Ուկրաինայում քննարկվում է ՌԴ-ի հետ վիզային ռեժիմի անցնելու հնարավորությունը
20.03.2014
16:11
«Ես չեմ կարող մեկնաբանել Հայաստանի և Ռուսաստանի նախագահների երեկվա խոսակցությունը: Մենք տեղյակ ենք այդ մասին և տեղեկացրել ենք Ուկրաինայի արտաքին գործերի նախարարությանը»,- ասաց Հայաստանում Ուկրաինայի արտակարգ և լիազոր դեսպան Իվան Կուխտան այսօր՝ «Մեդիա կենտրոնում» տեղի ունեցած մամուլի ասուլիսին:

Նրա խոսքով՝ Ուկրաինան չի ընդունում Ղրիմի հանրաքվեն և դրա արդյունքները, քանի որ այդ գործընթացը խախտում է Ուկրաինայի սահմանադրությունը. «Եթե հաշվի առնենք, որ միջազգային դիտորդներ չեն հետևել հանրաքվեին, կարելի է ենթադրել, որ թղթի վրա ցանկացած արդյունք կարող էր ամրագրվել»: 

Դեսպանը նաև նշեց, որ Ուկրաինան խաղաղասեր երկիր է և առաջիկայում ռազմական գործողություններ Ղրիմի նկատմամբ չի պլանավորում: Փոխարենը Ուկրաինան պատրաստ է բանակցությունների սեղանի շուրջ նստել Ռուսաստանի Դաշնության և Ղրիմի ներկայացուցիչների հետ՝ քննարկելու Ինքնավար Հանրապետության լիազորությունների ընդլայնման, ինչպես նաև ռուս փոքրամասնության իրավունքների ապահովման հարցը:

Պարոն Կուխտան  անդրադարձավ ԱՊՀ-ից դուրս գալու Ուկրաինայի որոշմանը՝ նշելով.  «ԱՊՀ  երկրների ԱԳՆ ղեկավարներն այնքան զբաղված են, որ մինչև հիմա դեռ ժամանակ չեն գտել հավաքվելու և քննարկելու Ուկրաինայում ստեղծված իրավիճակը: Կազմակերպությունը, որտեղ հավաքվում են միայն սուրճ և թեյ խմելու համար, որևէ մեկին պետք չէ»:

Նա նաև հայտարարեց, որ Ուկրաինայում քննարկվում է Ռուսաստանի Դաշնության հետ վիզային ռեժիմի անցնելու հնարավորությունը: Սակայն Հայաստանի և Ուկրաինայի միջև կպահպանվի առանց մուտքի արտոնագրի ռեժիմը, որը գործում է ներկայում:

Խոսելով ուկրաինական դեպքերի առնչությամբ Հայաստանի արձագանքից՝ դեսպանն ասաց, որ ամեն երկիր ունի իր դիրքորոշման իրավունքը, և Ուկրաինան ընդունում է դա:

Իսկ հայ-ուկրաինական հարաբերությունները, ըստ Կուխտայի,   բոլոր առումներով լավ մակարդակում են գտնվում և հետագայում էլ շարունակելու են զարգանալ. երկու երկրների հարաբերությունները կարգավորող 70-ից ավելի  փաստաթղեր կան:

Խոսելով Ղարաբաղի հարցում Ուկրաինայի դիրքորոշումից՝ Կուխտան նշեց, որ իրենք պաշտպանում են տվյալ հարցում ԵԱՀԿ Մինսկի խմբի մոտեցումները: Իսկ առանձին անհատների հայտարարությունները, նրա խոսքով, չեն արտացոլում պաշտոնական Կիևի դիրքորոշումը:

Անդրադարձ կատարվեց նաև Ուկրաինայում ազգային փոքրամասնությունների իրավունքներին: Դեսպանը նշեց, որ ինքն էլ կիսով չափ ռուս է և երբևէ իր նկատմամբ ճնշումներ չի զգացել. «Ուկրաինայում ապրող մոտ 20 ազգային փոքրամասնությունների, այդ թվում և 400 հազարի հասնող հայկական համայնքի իրավունքները չեն ոտնահարվում»:

Մարտի 20-ին Մեդիա կենտրոնում տեղի ունեցավ ՀՀ-ում Ուկրաինայի արտակարգ և լիազոր դեսպան Իվան Կուխտայի մամուլի ասուլիսը: Նա ներկայացրեց պաշտոնական Կիևի մոտեցումները Ուկրաինայում ընթացող իրադարձություններին Ղրիմի հանրաքվեից հետո:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ