«Մարտ ամսին կթողարկվի «Հայկական լեռնաշխարհ» էլեկտրոնային գիրքը»
29.01.2014
11:00
Մարտ ամսին կթողարկվի «Հայկական լեռնաշխարհ» էլեկտրոնային գիրքը, որն անվճար հասանելի կլինի մոբայլ սարքերով և համակարգիչներով՝ 7 լեզուներով. այսօր «Մեդիա կենտրոնում» ազդարարեց Հայկական վիրտուալ համալսարանի հիմնադիր և նախագահ Երվանդ Զորյանը:

«Հայկական լեռնաշխարհը» Հայկական վիրտուալ համալսարանի (ՀՎՀ) հայկական մշակույթը և պատմությունը ներկայացնող էլեկտրոնային գրքերի նորարարական շարքի առաջին գիրքն է:  

«Հայկական վիրտուալ համալսարանը Հայաստանում օնլայն ուսուցման միակ կենտրոնն է, որը, ստրատեգիական նշանակության միջոցառում լինելով, համալսարանական կրթությունից անդին է գնում»,- նշեց պարոն Զորյանը: Բանախոսը հավելեց նաև, որ այդ գրքերի շարքի միջոցով ՀՎՀ-ն ընդլայնում է իր վիտուալ լսարաններում ընդգրկված շուրջ 3000 միջազգային  ուսանողների շրջանակը:

«Հայկական լեռնաշխարհը» էլեկտրոնային գրքում ներկայացված են հայկական լեռնաշխարհի մշակույթը, շրջակա միջավայրը և տարածաշրջանային բաժանումները, որոնցից յուրաքանչյուրը հագեցած է պատկերներով և տեսանյութերով: Ընթերցողներին հնարավորություն է տրվում հարցաշարերի միջոցով գնահատել սեփական առաջընթացը, առանձնացնել ժամանակաշրջանի կարևորագույն իրադարձությունները և ծանոթանալ հատուկ այդ աղբյուրի համար մշակված հարուստ բառապաշարին:

«Էլ-գրքերի բովանդակությունը ստեղծվում է հայագիտության, մանկավարժության և տեխնոլոգիական մասնագետների կողմից, որոնք ներկայացնում են ոչ միայն Երևանի պետական համալսարանը, այլև Ամերիկայի Սթենֆորդի և Բերքլիի համալսարանները»,-փաստեց Երվանդ Զորյանը:

ՀՎՀ-ի մուլտիմեդիա էլեկտրոնային գրքերի շարքին բաժանորդագրությունն անվճար է լինելու և մի քանի վայրկյանում հասանելի: 2014թ. մարտին iBook տարբերակը հասանելի կլինի iPad-երի և Mac համակարգիչների, իսկ բրաուզեր տարբերակը՝ մոբայլ այլ գործիքների և համակարգիչների համար: Էլ-գրքերը հասանելի կլինեն 7  լեզուներով՝ արևելահայերեն/արևմտահայերեն, ռուսերեն, անգլերեն, ֆրանսերեն, թուրքերեն և իսպաներեն:

Հունվարի 29-ին «Մեդիա կենտրոնում» տեղի ունեցավ «Հայկական լեռնաշխարհը» մուլտիմեդիա էլ-գրքի ասուլիս-շնորհանդեսը: Ասուլիսի բանախոսն էր  Հայկական վիրտուալ համալսարանի հիմնադիր և նախագահ, ՀԲԸՄ կենտրոնական վարչական ժողովի անդամ Երվանդ Զորյանը:

Տեսանյութ
Print Friendly and PDF
Այլ մամլո հաղորդագրություններ
Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին
23.04.2018
12:00
Ապրիլի 23-ին Մեդիա կենտրոնում տեղի ունեցավ ասուլիս-քննարկում «Մշակութային և հասարակական գործիչների արձագանքը Հայաստանում ընթացող դրամատիկ իրադարձություններին» թեմայով:
«Իրավախախտումներ բերման ենթարկվածների նկատմամբ. քաղաքացիական ակտիվիստ Տիգրան Մազմանյանի կալանավորման որոշումը»
20.04.2018
16:00
Քաղաքացիական ակտիվիստ Տիգրան Մազմանյանին 2 ամսով կալանքի տակ պահելու դատական որոշումը փաստաբանները որակում են քաղաքական հետապնդում քաղակտիվիստի նկատմամբ:
«Լրագրողների նկատմամբ բռնություններն ու մասնագիտական գործունեության խոչընդոտումները բողոքի ակցիաների ժամանակ»
20.04.2018
15:00
Հայաստանում ապրիլի 13-ից սկսված քաղաքացիական անհնազանդության ակցիաների ու բողոքի գործողությունների ընթացքում բռնությունների են ենթարկվել լրագրողներ ու խոչընդոտվել է լրագրողների ու լրատվական կազմակերպությունների աշխատանքը։
Լարված իրավիճակ ՀՀ-ում. «թավշյա հեղափոխությո՞ւն», թե՞ սովորական ճգնաժամ
20.04.2018
12:00
Սերժ Սարգսյանի վարչապետության դեմ ընթացող ամենօրյա հանրահավաքները սկսած ամսի 17-ից չունեն կոնկրետ նպատակ: Ցույցերը շոու է դառնում, կառնավալ է հիշեցնում, իսկ Սարգսյանի հրաժարականի պահանջի իրատեսականությանը նույնիսկ հանրահավաքի շատ մասնակիցներ չեն հավատում:
«Փոփոխության պահանջի ալիք. իշխանության արձագանքն ու հանգուցալուծման հնարավոր տարբերակներ»
19.04.2018
11:00
Շուրջ մեկ շաբաթ է, ինչ Երևանում շարունակվում են ՀՀ ԱԺ պատգամավոր Նիկոլ Փաշինյանի քաղաքացիական անհնազանդության ակցիաները՝ ընդդեմ Սերժ Սարգսյանի վարչապետացման: Ապրիլի 17-ին ՀՀ նախկին նախագահ Սերժ Սարգսյանը ԱԺ 77 պատգամավորների կողմից ընտվեց ՀՀ վարչապետի պաշտոնում, այդպիսով 3-րդ անգամ ստանձնեց երկրի ղեկավարի պաշտոնը:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ