«Ուկրաինան կգտնի իր տեղը շախմատի տախտակի վրա»
18.03.2014
11:30
«Ես Ղրիմի հանրաքվեն համարում եմ մեծ սոցիոլոգիական հարցում, համարում եմ որոշակի կամքի դրսևորում, բայց ոչ ազատ կամքի: Ես այն չեմ գնահատում որպես հանրաքվե, սակայն լրատվամիջոցները՝ հատկապես ռուսական քարոզչական ԶԼՄ-ները, նաև ամերիկյան, եվրոպական և հայկական լրատվամիջոցները այն համարում են հանրաքվե»,- ասաց Վլադիմիր Հորբաչը՝ Եվրաատլանտյան համագործակցության ինստիտուտի քաղաքական վերլուծաբանը, այսօր «Մեդիա կենտրոնում» տեղի ունեցած քննարկմանը:

Հորբաչի խոսքով՝ տեղի ունեցածը կարելի է ցանկացած կերպ անվանել, բայց ո´չ հանրաքվե, երբ ուկրաինական լրատվամիջոցները դրանից տաս օր առաջ կասեցվել էին Ղրիմում, երբ ընտրացուցակներ չեն հրապարակվել.«Սա փսիխոզի պայմաններում մասսայական սոցհարցում էր»:

Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը համամիտ է, հիշեցնելով, որ 4 ամիս առաջ, երբ Մայդանում ցույցերը բացառապես խաղաղ բնույթ էին կրում, Ղրիմը ցանկություն չէր հայտնում Ռուսաստանին միանալու և իրավիճակը կտրուկ փոխվեց, երբ հանցավոր անցյալ ունեցող անձինք գրավեցին երկրի կարևոր կառույցները. «Սա ավելի «անշլուս» էր, քան հանրաքվե»:

Կովկասի ինստիտուտի փոխտնօրեն Սերգեյ Մինասյանի գնահատմամբ՝ Ղրիմի հանրաքվեն չի համապատասխանում Ուկրաինայի սահմանադրությանը և միջազգային իրավունքին, բայց այդ փաստը որևէ մեկին չի հուզում, քանի որ Մոսկվայի վերահսկողությամբ հանրաքվեն  քաղաքական բնույթ ուներ.  «Աշխարհաքաղաքական շախմատի  ընթացքում կողմերից մեկը խաղը շարունակելու փոխարեն ուղղակի շրջեց շախմատի տախտակը: Կողմերից մեկը ցույց է տվել իր դիրքորոշումը, հիմա խնդիրն այն է, արդյոք այդ դիրքորոշումը կկարողանա փոխել մի շարք իրադրություններ»:

«Արևմուտքը ավելի ակտիվ գտնվեց, քան ես ակնկալում էի: Ուժեղ քայլ էր այն, ինչ կարողացան անել ԵՄ-ն և Գերմանիան: Հաջորդ քայլը ՌԴ-ի նկատմամբ տնտեսական պատժամիջոցներն են. մենք  մոտ ենք պատժամիջոցների երրորդ փուլին»,-նշեց Հորբաչը: 

Նրա կարծիքով՝ Ուկրաինան կգտնի իր տեղը շախմատի տախտակի վրա, Ուկրաինան գիտի, որ ճշմարտությունն իր կողմն է և այս իրադրությունում չի կարող չունենալ միջազգային հանրության աջակցությունը:

«Մեդիա կենտրոնը»  Պատերազմի և խաղաղության լուսաբանման ինստիտուտի հետ համատեղ նախաձեռնել էր քննարկում՝ «Ղրիմի ընտրությունը և ազդեցությունը տարածաշրջանի վրա» թեմայով: Քննարկման բանախոսներն էին. Ռուբեն Մեհրաբյանը՝ Քաղաքական և միջազգային հետազոտությունների հայկական կենտրոնի փորձագետ, Սերգեյ Մինասյանը՝ Կովկասի ինստիտուտի փոխտնօրեն, քաղաքագետ, տեսազանգով Ուկրաինայից միացել էր Վլադիմիր Հորբաչը՝ Եվրաատլանտյան համագործակցության ինստիտուտի քաղաքական վերլուծաբան: 

Տեսանյութ
Print Friendly and PDF
Այլ մամլո հաղորդագրություններ
Խորհրդային անցյալի գնահատման տարբերությունները ներկա ու նախկին վերնախավերի մոտ
18.07.2018
11:00
Քաղաքագետ Էդգար Վարդանյանը «Սպիտակեցումից դեպի դատապարտում. մինչհեղափոխական և հետհեղափոխական իշխող քաղաքական վերնախավի մոտեցումները Հայաստանի սովետական անցյալի նկատմամբ» թեմայով հետազոտության արդյունքում հանգել է այն եզրակացությանը, որ խորհրդային ավտորիտար կառավարման վերաբերյալ ներկա ու նախկին իշխանական վերնախավերը բոլորովին տարբեր վերաբերմունք ունեն։
«Հեղափոխություն՝ մշակույթո՞վ, թե՞ առանց մշակույթի»
17.07.2018
17:00
Հուլիսի 17-ին «Մեդիա կենտրոնում» տեղի ունեցավ քննարկում՝ «Հեղափոխություն՝ մշակույթո՞վ, թե՞ առանց մշակույթի» թեմայով։

«Մենք հայկական կողմից սպասում ենք կոնկրետ առաջարկներ». ՀՀ-ում ԵՄ պատվիրակության ղեկավար Պյոտր Սվիտալսկի
16.07.2018
11:00
«Մենք հայկական կողմից սպասում ենք կոնկրետ առաջարկներ և գաղափարներ, ԵՄ-ն Հայաստանում կառուցողական է տրամադրված». այս մասին հուլիսի 16-ին «Մեդիա կենտրոնում» տեղի ունեցած մամլո ասուլիսի ժամանակ հայտարարեց ՀՀ-ում Եվրոպական միության պատվիրակության ղեկավար, դեսպան Պյոտր Սվիտալսկին:
Նոր «Ընտրական օրենսգիրքը» և հաշմանդամություն ունեցող անձանց իրավունքները
13.07.2018
12:30
Հուլիսի 13-ին Մեդիա կենտրոնում տեղի ունեցավ քննարկում՝ «Ընտրական նոր օրենսգիրքը և հաշմանդամություն ունեցող անձանց իրավունքները» թեմայով:
«Հայաստանյան թավշյա հեղափոխությունը Ֆրանսիայում չափազանց դրական է ընկալվել»․ ՀՀ-ում Ֆրանսիայի դեսպան Ժոնաթան Լաքոտ
12.07.2018
10:30
Հայաստանում գարնանը տեղի ունեցած Թավշյա հեղափոխությանը ֆրանսիայում չափազանց դրական է ընկալվել ու ընդունվել, հատկապես ոգևորիչ էր այն, որ այդ ամենը խաղաղ ու օրինական բնույթ էր կրում․այս մասին հուլիսի 12-ին «Մեդիա կենտրոնում» տեղի ունեցած մամլո ասուլիսի ժամանակ ասաց Հայաստանում Ֆրանսիայի արտակարգ ու լիազոր դեսպան Ժոնաթան Լաքոտը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ