«Ոչ մի պատերազմ էլ չի լինի Ղրիմում»
04.03.2014
11:00
«Ոչ մի պատերազմ էլ չի լինի Ղրիմում. ակնհայտ էր, որ Ռուսաստանն իր խաղն է ունենալու, որի մի մասն էլ կազմելու է Ղրիմը: Ռուսաստանը նախապես թելադրում է իր նախապատվությունները, մինչ կոնֆլիկտի լուծումը »,-կարծում է Ալեքսանդր Իսկանդարյանը՝ Կովկասի ինստիտուտի տնօրենը:

«Համաձայնություն» կենտրոնի ղեկավար Դավիթ Շահնազարյանը վստահ է, որ Ռուսաստանը պատերազմի պատրվակ էր փնտրում. «Ուկրաինայի ներկայիս լեգիտի´մ ղեկավարությունը բավական խելամիտ է իրեն պահում և ամեն ինչ անում է, որպեսզի բախում չլինի Ուկրաինայի զինվորականների և Ռուսաստանի զավթիչների միջև: Ռուսաստանը մինչև այսօր առավոտ փնտրում էր պատերազմի պատրվակ, որը տեղի չունեցավ»:

Շահնազարյանի կարծիքով՝ հիմա կոնֆիդենցիալ մակարդակով ինտենսիվ երկխոսություն է գնում Ռուսաստանի և Արևմուտքի, Ռուսաստանի և ԱՄՆ միջև. «Ամեն ինչ կախված է նրանից, թե մոտ ապագայում ինչ համաձայնության կգան: Ռուսաստանն, ըստ էության, փորձ է անում ձևավորել նոր աշխարհակարգ»:

Այն, որ պաշտոնական Երևանը որևէ կերպ չի մեկնաբանում Ուկրաինայում տեղի ունեցող իրադարձությունները, բանախոսների կարծիքով՝ ճիշտ դիրքորոշում է. ինչպիսի Ուկրաինա էլ ձևավորվի, Հայաստանը շարունակելու է փոխհամագործակցությունը: «Թող շարունակենք պահպանել այսպիսի լռություն»,-ասում է քաղաքագետ Ալեքսանդր Իսկանդարյանը:

Ուկրաինայում տեղի ունեցող իրադարձություններն առանց ազդեցության չեն թողել նաև  Կովկասը. « Ազդեցություն, իհարկե, կա: Հետևելով ադրբեջանական հրապարակումներին հասկանում ես՝ սկզբում Ադրբեջանը էյֆորիայի մեջ էր, հիմա էլ խուճապ է, - ասում է Իսկանդարյանը,- պարզապես պետք է հասկանանք նաև, որ Հարավային Կովկասն այն նշանակությունը չունի Ռուսաստանի համար, ինչ Ուկրաինան, չպետք է գերագնահատել Կովկասի դերը:

Շահնազարյանի կարծիքով՝մեր տարածաշրջանում կարևորագույն խնդիր է Վրաստանը, և Ռուսաստանը փորձելու է լուծել այս հարցը. «Իսկ Ուկրաինայում քիչ թե շատ իրավիճակը հանգստացնելուց հետո, Ռուսաստանն իր քաղաքականությունը շարունակելու է որոշակի իրականացնել Լեռնային Ղարաբաղի  խնդրի հարցով: Եւ որ Ռուսաստանի համար ամենակարևոր խնդիրներից մեկն է մեր տարածաշրջանում՝ Իրան-Արևմուտք երկխոսությունն ու զարգացումներն են, որին Ռուսաստանն ամեն կերպ փորձելու է խոչընդոտել»:

Մարտի 4-ին«Մեդիա կենտրոնում» անցկացվեց քննարկում՝ «Ուկրաինա. զարգացումները Ղրիմում» թեմայով:Քննարկման բանախոսներն էին Կովկասի ինստիտուտի տնօրեն Ալեքսանդր Իսկանդարյանը և «Համաձայնություն» կենտրոնի ղեկավար Դավիթ Շահնազարյանը:

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ