Ինչի կհանգեցնի «Զինապարտության մասին» օրենքի փոփոխությունը
12.02.2014
12:00
«Մենք փորձում ենք փակել բոլոր այն դռները, որով մարդիկ փորձում են խուսափել զինվորական ծառայությունից: Կրթության և գիտության նախարարությունը Զինապարտության օրենքի փոփոխությամբ մի նպատակ է հետապնդում, որ արտերկիր սովորելու մեկնեն նրանք, ում առաջնահերթությունը կրթությունն է»,-

այսօր Մեդիա կենտրոնում տեղի ունեցած«Զինապարտության մասին օրենքի փոփոխություն. տարկետմա՞ն, թե՞ կրթության իրավունքի սահմանափակում» թեմայով քննարկմանն ասաց ԿԳՆ արտաքին կապերի և սփյուռքի վարչության պետ Տիգրան Սահակյանը: Քննարկումը նախաձեռնել էր Պատերազմի և խաղաղության լուսաբանման ինստիտուտի հայաստանյան գրասենյակը:

 Հունվարի 23-ին Կառավարությունը հավանություն տվեց Կրթության և գիտության նախարարության կողմից առաջարկված «Զինապարտության մասին» օրենքում փոփոխություն կատարելու օրենքի նախագծին: Նախատեսվում է պետական պատվերով, միջպետական և միջգերատեսչական համաձայնագրերով օտարերկրյա պետությունների բարձրագույն ուսումնական հաստատությունների մագիստրատուրայում կամ ասպիրանտուրայում սովորողներին այսուհետ տարկետում տալ միայն հանձնաժողովի թույլտվությամբ և գրավի պայմանով: Գրավի չափը` 8.5 միլիոն դրամ (մոտ 21 հազար դոլար):

«Կրթությունը պետք է լինի իրավական, խտրականությունը պետք է բացառվի: Նման խնդիր այս օրենքով չի դրվում: Զինապարտության մասին օրենքի փոփոխությամբ կրթության իրավունքը դարձավ ավելի խտրական»,- ասաց քննարկման բանախոս, «Մխիթար Սեբաստացի» կրթահամալիրի ղեկավար Աշոտ Բլեյանը: Նրա խոսքով` Զինապարտության մասին օրենքի փոփոխությամբ Հայաստանում կրթության ոլոտում շարունակվում է պաշտպանվել իշխանական նախագիծը:

Պատմական գիտությունների թեկնածու, դոցենտ Հովհաննես Հովհաննիսյանը գրավի չափը` 8.5 միլիոն դրամ, համարեց ոչ ողջամիտ` ավելացնելով. «Կարևորը Զինապարտության մասին օրենքի փոփոխության նպատակն է, որը հստակ չէ: Այն մարդիկ, ովքեր մնում են արտերկրում և PhD, Master են անում, հաճախ ավելի են օգնում Հայաստանին, քան նրանք, ովքեր Հայաստան վերադառնալուց հետո որպես մասնագետներ դառնում են ոչ պետքական»:

Մեկնաբանելով կառավարության որոշումը` Տիգրան Սահակյանը նշեց, որ այս օրենքի փոփոխությունից հետո սահմանվելու է բուհերի և մասնագիտությունների հստակ ցանկ, որից հետո էլ տրվելու է տարկետումը. «Մենք պետք է տարանջատենք կրթության իրավունքը և պետության նկատմամբ պատասխանատվությունը: Եթե ընտրում ես պետության կողմից առաջարկող կրթաթոշակային ծրագիր, պարտավոր ես հաշվի նստել պետության կանոնների հետ»:

«Զինապարտության մասին» օրենքում փոփոխություն կատարելու օրենքի նախագիծն առաջիկայում կքննարկվի Ազգային ժողովում:

Փետրվարի 12-ին «Մեդիա կենտրոնում» տեղի ունեցավ «Զինապարտության մասին օրենքիփոփոխություն. տարկետմա՞ն, թե՞ կրթության իրավունքի սահմանափակում» թեմայով քննարկում:Քննարկման բանախոսներն էին` Տիգրան Սահակյան` ՀՀ ԿԳՆ արտաքին կապերի և սփյուռքի վարչության պետ, Աշոտ Բլեյան` «Մխիթար Սեբաստացի» կրթահամալիրի ղեկավար, Հովհաննես Հովհաննիսյան՝ պատմական գիտությունների թեկնածու, դոցենտ:

Տեսանյութ
Print Friendly and PDF
Այլ մամլո հաղորդագրություններ
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Ապրիլի 20-ին «Մեդիա կենտրոնում» տեղի ունեցավ ասուլիս «Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ» թեմայով:
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
«Ժողովրդավարական արժեքները և Սերժ Սարգսյանի կառավարման 10 տարիները»
12.04.2018
16:30
Շատ ավելի կարևոր է ստեղծել ազատ հասարակություն, որը կթելադրի իր կամքը, որը թույլ չի տա ժողովրդավարությունը ընկալել որպես իշխանավորի բարի կամք կամ չարի կամք:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ