Մարտի 9-ի ՏԻՄ ընտրությունները քիչ են տարբերվել նախորդ՝ նախագահական եւ ԱԺ ընտրություններից
10.03.2014
12:00
Մարտի 9-ի ՏԻՄ ընտրությունները քիչ են տարբերվել նախորդ՝ նախագահական եւ ԱԺ ընտրություններից. «Քաղաքացի դիտորդ» նախաձեռնության անդամներն այս ընտրություններին եւս բազմաթիվ խախտումներ են արձանագրել:

«Արձանագրվել են կամքի ազատ արտահայտմանը խոչընդոտող խախտումներ, վարչական ռեսուրսի չարաշահման խնդիրներ, օգտագործվել են ավանդական մեթոդներ, ինչպիսիք են՝ օգնողների կամ տարբեր խոստումներով ընտրողներին ընտրության հրավիրելու ինստիտուտը»,- ասում է «Քաղաքացի դիտորդ» նախաձեռնության անդամ Տիգրան Եգորյանը:

Նրա խոսքով՝ մի քանի տեղամասերում եղել են մինչեւ 75 օգնության դեպքեր, երբ օգնողը փոխանակ օգնելու՝ ընտրություն է կատարել ընտրողի փոխարեն:

«Քաղաքացի դիտորդ» նախաձեռնությունն ընդգծում է նաեւ բնակչության պասիվ մասնակցությունը ընտրություններին: «Համայնքի բնակչության 20-30 տոկոսն է մասնակցում ընտրություններին, մնացածը անտարբեր են ընտրական պրոցեսների նկատմամբ»,- նշեց Տիգրան Եգորյան:

Այս ցուցանիշը նախաձեռնության անդամները պայմանավորում են ինքնակառավարման մարմինների մասին սխալ պատկերացմամբ:

«Համայնքներում տեղական ինքնակառավարման ընկալումը չափազանց թերի է: Շատերը տեղական իշխանություն ասելիս հասկանում են համայնքապետին, որը մարզպետի ենթական է: Համայնքի բնակիչները պատրաստ չեն իրենց համայնքային խնդիրները քննարկել, համայնքապետից հաշիվ պահանջել»,- ասում է Լեւոն Բարսեղյանը:

Նախաձեռնության անդամ Լենա Նազարյանի խոսքով՝ բնակիչները տեղյակ չեն համայնքի բյուջեից, ծախսից, թեկնածուներից, առաջադրվելու իրավունքից:

«Մարդիկ շատ աղոտ էին պատկերացնում տեղական ինքնակառավարման իմաստը եւ բացարձակ չէին մասնակցում տեղական ինքնակառավարմանը»,- ասում է նա:

Իրազեկության բարձրացման նպատակով նախաձեռնության անդամներն ընտրություններից առաջ 13 համայնքներում հանդիպումներ են կազմակերպել 270 բնակիչների հետ: Հանդիպումների ընթացքում ներկայացրել են տեղական ինքնակառավարման նպատակը, համայնքի ղեկավարի լիազորություններն ու պարտականությունները:

Ընտրություններում ընդդիմության պասիվությունը, մասնավորապես ՀԱԿ-ի՝ ընտրություններին չմասնակելը նախաձեռնության անդամ Արթուր Սաքունցը պայմանավորում է քաղաքական ուժերի՝ ՏԻՄ խնդիրները քաղաքական օրակարգի հարց չհամարելը:

Լեւոն Բարսեղյանն ընդդիմության մասնակցությունը ՏՒՄ ընտրություններին պարտադիր է համարում:

 «Ընդդիմությունը պարտավոր է մասնակցել բոլոր մակարդակի ընտրություններին, ինչքան էլ հիասթափված լինի: Չմասնակցելն ինձ համար անընդունելի է քաղաքական պայքարի տեսանկյունից»,-  կարծում է նա:

«Քաղաքացի դիտորդ» նախաձեռնությունն այժմ մշակում է Ընտրական օրենսգրքում փոփոխություններ կատարելու առաջարկություններ, որոնք հնարավորություն կտան ընտրական գործընթացն ավելի թափանցիկ դարձնել:

Մարտի 10-ին «Մեդիա կենտրոնում» «Քաղաքացի դիտորդ»  նախաձեռնության անդամները ներկայացրեցին իրենց դիտարկումները մարտի 9-ի ՏԻՄ ընտրությունների վերաբերյալ: Բանախոսներն էին՝ Լենա Նազարյանը (Թրանսփարենսի ինթերնեշնլ հակակոռուպցիոն կենտրոն), Տիգրան Եգորյանը (Իրավունքի Եվրոպա միավորում ՀԿ), տեսազանգով միացել էին նաև Արթուր Սաքունցը (Հելսինկյան քաղաքացիական ասամբլեայի Վանաձորի գրասենյակ) և Լևոն Բարսեղյանը (Ժուռնալիստների «Ասպարեզ» ակումբ):

«Քաղաքացի դիտորդ»  նախաձեռնությունը ներառում է չորս կազմակերպություններ՝Թրանսփարենսի ինթերնեշնլ հակակոռուպցիոն կենտրոն, Իրավունքի Եվրոպա միավորում ՀԿ, Հելսինկյան քաղաքացիական ասամբլեայի Վանաձորի գրասենյակ և Ժուռնալիստների «Ասպարեզ» ակումբ:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ