«Իրադրությունն Ուկրաինայի մայրաքաղաքում շարունակվում է լարված մնալ»
21.01.2014
15:00
Իրադրությունն Ուկրաինայի մայրաքաղաքում շարունակվում է լարված մնալ, թեև լրատվական տեսանյութերով գուցե ավելի ահավոր է թվում, քան կա իրականում: Մարդիկ Մայդանում պայքարում են եվրոպական հեռանկարի համար, որից զրկվեցին վիլնյուսյան գագաթաժողովից հետո. նշեց «Վերածնունդ» միջազգային ֆոնդի եվրոպական ծրագրերի ղեկավար Դմիտրի Շուլգան՝ «Մեդիա կենտրոնում» տեղի ունեցած քննարկման ընթացքում:

«Ուկրաինայի ընդդիմությունը հակասահմանադրական է համարում հունվարի 16-ին ընդունված օրենքների փաթեթի ոչ միայն բովանդակությունը, այլ նաև ընդունման ընթացակարգը,-ասաց Դմիտրի Շուլգան,-քաղաքական ճգնաժամը հաղթահարելու ուղղությամբ երկխոսություն սկսելու կոչերն ու հայտարարություններն առայժմ հաջողություն չունեն: Իրական բանակցություններ իշխանության և ընդդիմության միջև չեն ընթանում»:

«Համաձայնություն» կենտրոնի ղեկավար Դավիթ Շահնազարյանի կարծիքով՝ իշխանությունները բացարձակապես ցանկություն չունեն գնալու երկխոսության, իսկ նրանց կողմից հակաճգնաժամային հանձնաժողովի ստեղծումն անլուրջ է։ «Նման կառույցն անարդյունավետ է, և իշխանությունների կողմից ստեղծվել է նրա համար, որպեսզի ընդդիմության հետ չգնան իրական երկխոսության»,- նշեց Դավիթ Շահնազարյանը։

Ըստ Դավիթ Շահնազարյանի` ռազմավարական տեսանկյունից Ուկրաինային հնարավոր չէ շեղել եվրոպական ուղուց, սակայն տակտիկական առումով դեռևս անորոշություն է: «Եթե այսպես շարունակվի, ապա Ուկրաինայի հաջորդ ընտրությունները կլինեն այնպիսին, ինչպիսին Հայաստանում` ամբողջովին կկեղծվեն: Եվ այս ամենն ընդդիմությանը մղում է ադեկվատ քայլերի»,- հավելեց Դ. Շահնազարյանը:  Նրա դիտարկմամբ՝ մարտավարական հարցերում Ուկրաինայի ընդդիմությունը անորոշություն է դրսևորում, չնայած հեռանկարում պայքարում է եվրաինտեգրման համար:

«Ամենակարևոր հարցը, որ կա Ուկրաինայում այսօր, հետևյալն է՝ կլինի արդյոք իշխանական էլիտայի ներսում պառակտում, թե՝ չէ»,-նշեց քաղաքագետ Սերգեյ Մինասյանը՝ Կովկասի ինստիտուտի փոխտնօրենը: Նրա կարծիքով՝ Արևմուտքի արձագանքը համարժեք չէ Կիևում ստեղծված  իրավիճակին: Չնայած որոշ կոշտ երանգների՝ դրանք շատ բանով չեն տարբերվում նախորդներից և դժվար թե էական ազդեցություն ունենան իշխանությունների վարքագծի վրա:

«Մենք հիմա գործ ունենք երկու Յանուկովիչի հետ՝ մինչվիլնյուսյան, ում հետ կարելի էր խոսել և ինչ-որ բաների հասնել, և հետվիլնյուսյան, ով արդեն իսկ Ռուսաստանի նախագահի հետ պայմանագրեր է ստորագրել, ինչը նրան հնարավորություն է տալիս իրականացնել քայլեր, որոնց մասին միայն նա գիտի»,-ասաց Ալեքսանդր Բոժկոն՝ Հայաստանում Ուկրաինայի առաջին դեսպանը: Այդուհանդերձ, նրա դիտարկմամբ՝ խաղաղ հանգուցալուծման հնարավորությունները սպառված չեն, իսկ իրավիճակի ելքը կախված է իշխանության քայլերից: 

Հունվարի 21-ին «Մեդիա կենտրոնում» տեղի ունեցավ «Իրադրությունը Ուկրաինայում» թեմայով քննարկում: Բանախոսներն էին «Համաձայնություն» կենտրոնի ղեկավար Դավիթ Շահնազարյանը, Կովկասի ինստիտուտի փոխտնօրեն, քաղաքագետ Սերգեյ Մինասյանը: Ուկրաինայից տեսազանգով միացել էին քննարկմանը  «Վերածնունդ»  ("Відродження") միջազգային ֆոնդի եվրոպական ծրագրերի ղեկավար Դմիտրի Շուլգան և  Հայաստանում Ուկրաինայի առաջին դեսպան Ալեքսանդր Բոժկոն:  

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Օպտիմա՞լ է նախարարությունների օպտիմալացումը
26.12.2018
12:00
Դեկտեմբերի 26-ին Մեդիա կենտրոնում տեղի ունեցավ քննարկում «Օպտիմա՞լ է նախարարությունների օպտիմալացումը. գնահատում են մասնագետները» թեմայով:
2018 թ. Շուռնուխում տեղի ունեցած բռնության քրեական գործի կարճման վերաբերյալ
25.12.2018
11:00
Դեկտեմբերի 25-ին Մեդիա կենտրոնում տեղի ունեցավ «Փինք Արմենիա» ՀԿ-ի մամուլի ասուլիսը, որի ընթացքում ներկայացվեցին 2018թ. Շուռնուխ գյուղում ԼԳԲՏ անձանց նկատմամբ ծեծի հիմքով հարուցված քրեական գործի մանրամասներն ու գործի կարճման պատճառները:
«Արամի 23. խոստումներ, որոնք չկատարվեցին»
24.12.2018
12:00
Մեդիա կենտրոնում, դեկտեմբերի 24-ին, տեղի ունեցավ քննարկում «Արամի 23. խոստումներ, որոնք չկատարվեցին» թեմայով:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ