«Կանայք Հայաստանում զբաղեցնում են այն ոլորտները, որոնք համարվում են երկրորդական սեկտոր»
26.02.2014
13:00
«Կանայք Հայաստանում զբաղեցնում են այն ոլորտները, որոնք համարվում են երկրորդական սեկտոր: Վանաձորի կանայք չունեն առաձնահատուկ խնդիրներ՝ Հայաստանի մյուս քաղաքների համեմատությամբ, բայց կա ընդհանուր աշխատազրկություն»,-ասում է Սոֆյա Բաբայանը՝ Վանաձորի պետական մանկավարժական ինստիտուտի Գենդերային հետազոտությունների կենտրոնի ղեկավարը:

Փետրվարի 26-ին Վանաձորի «ՀԿ կենտրոնի» մեծ դահլիճում Մեդիա կենտրոնի նախաձեռնությամբ տեղի ունեցավ «Արտադրված է Դեգենհեմում» ֆիլմի դիտում-քննարկումը:

«Արտադրված է Դեգենհեմում»  ֆիլմը բրիտանական է: Այն պատմում է 1968 թ. ավտոմեքենաների արտադրությամբ հայտնի “Ford Dagenhem” գործարանում կանանց կողմից կազմակերպված գործադուլի մասին, որի միջոցով կանայք պայքարում էին կանանց և տղամարդկանց հավասար աշխատավարձի իրավունքի համար: Գործադուլի հաջողությունը հանգեցրեց 1970թ. հավասար վարձատրության մասին Ակտի կիրառմանը:

Ֆիլմի դիտմանը հաջորդած քննարկման ժամանակ սոցիոլոգ Ալինա Պողոսյանը փաստեց, որ  Հայաստանում գենդերային հարցերի հիմքերն արմատավորված են սովետական շրջանում:

«Երբ գենդերային խնդիրների սրությունը վերանում է, թվացյալ հավասարության տպավորություն է ստեղծվում»,-կարծում է Ալինա Պողոսյանը:

Հաշմանդամություն ունեցող կանանց իրավունքների մասին բարձրաձայնեց Հաշմանդամություն ունեցող անձանց շահերի պաշտպանության ազգային դաշինքի նախագահ Զառա Բաթոյանը՝ նշելով, որ Հայաստանում վերջիններս ավելի խոցելի են:

«Հայաստանում հաշմանդամություն ունեցող կանանց խնդիրներից մեկը կրթության մատչելիությունն է: Իսկ կրթությունն աշխատանք ունենալու երաշխիքներից մեկն է»,- նշեց Զառա Բաթոյան:

Ալինա Պողոսյանի կարծիքով՝ Հայաստանում խնդիրը միայն կանայք չեն, տղամարդիկ ևս սովոր չեն պայքարել իրենց իրավունքների համար.«Խնդիրը միայն գենդերային չէ, այլև սոցիալական»:

Բանախոսների կարծիքով աշխատանքային իրավունքի իրացման  համար մեծ դեր կարող են ունենալ արհմիությունները: «Լուծումներից մեկը արհմիությունների գոյությունն է, որոնք Հայաստանում այնքան էլ արդյունավետ չեն գործում»,- փաստեց Զառա Բաթոյանը:

Փետրվարի 26-ին «Մեդիա կենտրոնի» նախաձեռնությամբ Վանաձորի ՀԿ կենտրոնում ցուցադրվեց «Արտադրված է Դագենհեմում» ֆիլմը: Ցուցադրությանը հաջորդածքննարկման բանախոսներն էին Սոֆյա Բաբայանը՝ Վանաձորի պետական մանկավարժական ինստիտուտի Գենդերային հետազոտությունների կենտրոնի ղեկավար, Զառա Բաթոյանը՝ Հաշմանդամություն ունեցող անձանց շահերի պաշտպանության ազգային դաշինքի նախագահ, Ալինա Պողոսյանը՝ սոցիոլոգ, ազգագրագետ, Հնագիտության և  ազգագրության ինստիտուտի գիտաշխատող:

Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ