«Մինաս և Նարեկ Ավետիսյան. մոդեռնը և ավանգարդը Հայաստանում» ցուցահանդես Գերմանիայում
28.02.2014
12:00
Մորիցբուրգ արվեստի թանգարանում կշարունակվի Մինաս և Նարեկ Ավետիսյանների ստեղծագործությունների ցուցադրությունը մինչև մայիսի 4-ը:
«2013թ. լրացավ արվեստագետ Մինաս Ավետիսյանի 85-ամյակը, և «Մշակույթների երկխոսություն» հիմնադրամը հետամուտ եղավ, որպեսզի արվեստագետի հոբելյանական ցուցահանդեսը տեղի ունենա Հայաստանի սահմաններից դուրս»,-ասաց «Մշակույթների երկխոսություն» հիմնադրամի նախագահ Սոնա Հարությունյանը «Մեդիա կենտրոնում» տեղի ունեցած ասուլիսին:

«Մշակույթների երկխոսություն» հիմնադրամը Գերմանիայի Սաքսոնիա-Անհալթ երկրամասի և Մորիցբուրգ արվեստի թանգարանի հետ համագործակցությամբ 2014թ. փետրվարի 20-ին Մորիցբուրգի Արվեստի թանգարանում ներկայացրեց «Մինաս և Նարեկ Ավետիսյան. մոդեռնը և ավանգարդը Հայաստանում» լայնածավալ ցուցահանդեսը, որով էլ տրվեց թանգարանի՝ 2014 թվականի ցուցահանդեսների և միջոցառումների մեկնարկը: Ցուցահանդեսին ներկայացված են Մինաս Ավետիսյանի 19 (Հայաստանի Ազգային պատկերասրահի, Մինաս Ավետիսյանի ընտանիքի, Ռուսական արվեստի թանգարանի և Մայր Աթոռ Սուրբ Էջմիածնի հավաքածուներից) և որդու՝ Նարեկ Ավետիսյանի 9 ստեղծագործություններ: Պատրաստվել է եռալեզու պատկերագիրք, որի հոդվածները հեղինակել են գերմանացի արվեստաբանները, ինչը կարևոր է հայկական կերպարվեստի հանրահռչակման համար:

«Մինաս Ավետիսյանի և իմ գործերի միջոցով փորձեցին տեսնել հայկական մոդեռնիզմի և հետխորհդրային շրջանի արդի արվեստի պատկերացումները: Շատ կարևոր և պատասխանատու փաստ էր տեսնել մեր գործերը գերմանացի էքսպրեսիոնիստների աշխատանքների կողքին, ինչը թույլ տվեց  տեսնել տարբերությունները, կապը, հասկանալ մեր ինքնությունը և նշանակությունը ժամանակակից արվեստում»,- նշեց արվեստագետ Նարեկ Ավետիսյանը:

Ցուցահանդեսի իրականացման համար ՀՀ մշակույթի նախարարությունը հոգացել էր Մինաս Ավետիսյանի գործերի տեղափոխության և ապահովագրության ծախսերը:

Չնայած Սոնա Հարությունյանի կարծիքով Հայաստանի ժամանակակից արվեստի դաշտում մշակութային քաղաքականություն գոյություն չունի, քանի որ չկա թիրախային ուղղվածություն, որպես ձեռքբերում նա կարևորեց Հայաստանի և Սաքսոնիա-Անհալթի երկրամասի մշակույթի նախարարների միջև մտադրության հայտարարության կնքումը, որով երկու նախարարները հայտարարեցին մշակութային և կրթական ոլորտում ինտենսիվ համագործակցության մասին:

«Գերմանիայի Մորիցբուրգի արվեստի թանգարանի տնօրինությունը հնչեցրեց այն փաստը, որ առաջին անգամ իրենց թանգարանի պատմության ընթացքում հայկական ժամանակակից արվեստ է ցուցադրվում, որն ընդգրկված չէ Հայաստանին վերաբերող զբոսաշրջային կամ այլևայլ ծրագրերում, այլ նախատեսված է գերմանացի արվեստասեր հանդիսատեսի համար»,- կարևորեց Սոնա Հարությունյանը:

Նարեկ Ավետիսյանի կարծիքով՝ ժամանակակից արվեստը Հայաստանում մեծ ռեֆորմացիայի կարիք ունի, և իր նպատակն էր ցուցահանդեսով ցույց տալ ոչ թե լճացում, այլ առաջընթաց. եվրոպացի հանդիսատեսը ցանկանում է տեսնել տարբերություն՝ ժամանակակից խոսք, որը չի լինի անդեմ:

Փետրվարի 28-ին «Մեդիա կենտրոնում» տեղի ունեցավասուլիս, որի ընթացքում ներկայացվեց 2014թ.-ի փետրվարի 20-ին Գերմանիայի Մորիցբուրգի արվեստի թանգարանում կայացած «Մինաս և Նարեկ Ավետիսյան. մոդեռնը և ավանգարդը Հայաստանում» լայնածավալ ցուցահանդեսը:Ասուլիսի բանախոսներնէին արվեստագետ Նարեկ Ավետիսյանը և  «Մշակույթների երկխոսություն» հիմնադրամի նախագահ Սոնա Հարությունյանը:

 

Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ