«Տեղեկատվության ազատության մասին օրենքը Հայաստանում լիարժեք չի գործում»
21.02.2014
11:00
«Հայաստանը տեղեկատվության ազատության զարգացման ուղղությամբ իր պարտավորությունները դեռ մասամբ է կատարել»,-կարծում է Խոսքի ազատության պաշտպանության կոմիտեի նախագահ Աշոտ Մելիքյանը:
2011թ Հայաստանը միացել է «Բաց կառավարման գործընկերություն» (Open Government Partnership) միջազգային նախաձեռնությանը և ստանձնել մի շարք բարեփոխումների կատարման պարտավորություն: Խոսքի ազատության պաշտպանության կոմիտեն 2013թ. իրականացրել է տեղեկատվության ազատության զարգացման ուղղությամբ Հայաստանի ստանձնած պարտավորությունների կատարման մոնիտորինգ։  

Աշոտ Մելիքյանը նշեց, որ այդ ուղղությամբ Հայաստանի ստանձնած պարտավորությունները երեքն են եղել՝ երկրի բարձրաստիճան պաշտոնատար անձանց եկամուտների հայտարարագրերի թափանցիկության ապահովում, ՀՀ պետական մարմինների պաշտոնական կայքերի բովանդակության ստանդարտացում և տեղեկատվության մատչելիության վերաբերյալ պետական ծառայողների գիտելիքների ու հմտությունների զարգացում:

«Բարձրաստիճան պաշտոնատար անձանց հայտարարագրերի թափանցիկության ապահովման հիմնական գործիքը կա՝ ethics.am, բայց լուրջ խնդիր է դրանց բովանդակությունը. շատ համեստ տվյալներ են ներկայացված պաշտոնյաների գույքի և ունեցվածքի մասին, բացի այդ պաշտոնյաները ոչ միշտ են ժամանակին ներկայացնում հայտարարագիր»,-նշեց Ա. Մելիքյանը:   

Պետական մարմինների պաշտոնական կայքերի բովանդակության ստանդարտացման գործընթացը ևս դանդաղում է, սակայն արդեն կա Կառավարության որոշում, որը, թերևս, կխթանի այս պարտավորության կատարումը:

Խոսքի ազատության պաշտպանության կոմիտեի իրավաբան Օլգա Սաֆարյանը հայտնեց, որ իրենց կազմակերպությունը 2013թ. ընթացքում հարցումների միջոցով փորձել է պարզել, թե պետական կառույցները որքանով են կատարում «Տեղեկատվության ազատության մասին» ՀՀ օրենքի պահանջները. «Իրականացվել է 105 նամակ-հարցում, որոնցից 20-ը եղել են թերի, 2 նամակ մնացել է անպատասխան, իսկ 61 հարցումների մեծ մասին տրվել է ժամկետանց՝ 1-ից մինչև 36 օր, պատասխան»: 

«Տեղեկատվության ազատության մասին օրենքը Հայաստանում լիարժեք չի գործում»- եզրակացրեց Օլգա Սաֆարյանը՝ մեկնաբանելով և ամփոփելով Խոսքի ազատության պաշտպանության կոմիտեի իրականացրած ուսումնասիրության արդյունքները: 

Փետրվարի 21-ին «Մեդիա կենտրոնում» տեղի ունեցավ «Բաց կառավարման միջազգային գործընկերության շրջանակում Հայաստանի ստանձնած պարտավորությունների կատարումը» թեմայով ասուլիս: Ասուլիսի բանախոսներն էին` Աշոտ Մելիքյան, Խոսքի ազատության պաշտպանության կոմիտեի նախագահ, Օլգա Սաֆարյան, Խոսքի ազատության պաշտպանության կոմիտեի իրավաբան:
Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ