«Բնակարանային խնդիրն ադրբեջանահայ փախստականների հիմնական խնդիրն է»
20.03.2014
12:00
«Բնակարանային խնդիրն ադրբեջանահայ փախստականների հիմնական խնդիրն է: Անուշադրության ենք մատնված: Եզրակացրել ենք, որ իշխանությունների կողմից դա միտումնավոր վերաբերմունք է»,- ասաց Բաքվեցի համերկրացիների միության նախագահ Ռոբերտ Խաչատրյանն այսօր՝ «Ադրբեջանահայ փախստականները 26 տարի ժամանակավոր կացարաններում. սոցիալական ու քաղաքական մեկուսացում» թեմայով քննարկմանը:

1994-ից ի վեր ՄԱԿ-ի կողմից 20 մլն դոլար է հատկացվել  փախստականների համար բնակարանների շինարարությանը, 2004-2009թթ. ընթացում էլ պետբյուջեից տարեկան 2-5 մլն դոլար է հատկացվել: Խաչատրյանի կարծիքով՝ այս գումարներն արդյունավետ չեն օգտագործվել և փոշիացվել են կոռուպցիայի հետևանքով:

Լարիսա Ալավերդյանի կարծիքով՝ այդ գումարը քիչ էր Ադրբեջանից բռնի տեղահանվածների խնդիրները լուծելու և նրանց բնակարաններով ապահովելու համար: Նա  ասում է, որ Ադրբեջանից Հայաստան է եկել մոտ 80 հազար փախստական, որոնք հասցրել են իրենց տները փոխանակել, ունեցվածքն էլ չեն կորցրել: Եվս 360 հազար հայ  բռնի է տեղահանվել Ադրբեջանից՝ զրկվելով ողջ ունեցվածքից: Մինչդեռ, ըստ Ալավերդյանի, խոշոր պետություններն անգամ հստակեցրել են, որ 25 հազարից ավել փախստականներ չեն ընդունում, քանի որ ավելի մեծ քանակի դեպքում նրանց խնդիրների լուծումը բարդանում է:

«Սակայն միջազգային պրակտիկայում չկա այնպիսի դեպք, որ փախստականների հարցը 20-25 տարի շարունակ չլուծվի: Պետությունը պետք է խնդրի լուծման համապատասխան ձև գտնի, այն, որ գումարները քիչ են, չպիտի առնչվի փախստականներին»,- հավելում է Ալավերդյանը:

Ալավերդյանը մատնանշում է նաև Հայաստանի և Ադրբեջանի իշխանությունների մոտեցումների տարբերությունը փախստականների հարցերին: Հայաստանում անգամ կառույց չկա, որը կզբաղվի փախստականների հարցերով:

«Մինչդեռ Ադրբեջանում փախստականներով  զբաղվող նախարարը փոխվարչապետի կարգավիճակ ունի: Ադրբեջանը դա դարձրել է իր  քաղաքականության թիվ մեկ խնդիրը: Նաև արել է անհնարինը, կարողացել է իր սուտը դարձնել բոլորին հասու և բոլորի համար համոզիչ»,- ասում է Ալավերդյանը:

Արագած Ախոյանն էլ կարծում է, որ Ադրբեջանահայերի դեպքում թույլ տված սխալներից մեկը ինտեգրացման գործընթացի վատ կազմակերպումն է. «Եթե ադրբեջանահայերի ինտեգրացիայի հարցը լուծվեր, հույսը միայն պետության վրա չէին դնի, ամեն մարդ կփորձեր ինքնուրույն իր խնդրին լուծում գտնել:   Նույն սխալն հիմա արվում է սիրիահայերի առումով: Փորձում են առանձին թաղամաս կառուցել, մեկուսացնել նրանց»:

Ադրբեջանահայերի խնդիրները լուսաբանող քննարկումը,  սակայն, ավարտին չհասցվեց:  Քննարկմանը ներկա ադրբեջանահայ փախստականներն այնքան զայրացած էին տարիներ շարունակ անտեսված ու մոռացված լինելով, որ քննարկումը վերածեցին բողոքի ակցիայի՝ ներկայացնելով իրենց սարսափելի սոցիալական պայմանները: Նրանց բարձրացրած աղմուկի հետևանքով քննարկումը դադարեցվեց:

Մարտի 20-ին Մեդիա կենտրոնում «Հանուն հավասար հնարավորությունների» նախաձեռնության հետ համագործակցությամբ քննարկում էր կազմակերպվել «Ադրբեջանահայ փախստականները 26 տարի ժամանակավոր կացարաններում. Սոցիալական ու քաղաքական մեկուսացում» թեմայով: Բանախոսներն էին պատգամավոր, ԱԺ սոցիալական հարցերի մշտական հանձնաժողովի անդամ Արագած Ախոյանը,  փորձագետ, ԱԺ Մարդու իրավունքների պաշտպանության և հանրային հարցերի մշտական հանձնաժողովի անդամ Մարտին Թադևոսյանը, «Ընդդեմ իրավական կամայականության» ՀԿ ղեկավար Լարիսա Ալավերդյանը և Բաքվեցի համերկրացիների միության նախագահ ՌոբերտԽաչատրյանը:

Տեսանյութ
Print Friendly and PDF
Այլ մամլո հաղորդագրություններ
«Սասնա ծռերի» գործով դատավարությունն ու մեղադրյալների պահման պայմանները. մտահոգություններ և դիտարկումներ
22.01.2018
11:00
Հունվարի 22-ին «Մեդիա կենտրոնում» տեղի ունեցավ քննարկում ««Սասնա ծռերի» գործով դատավարությունն ու մեղադրյալների պահման պայմանները. մտահոգություններ և դիտարկումներ» թեմայով:
«Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ»
19.01.2018
11:00
Հունվարի 19-ին «Մեդիա կենտրոնում» տեղի ունեցավ քննարկում «Ազատազրկվածների պահման պայմանները ՔԿՀ-ներում. չլուծված խնդիրնե՞ ր, թե՞ բարեփոխումներ» թեմայով:
Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք» խմբակցությունը
18.01.2018
11:00
Հունվարի 18-ին «Մեդիա կենտրոնում» տեղի ունեցավ քննարկում «Ընդդեմ թանկացումների. ինչպե՞ս է տեսնում խնդրի հանգուցալուծումը «Ելք»խմբակցությունը» թեմայով:
Արդյո՞ք պետությունը հրաժարվում է իր պարտավորություններից. ՊՆ նախարարի դրամահավաքության կոչը զինծառայողների բուժման համար
17.01.2018
12:00
Հունվարի 13-ին ՀՀ պաշտպանության նախարար Վիգեն Սարգսյանը Ֆեյսբուքի իր էջում գրառում է կատարել դասակի հրամանատարի կողմից զենքի հետ վարվելու կանոնները խախտելու հետևանքով վիրավորված զինծառայող Ալբերտ Դալլաքյանի բուժման ծախսերի վերաբերյալ:
«Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ». հանրային քննարկում
16.01.2018
10:00
Հունվարի 16-ին ԴաբըլԹրի բայ Հիլթոն Երևան հյուրանոցի Միլանո սրահում Բաց հասարակության հիմնադրամներ-Հայաստան կազմակերպությունն իր իրավական ծրագրերի շրջանակներում ստեղծված Արդարադատության խմբի հետ համատեղ անցկացրեց «Քաղաքացիական հասարակության նկատառումները դատական և քրեական օրենսգրքերի նախագծերի վերաբերյալ» հանրային քննարկում:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ