Ինչո՞ ւ չի բացահայտվում մարտի 1-ի հանցագործությունը
28.02.2014
17:00
«Ինչո՞ւ չի բացահայտվում մարտի 1-ի հանցագործությունը» թեմայով բանավեճը վերափոխվեց քննարկման: Բանավեճին հրավիրված ՀՀԿ պատգամավորներ Մարգարիտ Եսայանը եւ Մկրտիչ Մինասյանը վերջին պահին հրաժարվեցին մասնակցությունից: Քննարկումն անցկացվեց ՀԱԿ պատգամավոր Արամ Մանուկյանի, փաստաբան Սեդա Սաֆարյանի եւ իրավապաշտպան Վարդան Հարությունյան միջեւ:

ԱԺ ՀԱԿ խմբակցության քարտուղար Արամ Մանուկյանի խոսքով՝ մարտի 1-ի հանցագործությունը կբացահայտվի միայն իշխանափոխությունից հետո:

«Գործող իշխանությունը մեղավոր է եւ երբեք չի կտրի այն ճյուղը, որի վրա նստած է: Իշխանությունը ոչ միայն արել է [մարտի 1-ը], այլեւ կոծկելու, պարտակելու ամբողջ պարտականությունն իր վրա է»,- ասում է նա:

Մարտի 1-ի գործով լուծարված փաստահավաք խմբի անդամ Սեդա Սաֆարյանը կարծում է, որ այս հանցագործության չբացահայտումն իշխանությունների ցանկության բացակայության հետևանք է:

«Ես համակարծիք եմ, որ ինչքան հեռանում ենք մարտի 1-ից, այնքան դժվարանում է մարտի 1-ի բացահայտումը, բայց նաեւ մեկ այլ տեսակետ ունեմ, որ մարտի 1-ն ի սկզբանե բացահայտված է: Փաստահավաք խումբը բազմաթիվ հարցերի գնահատականը տվել է, եւ այդ գնահատականով ամեն ինչ ասվել է»,- ասում է նա:

«Իրավունքի եւ ազատության կենտրոն»  ՀԿ ղեկավար Վարդան Հարությունյանը գտնում է, որ հանցագործությունը բացահայտված է, այլ բան է, որ մեղավորները պատժված չեն:

«Մարտի 1-ի գործը ոչ միայն բացահայտված է, անգամ մեղավորները դատապարտված են: Այն, որ նրանք վախենում են գալ, կանգնել ինձ հետ՝ տեսախցիկների առաջ, եւ խոսել մարտի 1-ից, արդեն դատապարտում է: Նրանք դատապարտված են անընդհատ փախչել տեսախցիկներից, հրապարակայնությունից, այստեղ կագնածներիցս եւ լրագրողներից»,- ասում է նա:

ՀԱԿ խմբակցության քարտուղար Արամ Մանուկյանի խոսքով՝ եթե իշխանությունները ցանկություն հայտնեն բացահայտել մարտի 1-ի հանցագործությունը, հազարավոր մարդիկ կհավաքվեն վկայություն տալու:

«Մարդիկ վախենում են ցուցմունք տալուց, որովհետեւ գիտեն՝ ում են ցուցմունք տալու՝ ով կազմակերպել է այդ գործը»,- ասում է ՀԱԿ պատգամավորը:

Արամ Մանուկյանը վստահ է, որ կգա ժամանակ, եւ ՀՀԿ պատգամավորները կմիանան ընդդիմությանը՝ բացահայտելու մարտի 1-ի հանցագործությունը:

«Եթե ինչ-որ մեկը հրաման է տվել, ինչ-որ մեկը կրակել է, դա չի նշանակում, որ խորհրդարանում նստած բոլոր պատգամավորներն անմիջական մասնակցություն ունեն: Ով մեղքի զգացում ունի, ով ճշմարտությունը բացահայտելու ցանկություն ունի, քայլ է անելու դեպի այս կողմ»,- կարծում է նա:

Սեդա Սաֆարյանը գտնում է, որ քաղաքական երկու կողմերն էլ պետք է պատասխանատվություն կրեն մարտի 1-ի համար:

«Ես միշտ ուզեցել եմ, որ ճշմարտությունը բացահայտվի՝ անկախ նրանից, թե որ թեւից ով կբացահայտվի»,- ասում է նա:

Փաստաբանի խոսքով՝ ինքը «թեւերը չի փռի պաշտպանելու», եթե բացահայտվի, որ ՀԱԿ-ից էլ են եղել անձինք, ովքեր ջարդերով են զբաղվել:

«Փառքն էլ է առաջնորդինը, պատասխանատվությունն էլ է հետո դառնում առաջնորդի խնդիրը: Եթե մարտի 1-ը բացահայտվեր, մենք կիմանայինք, թե ընդդիմության սխալը որն է եղել, իշխանության սխալը՝ որը»,- ասում է նա:

ԱԺ-ում մարտի 1-ի հարցով ժամանակավոր հանձնաժողովի ստեղծման հետ փաստաբանը մեծ հույսեր չի կապում:

«Եթե փաստահավաք խումբը կազմելու ժամանակ, երբ կար անգամ միջազգային կառույցների զգոնությունը, քիչ բանի ենք հասել, այսօր պիտի այլ ճանապարհով գնանք:  Այսօր հանձնաժողովի ստեղծելը ողջունում եմ այն առումով, որ չեմ ուզում այդ արյունը մոռացվի, ուզում եմ, որ մարդիկ գոնե մխիթարվեն՝ իրենց երեխաներին սպանողին հայտնաբերելով եւ պատժելով»,- ասում է Սեդա Սաֆարյանը:

Իրավապաշտպան Վարդան Հարությունյան նույնպես չի կարծում, որ խորհրդարանական նոր հանձնաժողովը մեծ հաջողություններ կարող է գրանցել, բայց վստահ է, որ արյունը չի կարող մոռացվել, եթե նույնիսկ տարիներ շարունակ լռության մատնվի:

Երեք բանախոսներն էլ վստահ են, որ թեեւ դժվարությամբ, բայց կհասնեն մարտի 1-ի հանցագործության բացահայտմանը:

Փետրվարի 28-ին «Մեդիա կենտրոնը» նախաձեռնել էր քննարկում «Ինչո՞ւ չի բացահայտվում մարտի 1-ի հանցագործությունը» թեմայով: Բանախոսներն էին՝ Արամ Մանուկյան՝ ԱԺ ՀԱԿ խմբակցության քարտուղար, Սեդա Սաֆարյան՝ Մարտի 1-ի գործով լուծարված փաստահավաք խմբի անդամ, Վարդան Հարությունյան՝ «Իրավունքի եւ ազատության կենտրոն» ՀԿ ղեկավար:

Քննարկմանն իրենց մասնակցությունն էին հաստատել նաև ԱԺ ՀՀԿ խմբակցության անդամներ Մկրտիչ Մինասյանը և Մարգարիտ Եսայանը, սակայն նրանք վերջին պահին հրաժարվեցին մասկացել:

Տեսանյութ
Print Friendly and PDF
Այլ մամլո հաղորդագրություններ
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Դեկտեմբերի 12-ը Առողջապահության համընդհանուր հասանելիության համաշխարհային օրն է: Այս օրվան նվիրված «Մեդիա կենտրոնում» տեղի ունեցավ մամլո ասուլիս «Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ» թեմայով:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
Դեկտեմբերի 11-ին «Մեդիա կենտրոնում» տեղի ունեցավ ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչիի մամլո ասուլիսը «Հայ-ճապոնական հարաբերություններ. համագործակցության նոր հեռանկարներ և հնարավորություններ» թեմայով:
«Հայաստանի էներգետիկ ոլորտի հիմնախնդիրները. զուգահեռներ Վրաստանի հետ»
08.12.2017
13:00
Հայաստանի էներգետիկ համակարգում ամենազգալի խնդիրներից է սպառողի համար գազի գնի ոչ թափանցիկ ու անտրամաբանական ձեւավորումը: Պաշտոնապես Ռուսաստանը ՀՀ-ին գազը վաճառում է 1000 խորհանարդ մետրի դիմաց 150 դոլարով, բայց վերջնական սպառողը վճարում է գերթե երկու անգամ թանկ՝ 290 դոլար: