«Ամոթ չէ պայքարել քո իրավունքների պաշտպանության համար»
07.03.2014
11:00
Կանանց միամսյակը մեկնարկում է քայլերթով և կավարտվի հայրիկների երթով.«Ֆեմինիստ պլատֆորմը» մի շարք միջոցառումներ է նախաձեռնել:

Կանանց իրավունքների պաշտպանության միջազգային օրը՝ մարտի 8-ին, 13:00, քայլերթը կսկվի Իսահակյանի արձանի մոտից և կավարտվի Ազատության հրապարակում: Այս տարի միամսյա միջոցառումներն ունեն «Ամոթ չէ պայքարել քո իրավունքների պաշտպանության համար» խորագիրը:

«Միամսյակի խորագրով՝ մենք պայքարում և բոյկոտում ենք «ամոթ է» երևույթի դեմ, ուզում ենք կոտրել կարծրատիպեր, երբ ինչ տեղի ունենա՝ մտածում ենք ամոթ է բարձրաձայնել բռնության մասին և այլն: «Ամոթ է» գաղափարը խոչընդոտում է կանանց՝ պաշտպանելու իրենց իրավունքները»,-ասաց Էլվիրա Մելիքսեթյանը՝«Կանանց ռեսուրսային կենտրոն» ՀԿ-ի հասարակության հետ կապերի պատասխանատուն:

«Կանանց աջակցման կենտրոն» ՀԿ-ի ներկայացուցիչ Պերճուհի Կաժոյանը նշեց, որ կանանց իրավունքների ոտնահարումները կարելի է առանձնացնել մի քանի խմբի՝ ընտանեկան բռնություն, սեռական ոտնձգություններ և աշխատանքային ոչ հավասար պայմաններ:  

«Նախկինում ավելի քաղաքական բնույթ կրող այս տոնը այժմ վերածվել է տղամարդկանց համար հարմար առիթի՝ իրենց սերն ու հարգանքը ցուցաբերելու: Մարտի 8-ը ոչ միայն կանանց շնորհավորելու, այլ նաև նրանց իրավունքների պաշտպանության խնդիրը ևս մեկ անգամ բարձրաձայնելու առիթ է»,- ընդգծեց Սիրան Հովհաննիսյանը՝ ԵՊՀ գենդերային հետազոտությունների և առաջնորդության կենտրոնի արտաքին և հասարակության հետ կապերի պատասխանատուն:

«Ֆեմինիստ պլատֆորմը» ընդգրկում է Հայաստանում կանանց իրավունքների պաշտպանությամբ զբաղվող կազմակերպություններ, կենտրոններ:

Մարտի 7-ին «Մեդիա կենտրոնում»  ազդարարվեց «Ամոթ չէ պայքարել քո իրավունքների պաշտպանության համար» մեկամսյա միջոցառումների շարքը: Բանախոսներն էին՝Սիրան Հովհաննիսյանը՝ ԵՊՀ գենդերային հետազոտությունների և առաջնորդության կենտրոն, արտաքին և հասարակության հետ կապերի պատասխանատուն, Էլվիրա Մելիքսեթյանը՝ «Կանանց ռեսուրսային կենտրոն» ՀԿ , Հասարակության հետ կապերի պատասխանատուն, Պերճուհի Կաժոյանը՝ «Կանանց աջակցման կենտրոն» ՀԿ, արտաքին կապերի պատասխանատուն:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ