Ֆեյքերը և ԶԼՄ-ների պատասխանատվությունը
14.03.2014
19:15
ԱԺ բոլոր խմբակցությունների պատգամավորների նախաձեռնությամբ շրջանառվում է «Հայաստանի Հանրապետության քաղաքացիական օրենսգրքում լրացումներ կատարելու մասին» ՀՀ օրենքի նախագիծը, որը վերաբերում է ԶԼՄ-ներին: Նախագծի հեղինակները փորձում են սահմանել այն լրատվամիջոցների պատասխանատվությունը, որոնք տարածում են կեղծ օգտատերերի հրապարակումները և մեկնաբանությունները:

Այս նախագծի վերաբերյալ խմբագիրները և փորձագետներն իրենց կարծիքն ու մտահոգություններն են արտահայտել «Օրենքի նախագիծ. ֆեյքերը և ԶԼՄ-ների պատասխանատվությունը» քննարկման ընթացքում:

«Այս օրենսդրական նախաձեռնության անհրաժեշտությունը չկա: Դաշտն առանց այն էլ կարգավորված է, եթե լրատվամիջոցը հրապարակում է զրպարտություն և վիրավորանք, այսօր էլ կարող է պատասխանատվության ենթարկվել, ուրեմն այլևս լրացուցիչ կարգավորման անհրաժեշտություն չկա»,- ասում է Աննա Իսրայելյանը՝ առցանց «Առավոտի» խմբագիրը:

«Աստիճանաբար անհրաժեշտություն է առաջանում լրագրող-մոդերատորներ ունենալու: Եթե լրատվամիջոցն իր վրա պատասխանատվություն է վերցրել մեկնաբանությունների դաշտ ունենալու, ապա մոդերատորներ էլ պետք է ունենա՝ այդ դաշտը կարգավորելու համար: «Մեդիամաքսում» այդպես է, և մարդիկ վիրավորանքներ տարածելիս՝ նախ զգուշացվում են, կրկնելու դեպքում կարող է նրանց մուտքն ուղղակի արգելափակվել»,-նշում էԴավիթ Ալավերդյանը՝ «Մեդիամաքսի» գլխավոր խմբագիրը:

«Կան շատ լրատվական կայքեր, որոնք անհեթեթ գործունեություն են ծավալում, ինչ-որ մեկի ֆեյսբուքյան ստատուսը կարող է դառնալ նորություն և հայտնվել հիմնական լրահոսում, բայց խնդիրն այն է, որ անհայտ օգտատերը՝ ֆեյքը, իրավաբանական կատեգորիա չէ, այդպիսի կատեգորիա չկա, մենք չենք կարող այն օրենսդրական դաշտ բերել», -կարծում է տեղեկատվական անվտանգության փորձագետ Սամվել Մարտիրոսյանը:

«Լրատվամիջոցների ինքնակարգավորումն է միանշանակ ճիշտ ճանապարհը՝ ելնելով էթիկայի նորմերից: Այս օրենքի արդյունավետությունը պետք է հակադրել հանրային շահին: Այս օրինագծում պետք չէ որևէ բան փոխել, մշակել. այն ուղղակի պետք չէ մեզ»,- ասում է մեդիա փորձագետ Արթուր Պապյանը:

«Լուրջ խնդիր չեմ տեսնում, սա ավելի շատ քարոզչական ակցիա է. խնդիր կա ցույց տալու, որ «մենք կարող ենք վերահսկել» ընդհանուր դաշտը: ԱԺ-ն, որ ինքը վիրավորանքների լեգիտիմացնողն է, փորձում է պայքարել այդ վիրավորանքների դեմ»,-ասում էՎարուժան Բաբաջանյանը՝ lurer.com  և mediamall.am կայքերի խմբագիրը:

«Երկրները փորձում են որքան հնարավոր է լայն օրենսդրական նորմերով կարգավորել ինտերնետը, որովհետև շատ արագ զարգացող տիրույթ է, մնացածը թողնել դատարաններին: Ինտերնետը շատ արագ է զարգանում, օրենսդիրը միշտ մեկ քայլ հետ է մնալու: Չարժե լրագրողական ազատությունը զոհել՝ փորձելու կարգավորել ինտերնետային դաշտն օրենսդրական նորմերով»,-կարծում էիրավաբան Արա Ղազարյանը:

Մարտի 14-ին «Մեդիա կենտրոնի» նախաձեռնությամբ «Ա1+» հեռուստաընկերության առցանց ուղիղ հեռարձակմամբ անցկացվեց քննարկում` «Օրենքի նախագիծ. ֆեյքերը և ԶԼՄ-ների պատասխանատվությունը» թեմայով: Քննարկման բանախոսներն էին՝ Արա Ղազարյանը՝ իրավաբան, «Իրավունքի գերակայություն» ՀԿ համահիմնադիր, Աննա Իսրայելյանը՝ առցանց «Առավոտի» խմբագիր,Սամվել Մարտիրոսյանը՝ մեդիա փորձագետ, Դավիթ Ալավերդյանը՝ «Մեդիամաքսի» գլխավոր խմբագիր, Վարուժան Բաբաջանյանը՝ lurer.com  և mediamall.am կայքերի խմբագիր,Արթուր Պապյանը՝ մեդիա փորձագետ

Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ