«Կառավարության փոփոխությունը ոչինչ չի տա»
21.03.2014
12:00
«Չորս ոչ իշխանական ուժերի ղեկավարների հանդիպումը թույլ կտա որոշ անհարթություններ շտկել, որոշ տարաձայնություններ հաղթահարել և վերջապես խոսել չորսի ձևաչափի մասին: Ես հուսով եմ, որ այդ հանդիպումը շուտով տեղի կունենա»,- ասաց «Ժառանգություն» կուսակցության նախագահ Րաֆֆի Հովհաննիսյանն այսօր՝ «Մեդիա Կենտրոնում» տեղի ունեցած մամուլի ասուլիսին:

Անդրադառնալով իր և Գագիկ Ծառուկյանի վերջերս տեղի ունեցած հանդիպմանը, Րաֆֆի Հովհաննիսյանը նշեց, որ հանդիպումը գաղտնի չէր. «Սա առաջին հանդիպումն էր այս վերջին շրջանում և նպատակահարմար գտնվեց, որ այդ հանդիպումը տեղի ունենա երկու պատվիրակությունների միջև և հետո լուր տարածվի»:

Նա չցանկացավ մեկնաբանել Գագիկ Ծառուկյանի տեսակետները և միայն նշեց, որ «Ժառանգության» և ԲՀԿ-ի դիրքորոշումներում կային որոշակի տարբերություններ. «Կային նաև շատ ընդհանրություններ և երկու կողմերը համաձայնեցին շարունակել խորհրդակցությունները»:

Վարչապետի փոփոխությունը Հովհաննիսյանը համարում է կիսամիջոց, որը մեծ հաշվով ոչինչ չի տա. «Դրանով երկրի վիճակը չի փոխվի: Պետք են արմատական փոփոխություններ և դա է ժողովրդի պահանջը: Հիմնական խոսքը պետք է գնա Սերժ Սարգսյանի հրաժարականի և դրանից հետո նախագահական և խորհրդարանական նոր ընտրությունների մասին: Սա չի նշանակում, որ «Ժառանգությունը» դուրս է գալիս այս ձևաչափից»:

«Ժառանգության» առաջնորդը համամիտ չէ Լևոն Տեր-Պետրոսյանի այն մտքին, թե  Մաքսային միությանը Հայաստանի անդամակցությունը անշրջելի է:  «Ես չեմ համարում, որ անշրջելի է: Եթե Հայաստանն ունենա օրինական ընտրված իշխանություն, ապա նրանց որոշումները կլինեն անշրջելի: Այս դեպքում այդպես չէ»:

Իսկ Հայաստանում ԱՄՆ դեսպան Ջոն Հեֆերնին Րաֆֆի Հովհաննիսյանը խորհուրդ տվեց չսրտնեղել Սերժ Սարգսյանի՝ Մաքսային միությանն անդամակցելու որոշումից, քանի որ հենց իրենք էին, որ հաստատեցին նախագահական կեղծ ընտրությունները:

Անդրադառնալով օրերս Ղրիմի հարցի շուրջ Սերժ Սարգսյանի և Վլադիմի Պուտինի հեռախոսազրույցին՝«Ժառանգության» ղեկավարը նշեց, որ դա արտահայտում էր այն ուղղահայաց վասալային հարաբերությունը, որով Ռուսաստանի դաշնությունը նայում է Հայաստանին. «Ավելի լավ կլինի, որ վերջապես Հայաստանի իշխանությունը դե ֆակտո ճանաչի Լեռնային Ղարաբաղի Հանրապետությունը և ոչ թե հրճվի ինչ-որ նախադեպով, որը չի լինելու»:

Րաֆֆի Հովհաննիսյանը նաև տեղեկացրեց, որ մարտի 28-ին «Ժառանգությունը» Ազատության հրապարակում կազմակերպում է  հանրային նախահավաք. «Ես 20 տարուց ավելի է, որ Հայաստանում եմ, զբաղվում եմ քաղաքականությամբ և միշտ ժողովրդի վստահությունը վայելել եմ»:

Մարտի 21-ին «Մեդիա կենտրոնում» հյուրասրահում էր  «Ժառանգություն» կուսակցության ղեկավար Րաֆֆի Հովհաննիսյանը: 

Տեսանյութ
Print Friendly and PDF
Այլ մամլո հաղորդագրություններ
ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
«Հանրակրթություն. ինչու՞ են հապաղում համակարգային լուծումները և ի՞նչ են առաջարկում կուսակցությունները»
04.12.2018
11:00
Դեկտեմբերի 4-ին Մեդիա կենտրոնում տեղի ունեցավ քննարկում «Հանրակրթություն. ինչու՞ են հապաղում համակարգային լուծումները և ի՞նչ են առաջարկում կուսակցությունները» թեմայով:
Ընտրապայքար.արտաքին քաղաքականություն, անվտանգություն եւ Արցախի հիմնախնդիր
03.12.2018
11:00
Դեկտեմբերի 3-ին «Մեդիա կենտրոնում» տեղի ունեցավ քննարկում «Արտաքին քաղաքականություն, անվտանգություն, Արցախ» թեմայով։
Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում
30.11.2018
17:30
Նոյեմբերի 30-ին Ա1 պլյուսի տաղավարում Մեդիա կենտրոնը անցկացրեց բանավեճ «Ընտրապայքար. արտաքին քաղաքականության և ԼՂ հարցի կարգավորման հիմնախնդիրները կուսակցությունների օրակարգում» թեմայով:
Սահմանադրական փոփոխությունների անհրաժեշտություն. քաղացիական հասարակության դիրքորոշումը
29.11.2018
13:00
Նոյեմբերի 29-ին «Մեդիա կենտրոնում» տեղի ունեցավ քննարկում «Սահմանադրական փոփոխությունների անհրաժեշտություն․քաղհասարակության դիրքորոշումը» թեմայով։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Հայաստան-Թուրքիա Միջոցառումներ