«Անկարելին՝ կարելի. նախատիպի որոնում» ֆիլմը՝ Գյումրիում
25.02.2014
16:00
«Սամիզդատը, ազատության հետևանք լինելով, հետագայում նաև դարձավ ազատության պատճառ. եթե չլիներ սամիզդատի շարժումը, շատ հնարավոր է` սովետական լճացած պետությունը մինչև այսօր էլ գոյություն ունենար»,- կարծում է «Անկարելին՝ կարելի. նախատիպի որոնում» ֆիլմի հեղինակ Տիգրան Պասկևիչյանը:
Ֆիլմի առանցքում Խորհրդային միությունում գոյություն ունեցած «սամիզդատ» (հայերեն՝ ինքնահրատ) երևույթն է՝ ընդհատակում տպագրվող ու տարածվող գրական և տեղեկատվական այն շերտը, որը պաշտոնապես որակվում էր որպես «հակասովետական»:

Փետրվարի 25-ին «Մեդիա կենտրոնի» նախաձեռնությամբ Գյումրիի Ժուռնալիստների «Ասպարեզ» ակումբում տեղի ունեցած «Անկարելին՝ կարելի. նախատիպի որոնում» վավերագրական ֆիլմի ցուցադրությանը հաջորդած քննարկման ժամանակ Տիգրան Պասկևիչյանը նշեց, որ սկզբում իր համար կարևոր էր ֆիլմում զուգահեռներ անցկացնել արդի տեխնոլոգիաների և սամիզդատի միջև, բայց ֆիլմի պատրաստման ընթացքում Հայաստանում Մաքսային միությանը միանալու հետ կապված նաև քաղաքական իրավիճակ փոխվեց: Ֆիլմն ինչ-որ առումով նախազգուշացում դարձավ` մտածելու, թե ուր ենք գնում, իսկ միանալուց` ինչին ենք միանում, քանի որ Ռուսաստանն այն երկիրն է, որ ընդամենը 30-40 տարի առաջ մարդկանց պատժում էր` ընդամենը կարծիք արտահայտելու համար: Եվ այսօր էլ Ռուստաստանում նկատվում են նույն միտումները` բլոգերների դեմ արշավներ, պատմության վերանայման հարցեր և այլն, և մենք էլ պետք է հասկանանք` ինչ ենք ընտրում: 

Սամիզդատը, ըստ Տիգրան Պասկևիչյանի, իր հիմնական սկզբունքներով և տարածման ձևով շատ նման է համացանցի կառուցվածքին. երկու տիրույթներում էլ մարդն ինքն է ընտրում` ինչ կարդալ. «Ժամանակի ընթացքում համացանցում կլինեն որոշակի տարանջատումներ և զտումներ, որոնք մարդկանց հնարավորութուն կտան չմտնել աղբի մեջ` մարգարիտներ որոնելու համար, մարգարիտներն առանձին կլինեն, աղբը` առանձին»:

Սամիզդատը միավորում էր շատ տարբեր հայացքների տեր մարդկանց, Հայաստանի պարագայում խորհրդային տարիներին մարդկանց միավորում էր Հայաստանի անկախության, բնության պահպանության, լեզվի պահպանության հարցերը:

Պասկևիչյանի կարծիքով` քանի դեռ Հայաստանում համացանցը կայուն է, սամիզդատի պահանջ չի առաջանա. «2008 թ. շարժման ժամանակ, երբ Հայաստանում համացանցի օգտատերերի թիվը փոքր էր, մարդիկ DVD-երով տարածում էին ելույթներ և ֆիլմեր, ինչը նույն սամիզդատ երևույթն էր: Եթե հանկարծ, աստված ոչ անի, մեկը որոշի անջատել համացանցը, նորից սամիզդատի կարիք կառաջանա, ես էլ կսկսեմ ինչ-որ բաներ տարածել»:

Տիգրան Պասկևիչյանը վստահ է, որ հաղթանակ է ապահովում տարբերությունը, իսկ սամիզդատում հաղթական երանգ կար. «Բոլորն ունեն այսօր ազատ արտահայտվելու հնարավորություն, և, ցավոք սրտի, շատ քչերի խոսքն այսօր ունի ոճաբանական տարբերություններ, շատ հաճախ տեսնում ես սոցիալական ցանցերում, որ իշխանությունն էլ, ընդդիմության համակիրներն էլ խոսում են նույն ոճաբանությամբ, նույն հռետորաբանությամբ, նույն բառապաշարով, մարդիկ, թերևս, չեն գիտակցում, որ հաղթանակը լինելու է տարբերությամբ, ոչ թե` ով ավելի բարձր կգոռա»:

Փետրվարի 25-ին «Մեդիա կենտրոնի» նախաձեռնությամբ Գյումրիի Ժուռնալիստների «Ասպարեզ» ակումբում տեղի ունեցավ «Անկարելին՝կարելի. նախատիպի որոնում» վավերագրական ֆիլմի ցուցադրությունը: Ցուցադրությանը հաջորդած քննարկման բանախոսն էր ֆիլմի ռեժիսոր, գրող, հրապարակախոս Տիգրան Պասկևիչյանը: 

Տեսանյութ
Print Friendly and PDF
Այլ մամլո հաղորդագրություններ
Հեռարձակվող ԶԼՄ-ների գործունեության և մեդիա ոլորտում բարեփախումների անհրաժեշտություն. Առաջարկներ ուղղված նոր կառավարությանը
21.05.2018
13:00
Հեռարձակվող ԶԼՄ-ների գործունեության և մեդիա ոլորտում բարեփոխումների անհրաժեշտության վերաբերյալ մայիսի 21-ին Մեդիա կենտրոնում տեղի ունեցավ քննարկում, որին մասնակցում էին Երևանի մամուլի ակումբի նախագահ Բորիս Նավասարդյանը, Խոսքի ազատության պաշտպանության կոմիտեի նախագահ Աշոտ Մելիքյանը և ՀՀ Հեռուստատեսության և ռադիոյի հանձնաժողովի անդամ Արմեն Մկրտչյանը:
«Այլընտրանքային հանրակրթության աջակիցների միության» ստեղծման ազդարարում
21.05.2018
12:00
Մայիսի 21-ին «Մեդիա Կենտրոնում» տեղի ունեցավ ասուլիս, որի ընթացքում ՀՀ կրթական ոլորտի ներկայացուցիչները ազդարարեցին «Այլընտրանքային հանրակրթության աջակիցների միության» ստեղծման մասին, կներկայացնեն ձևավորված միության կազմը, նպատակներն ու գործառույթները։
Թավշյա հեղափոխություն. մշակութաբանական փոփոխություններ
18.05.2018
11:00
Մշակութաբանական ի՞նչ փոփոխություններ են ակնկալվում թավշյա հեղափոխությունից: Ինչպե՞ս կառուցել ժողովրդին ծառայելու այլ մոդել, ինչպե՞ս պաշտոնյա-քաղաքացի հարաբերությունները պարզեցնել, ստեղծել կառավարման մարդակենտրոն քաղաքականություն։ Ի՞նչ փոփոխություններ են անհրաժեշտ հասարակության մեջ վարքագծային փոփոխությունների հասնելու համար:
Հոմոֆոբիայի դեմ պայքարի միջազգային օր. ԼԳԲՏԻ անձանց իրավունքների պաշտպանությունը Հայաստանում
17.05.2018
12:00
ԼԳԲՏԻՔ անձանց իրավունքների պաշտպանությամբ զբաղվող փաստաբանները հույս են հայտնում, որ քաղաքական իրավիճակի փոփոխությամբ թե դատավորները, թե փաստաբանները, թե դատախազները իրենց աշխատանքի վայրում այսուհետ կղեկավարվեն մարդու իրավունքների պաշտպանության սկզբունքով:
«Կառավարության երկարաժամկետ ու կարճաժամկետ անելիքները տնտեսության մեջ»
17.05.2018
11:00
Մայիսի 17-ին «Մեդիա կենտրոնում» տեղի ունեցավ քննարկում «Կառավարության երկարաժամկետ ու կարճաժամկետ անելիքները տնտեսության մեջ» թեմայով: Քննարկման բանախոս տնտեսագետ Արտակ Մանուկյանը նշեց, որ քաղաքական կամքի առկայության դեպքում հնարավոր է կարճ ժամանակահատվածում լուրջ հաջողություններ գրանցել։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ