության:

Պարոն Խաչատրյանը տեղեկացրեց, որ մարդիկ հիմնականում բողոքում են, որ սարքերը տեղադրվում են այն վայրերում, որտեղ շատ խախտումներ կան: «Ո՞րտեղ տեղադրվեն այդ սարքերը: Այն վայրերում, որտեղ իրավախախտում չկա՞: Այդ սարքերի տեղադրման վայրերի որոշման հիմքում դրված է ճանապարհային ոստիկանության կողմից ճանապարհատրանսպորտային պատահարների վերլուծության արդյունքները»:

Ճանապարհային ոստիկանության տեսանկարահանման միջոցով հայտնաբերված խախտումների արձանագրման կենտրոնի պետ Դանիել Դանիելյանն հավելեց, որ եղել են վայրեր, որտեղ շատ պատահարներ, խախտումներ ու խցանումներ են եղել. «Սարքերը տեղադրելուց հետո վերլուծությունները ցույց տվեցին, որ այդ դեպքերը կտրուկ նվազել են: Դրանից հետո որոշում է կայացվել այդ արագաչափը տեղափոխել մեկ այլ վայր: Դրանից հետո էլ այդ վայրերում պատահարներ տեղի չեն ունեցել»:

«Աքիլլես ավտովարորդների իրավունքների պաշտպանության կենտրոն» ՀԿ նախագահ Էդուարդ Հովհաննիսյանը էլ նշեց, որ տեսանկարահանող սարքերի առնչությամբ բողոքների իրենց ուսումնասիրությունը ցույց տվեց, որ վարորդները բոլորովին պատրաստ չէին այդ կտրուկ, բուռն փոփոխություններին. տեսախցիկ և արագաչափ, «քանի որ դեռ Խորհրդային Միության վարորդներն իրենց վկայականները կաշառքներով էին ստանում: Տեսախցիկների տեղադրումից հետո մարդիկ սկսեցին սովորել ճանապարհային երթևեկության կանոնները»:

Ապրիլի 1-ին «Մեդիա կենտրոնի» նախաձեռնությամբ «Ա1+» հեռուստաընկերության առցանց ուղիղ հեռարձակմամբ անցկացվեց բանավեճ` «Տեսախցիկներ և արագաչափեր. անվտանգությո՞ւն, թե՞ լրացուցիչ խնդիրներ» թեմայով: Բանավեճի բանախոսներն էին` Արմեն Խաչատրյանը՝ ՀՀ  ճանապարհային ոստիկանության պետի տեղակալ, Արտակ Զեյնալյանը՝ «Իրավունքի գերակայություն» ՀԿ  նախագահ, Էդուարդ Հովհաննիսյանը՝ «Աքիլլես ավտովարորդների իրավունքների պաշտպանության կենտրոն» ՀԿ նախագահ և Դանիել Դանիելյանը` ՀՀ ոստիկանության ճանապարհային ոստիկանության տեսանկարահանման միջոցով հայտնաբերված խախտումների արձանագրման կենտրոնի պետ:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ