«Հայաստանը և Ադրբեջանն այն երկրները չեն, որոնք կարող են պատերազմի որոշում կայացնել»
30.01.2014
12:00
«Ամեն ինչ կախված է որոշումից: Կախված լինելով արտաքին ուժերից՝ Հայաստանը և Ադրբեջանն այն երկրները չեն, որոնք կարող են պատերազմի որոշում կայացնել»,-կարծում է քաղաքագետ Մանվել Սարգսյանը: Այսօր Պատերազմի և խաղաղության լուսաբանման ինստիտուտի հայաստանյան գրասենյակը նախաձեռնել էր քննարկում՝ «Վերջին միջադեպերը հայ-ադրբեջանական սահմանին. փորձագիտական տեսակետ» թեմայով:

Կովկասի ինստիտուտի փոխտնօրեն, քաղաքագետ Սերգեյ Մինասյանի խոսքով` հայ-ադրբեջանական սահմանին տեղի ունեցած վերջին միջադեպերը ռազմական գործողությունները լրջացնելու և դրանց կարևորություն տալու նպատակ ունեին:

Մանվել Սարգսյանի հավաստմամբ`այն փիլիսոփայությունը, որ բանակցությունները պետք է վարել լարվածության մեջ և ոչ թե խաղաղ պայմաններում, հենց վերջերս արտահայտվում է հայ-ադրբեջանական սահմանին:

«Հայ-ադրբեջանական սահմանին կոնֆլիկտ միշտ կա, ես հիմա ոչ մի արտասովոր բան չեմ տեսնում, կա ինֆորմացիոն թյուրընկալում և չափազանցում մեդիայի կողմից»,- թեմայի շուրջ իր կարծիքը հայտնեց քննարկմանը տեսազանգով միացած, «Բաքու փոստ» (Bakupost.az) թերթի խմբագիր Քենան Գուլուզադեն` նշելով, որ ինքը վերջին դեպքերը չի կապում Ադրբեջանի Պաշտպանության նախարարի փոփոխության հետ, չնայած որ նոր նախարարն իր հետ բերում է նոր քաղաքականություն:

Հումանիտար հետազոտությունների ադրբեջանական կենտրոնի ղեկավար, Գերիների ազատագրման միջազգային աշխատանքային խմբի անդամ Ավազ Հասանովն իր հերթին հավելեց, որ վերջին տաս տարիների ընթացքում իշխանությունները հասկացել են, որ այսօր խաղաղասիրական լոզունգներով հասարակության վրա չես ներազդի: 

«Մեր նախորդ նախարարը բավական իներտ էր, և նոր նախարարի համար կարևոր էր ցույց տալ, որ այս գործողություններով նա ազատվում է հասարակության մեջ առկա իներտության իմիջից,-կարծում է Քենան Գուլուզադեն,-եթե հասարակությունը ներազդի այս պրոցեսների վրա, ապա նա տրամադրված չէ խաղաղասիրական: Ադրբեջանում ընդհանուր առմամբ պատրաստ են պատերազմի»:

Հունվարի30-ին «Մեդիա կենտրոնում» տեղի ունեցավ «Վերջին միջադեպերը հայ-ադրբեջանական սահմանին. փորձագիտական տեսակետ» թեմայով քննարկում: Քննարկման բանախոսներն էին` Մանվել Սարգսյան`քաղաքագետ, Ռազմավարական և ազգային հետազոտությունների հայկական կենտրոնի տնօրեն, Սերգեյ Մինասյան` քաղաքաագետ, Կովկասի ինստիտուտի փոխտնօրեն, Քենան Գուլուզադե` «Բաքուփոստ» (Bakupost.az) թերթի խմբագիր, Ավազ Հասանովը` Հումանիտար հետազոտությունների ադրբեջանական կենտրոնի ղեկավար, Գերիների ազատագրման միջազգային աշխատանքային խմբի անդամ: 

Տեսանյութ
Print Friendly and PDF
Այլ մամլո հաղորդագրություններ
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ