Սևանա լճից առավել ջրբացթողում.անհրաժեշտություն և հետևանքներ
18.02.2014
17:00
«Սևանի մակարդակի իջեցում չի լինելու: Բացառում եմ ավել ջուր վերցնելու մասին ասեկոսեն, այս տարիներին Սևանից անօրինական բացթողում չի եղել»,- ասաց Յուրի Ջավադյանը՝ ՀՀ նախագահին առընթեր Սևանա լճի հիմնահարցերի հանձնաժողովի նախագահի տեղակալը, «Սևանա լճից առավել ջրբացթողում. անհրաժեշտություն և հետևանքներ» թեմայով բանավեճի ժամանակ:

«Մենք հաշվի ենք առել բոլոր գործոնները, և միայն այնտեղ, որտեղ հնարավոր չէր այլ միջոցառումներ իրականացնել, դիմել ենք Սևանա լճի ջրի օգնությանը: Մենք պետք է բարձրացնենք մաքուր Սևանի հարցը, և մենք ունենալու ենք բարձրացող և մաքուր Սևան»,- բանավեճի ժամանակ հայտարարեց ՀՀ տարածքային կառավարման նախարարության ջրային տնտեսության պետական կոմիտեի աշխատակազմի ղեկավար Մհեր Մկրտումյանը՝ ավելացնելով, որ Սևանա լճի ջուրը վերցվել է բացառապես ոռոգման նպատակով:

«Ինձ զարմացնում է այն փաստը, թե ինչու այս խնդիրը նախագահին առընթեր հանձնաժողովում չի քննարկվել,- ասաց «Հանուն կայուն մարդկային զարգացման» ասոցիացիայի նախագահ Կարինե Դանիելյանը, ավելացնելով,- Սևանն առողջացման ճանապարհին է, հիմա դա վտանգել չի կարելի: Բոլոր ջրային ռեսուրսներն իրար հետ կապված են: Եթե մենք չշարունակենք բարձրացնել Սևանի մակարդակը, կունենանք կորուստներ և´ գետերում, և´ ստորգետնյա ջրավազանում: Կլիմայի նման փոփոխության պայմաններում հույս ունենալ, որ դրական բալանս կունենանք, խիստ օպտիմիստական է»:

Բանավեճի մեկ այլ բանախոս, ՀՀ ԳԱԱ կենդանաբանության և հիդրոէկոլոգիայի կենտրոնի տնօրեն Բարդուխ Գաբրիելյանը նշեց, որ իրենց կենտրոնը երկար տարիներ պայքարել է Սևանա լճի մակարդակի բարձրացման համար, ինչը շատ կարևոր է նաև ջրի որակի բարձրացման համար: Վերջինիս խոսքով՝ ջրի մակարդակի արագ բարձրացումը և կտրուկ իջեցումը ցանկալի չեն:

«Կարևոր է, որ չունենանք բացասական հաշվեկշիռ, այսինքն, միշտ ունենանք այն, ինչ օրենքով նախատեսված է՝ 20սմ-ի աճը»,- նշեց ՀՀ բնապահպանության նախարարության կենսառեսուրսների կառավարման գործակալության պետ Արտաշես Զիրոյանը՝ շեշտելով, որ Բնապահպանության նախարարությունն առաջին հերթին դնում է պահպանության, ռեսուրսների վերականգնման և կայուն օգտագործման հարց:

«Երբ մենք գնում ենք գյուղեր, խոսում ենք գյուղացիների հետ, հասկանում ենք, որ գյուղացիներին ջուր չի հասնում: Նրանք չեն կարողանում իրենց դաշտերը ոռոգման ջրով ապահովել»,- ասաց «Էկոլոգիական հասարակական դաշինքի» համակարգող Սիլվա Ադամյանը:

Կարինե Դանիելյանը հայտնեց, որ Սևանից հավելյալ ջրառի փոխարեն պետք էր փոքր ՀԷԿ-երի խնդիրը լուծել, քանի որ այդ ՀԷԿ-երը ջրազրկում են հարևան համայնքները. «Փոքր ՀԷԿ-երի համակարգն ուղղակի դժբախտություն է»,- ավելացրեց նա: Նրա խոսքով՝ Հայաստանում գործող քրեաօլիգարխիկ համակարգն իր հետքն է թողնում իրագործվող բոլոր ծրագրերի վրա:

«Այս պահին միակ լուծումը Սևանա լճից ջրբացթողումն էր: Եթե անգամ աղետ լինի, մենք թույլ չենք տա Սևանի մակարդակի իջեցում»,- բանավեճը եզրափակեց Յուրի Ջավադյանը:

Փետրվարի 18-ին «Մեդիա կենտրոնի» նախաձեռնությամբ «Ա1+»հեռուստաընկերության առցանց ուղիղ հեռարձակմամբ անցկացվեց բանավեճ` «Սևանա լճից առավել ջրբացթողում. անհրաժեշտություն և հետևանքներ» թեմայով: Բանավեճի բանախոսներն էին՝ Բարդուխ Գաբրիելյանը՝ ՀՀ ԳԱԱ կենդանաբանության և հիդրոէկոլոգիայի կենտրոնի տնօրեն, Արտաշես Զիրոյանը՝ՀՀ բնապահպանության նախարարության կենսառեսուրսների կառավարման գործակալության պետ, Յուրի Ջավադյանը՝ ՀՀ նախագահին առընթեր Սևանա լճի հիմնահարցերի հանձնաժողովի նախագահի տեղակալ, Հանրային խորհրդի Գյուղատնտեսական և բնապահպանական հարցերի հանձնաժողովի նախագահ, «Հայջրնախագիծ» ՓԲԸ տնօրեն, Մհեր Մկրտումյանը՝ ՀՀ տարածքային կառավարման նախարարության ջրային տնտեսության պետական կոմիտեի աշխատակազմի ղեկավար, Սիլվա Ադամյանը՝ «Էկոլոգիական հասարակական դաշինքի» համակարգող, Կարինե Դանիելյանը՝ «Հանուն կայուն մարդկային զարգացման» ասոցիացիայի նախագահ:

Տեսանյութ
Print Friendly and PDF
Այլ մամլո հաղորդագրություններ
«Թավշյա զրույցներ» հեղափոխության դեմքերի հետ
25.05.2018
17:00
Մայիսի 25-ին «Մեդիա կենտրոնում» տեղի ունեցավ հանդիպում թավշյա հեղափոխության ակտիվ դերակատար, «Իմ քայլը» նախաձեռնության անդամ, ԱԺ «Ելք» խմբակցության պատգամավոր Լենա Նազարյանի հետ:
Քաղաքացիական հասարակության դերը հետհեղափոխական Հայաստանում
25.05.2018
12:00
Քաղաքացիական հասարակության մի շարք կազմակերպություններ իրենց աջակցությունն էին հայտնել նոր ձևավորված կառավարությանը. «Մենք պատրաստակամ ենք աջակցելու նոր ձևավորված կառավարությանը՝ հաղթահարելու առկա խնդիրները, միաժամանակ հավատարիմ ենք մնալու մեր գործունեության հիմնական սկզբունքներին և օրակարգին»։
«Վարորդներին որոշ խախտումների դեպքում չտուգանելու և տուգանքների համաներման հնարավոր ազդեցությունն ու հետևանքները»
24.05.2018
11:00
ՀՀ ոստիկանությունը մայիսի 23-ից փոփոխություն է իրականացնում ճանապարհային երթևեկության կանոնների խախտումներով վարչական պատասխանատվության քաղաքականության մեջ:
«Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում»
23.05.2018
12:00
Մայիսի 23-ին «Մեդիա կենտրոնում» տեղի ունեցավ քննարկում «Գործարկվում է «Տվյալների պաշտպանության ընդհանուր կարգավորում»-ը. ինչպիսի՞ փոփոխություններ են սպասվում» թեմայով:

«Բնապահպանության խնդիրներն ու ռիսկերը. առաջարկներ ուղղված նոր կառավարությանը»
22.05.2018
11:00
Բնապահպանության ոլորտում առկա խնդիրների, լուծումների և նոր կառավարությանն ուղղված իրենց առաջարկների մասին մայիսի 22-ին Մեդիա կենտրոնում տեղի ունեցած քննարկմանը բարձրաձայնեցին բնապահպանները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ