Նախկին զինծառայողի թոշակի խախտված իրավունքը
28.03.2014
12:00
Մենք խնդրում ենք Պաշտպանության նախարարությանը (ՊՆ) և Բժշկասոցիալական փորձաքննության (ԲՍՓ) գործակալությանը կիրառել 2001 թվականի ՀՀ ՊՆ Կենտրոնական ռազմա-բժշկական հանձնաժողովի տված տեղեկանքը՝ նախկին զինծառայող Գեորգի Մարգարովի հաշմանդամության կարգի վերաբերյալ և վճարել նրան հասնող կենսաթոշակը»,- ասաց Մարգարովի փաստաբան Անի Անտոնյանը, այսօր «Մեդիա կենտրոնում» հրավիրված «Զինծառայողի կենսաթոշակային խախտված իրավունք. 7 տարիների քաշքշուկ» թեմայով քննարկմանը:

Փաստաբանի փոխանցմամբ՝ Գեորգի Մարգարովն ունի հաշմանդամության 2-րդ կարգի մասին որոշում, որում նշված է հաշմանդամության պատճառը, սակայն պետական մարմինների ոչ իրավաչափ գործողությունների հետևանքով փոխվել է  հաշմանդամության պատճառական կապը. «Արդեն մեկ տարի է կա դատարանի որոշում, որն, ըստ էության, չի կատարվում: ՊՆ-ն կատարում է վճարումների իր պարտավորությունը, բայց այն պետք է բխի ճիշտ տեղեկանքից:  Սակայն Բժշկասոցիալական փորձաքննության  գործակալությունը չի ընդունում ճիշտ տեղեկանքը»:

Պաշտպանության նախարարության ներկայացուցիչ Նաիրա Կարապետյանի կարծիքով՝ ՊՆ-ն կատարել է դատարանի պահանջն ամբողջությամբ. «ՊՆ-ն, հիմք ընդունելով դատարանի վճիռը, որն ավելի մեծ ուժ ունի, քան որևէ տեղեկանք, վերահաշվարկ է արել և փոխանցել է Մարգարովի թոշակն ու հավելավճարները: ՊՆ-ն իր պարտականություններն այս գործով իրականացրել է»:
Գեորգի Մարգարովը չի ընդունել գումարը՝ համարելով այն ոչ իրավական: Մարգարովի շահերի պաշտպանի խոսքով՝ այդ վերահաշվարկի հիմքը պետք է լինի ճիշտ տեղեկանքը, որը պետք է տա ԲՍՓ գործակալությունը և որն այս պահին չկա:

ԲՍՓ գործակալության պետի տեղակալ Անուշ Սիմոնյանն էլ հակադարձում է, որ գոյություն ունի ուժի մեջ գտնվող մեկ այլ տեղեկանք և ԲՍՓ-ն որևէ հիմք չունի այն փոփոխելու. «ՊՆ-ն չի կարող պարտավորեցնել ԲՍՓ-ին փոփոխություններ անել, մանավանդ որ դատական պրոցեսին՝ որպես երրորդ կողմ, ԲՍՓ-ն ներկայացված չի եղել»: Տիկին Սիմոնյանն առաջարկում է վիճարկել տեղեկանքները դատարանում՝ ներգրավելով նաև ԲՍՓ-ին: 

87-ամյա թոշակառու Գեորգի Մարգարովն  առաջին կարգի ինժեներ-կապիտան է և արդեն 7 տարի է պետական և դատական մարմինների միջոցով փորձում է վերականգնել իր կնեսաթոշակի խախտված իրավունքը:

Մարտի 28-ին «Մեդիա կենտրոնը»նախաձեռնել էր քննարկում՝ «Զինծառայողի կենսաթոշակային խախտված իրավունք. 7 տարիների քաշքշուկ» թեմայով: Բանախոսներն էին. Գեորգի Մարգարով՝ թոշակառու, նախկին զինվորական, Անի Անտոնյան՝ Մարգարովի շահերի ներկայացուցիչ, «Ինթրա Վիրես» իրավաբանական ընկերության փաստաբան, Անուշ Սիմոնյան՝ՀՀ բժշկասոցիալական փորձաքննության գործակալության պետի տեղակալ: Քննարկման սրահում էր նաև ՊՆ իրավաբանական վարչության ներկայացուցիչ Նաիրա Կարապետյանը:


Տեսանյութ
Print Friendly and PDF
Այլ մամլո հաղորդագրություններ
«ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում»
20.09.2018
13:30
Սեպտեմբերի 20-ին «Մեդիա կենտրոնում» տեղի ունեցավ քննարկում «ԶԼՄ-ների գործունեություն առանձնահատկությունները Երևանի ավագանու ընտրությունների նախընտրական շրջանում» թեմայով։
Երևանի ավագանու ընտրություններ- 2018 «Երևանը՝ երեխաների համար»
20.09.2018
12:30
Սեպտեմբերի 20-ին Մեդիա կենտրոնում Երևանի ավագանու թեկնածուները ներկայացրեցին իրենց ծրագրերը՝ «Երևանը՝ երեխաների համար» թեմայով:
Երևանի ավագանու ընտրություններ 2018. «Որքանո՞վ է Երևանը հարմար հաշմանդամություն ունեցող անձանց համար» . ավագանու թեկնածուների ծրագրերը
19.09.2018
12:30
Սեպտեմբերի 19-ին Մեդիա կենտրոնում քննարկեցինք «Որքանո՞վ է Երևանը հարմար հաշմանդամություն ունեցող անձանց համար» թեման. ավագանու թեկնածուները կներկայացնեն իրենց կուսակցության կամ դաշինքի ծրագիրը:
«ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը»
17.09.2018
12:00
Սեպտեմբերի 17-ին «Մեդիա կենտրոնում» տեղի ունեցավ քննարկում «ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը» թեմայով։
Հրավեր Երևանի ավագանու ընտրություններին առաջադրված քաղաքապետի բոլոր թեկնածուներին
14.09.2018
16:49
«Հանրային լրագրության ակումբ» ՀԿ-ի «Մեդիա կենտրոն» նախագծի շրջանակում մենք հրավիրում ենք Երևանի ավագանու ընտրություններին առաջադրված քաղաքապետի բոլոր թեկնածուներին ուղիղ եթերում մասնակցել բանավեճի։

Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ