Նոր կառուցվող Պառավաքար-Վազաշեն ճանապարհը` առավել անվտանգ
22.01.2014
12:00
Տավուշի մարզի Պառավաքար-Վազաշեն ճանապարհին որպես այլընտրանք կառուցվող 3,2կմ երկարությամբ շրջանցիկ ճանապարհը շահագործման կհանձնվի հունիսին: Այն կրճատելու է երթևեկությունը 1,8 կմ-ով և լինելու է առավել անվտանգ:

«Եղած նախագծերից ընտրվել է ամենաօպտիմալ տարբերակը` անվտանգության, ժամանակի, ճանապարհի երկարության առումներով, դա լինելու է լիովին անվտանգ ճանապարհ»,-ասաց Ալեքսանդր Բախտամյանը ՝Տրանսպորտի և կապի նախարարության Տրանսպորտի ԾԻԳ պետական հիմնարկի տնօրենը:

Արդեն 3 ամիս է Պառավաքար-Վազաշեն ճանապարհը պաշտոնապես հայտարարված է փակ: 2013թ. հոկտեմբերի 22-ին ադրբեջանական կրակոցներից այնտեղ մահացավ 1 և վիրավորվեց 3 զինվոր:

«Այդ հատվածում անցյալ տարի 3 զինվորական է զոհվել, եղել է 11 վիրավոր, որից երկուսը՝ քաղաքացիական անձինք: Ճանապարհը հեշտ հասանելի է հակառակորդի դիտակետերին, հետևաբար որոշում կայացվեց նոր առավել անվտանգ ճանապարհ կառուցելու», – նշեց ՊՆ Զինված ուժերի օպերատիվ վարչության ներկայացուցիչ, գնդապետ Անդրանիկ Մկրտումյանը:

Կառուցվող ճանապարհն ավելի հեռու է հակառակորդի դիտակետերից և 2մ բարձրությամբ պաշտպանիչ պատնեշ է ունենալու: Իսկ մինչ կառուցումը շրջակա համայնքների բնակիչները պետք է օգտվեն երկու այլընտրանքային ճանապարհներից՝ Բերդ-Ճամբարակ և Բերդ-Իծաքար-Գանձաքար-Իջևան. դրանք բարվոք վիճակում չեն, բայց անցանելի են:

«Ես ինքս դեկտեմբերին օգտվել եմ Պառավաքար-Վազաշեն ճանապարհից, բայց բնակչությանը կոչ ենք անում այլընտրանքային ճանապարհները կիրառել՝ ելնելով անվտանգությունից », – ասաց Տավուշի մարզպետարանի Տրանսպորտի և ճանապարհաշինության բաժնի պետ Արտակ Սարգսյանը՝ ընդունելով, որ ձմռանը այլընտրանքային ճանապարհներից մեկն ինչ-որ ժամանակով գուցե անանցանելի է լինում, իսկ մյուսն էլ՝ ընդհանուր առմամբ անբարեկարգ է:

Բախտամյանի կարծիքով՝ «Իջևանի Ճանշին» ընկերությունն ամեն ինչ անում է, որպեսզի նոր ճանապարհը ժամանակին հանձնվի շահագործման. այն հեռու է կրակակետերից և ապահոված է նաև շինաշխատողների անվտանգությունը:

«Մեր մոտեցումն է` զրո զոհ և բարձր անվտանգություն: Ընտրվել է առավելագույն անվտանգ ճանապարհի տարբերակը», -հավաստիացրեց փոխգնդապետ Սուրեն Դարբինյանը՝ ՊՆ Պաշտպանական քաղաքականության վարչության միջազգային ռազմական համագործակցություն բաժնի պետը:

Նոր կառուցվող ճանապարհի հողային աշխատանքների 70 %-ը կատարված է: Եղանակային պայմանների հետևանքով աշխատանքները հնարավոր կլինի ավարտել միայն հունիսին՝ կարճ և անվտանգ ճանապարհով իրար կապելով Վազաշեն և Պառավաքար համայնքները:

Հունվարի 22-ին «Մեդիա կենտրոնում» տեղի ունեցավ  քննարկում՝ Տավուշի մարզի Պառավաքար-Վազաշեն ճանապարհի փակման, այլընտրանքային ճանապարհի կառուցման և անվտանգության վերաբերյալ:  Քննարկման բանախոսներն էին ՀՀ ՊՆ Պաշտպանական քաղաքականության վարչության միջազգային ռազմական համագործակցություն բաժնի պետ, փոխգնդապետ Սուրեն Դարբինյանը, ՊՆ Զինված ուժերի օպերատիվ վարչության ներկայացուցիչ, գնդապետ Անդրանիկ Մկրտումյանը, ՀՀ ՏՆ Տրանսպորտի ԾԻԳ պետական հիմնարկի տնօրեն Ալեքսանդր Բախտամյանը, ՀՀ Տավուշի մարզպետարանի տրանսպորտի և ճանապարհաշինության բաժնի պետ Արտակ Սարգսյանը

Քննարկումը նախաձեռնել էր
Պատերազմի և խաղաղության լուսաբանման ինստիտուտի հայաստանյան գրասենյակը՝ «Մեդիա կենտրոնի» հետ համագործակցությամբ:

Տեսանյութ
Print Friendly and PDF
Այլ մամլո հաղորդագրություններ
«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»
19.03.2019
12:00
Մարտի 19-ին «Մեդիա կենտրոնում» տեղի ունեցավ մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման էր` «Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
«Մեդիա սպառումն ու ինֆորմացիոն նախասիրությունները Հայաստանում-2019» հետազոտության ներկայացում
15.03.2019
12:00
Մարտի 15-ին «Մեդիա կենտրոնում» տեղի ունեցավ «Մեդիա սպառումն ու ինֆորմացիոն նախասիրությունները Հայաստանում- 2019» հետազոտության արդյունքների ներկայացում:
Խաղաղության ընկալումը․ ԼՂ հակամարտության մոտեցումների վերլուծությունը
06.02.2019
12:00
ԼՂ հակամարտության հանգուցալուծմանը հասնելու միակ ճանապարհը խաղաղությանը նախապատրաստվելն է: Թեպետ հակամարտող հանրույթներում գերիշխում է պատերազմի պրոպագանդան, սակայն Հայաստանում, Լեռնային Ղարաբաղում եւ Ադրբեջանում մարդիկ սկսել են ավելի ու ավելի քննադատաբար մոտենալ հնարավոր պատերազմին: Հարցեր են հնչեցնում պատերազմի ու խաղաղության գնի մասին:
2017-2018թթ պետգնումների համակարգի մոնիտորինգի արդյունքները
28.12.2018
12:00
Դեկտեմբերի 28-ին «Մեդիա կենտրոնում» «Հանրային քաղաքականության հետազոտությունների ազգային կենտրոն» ՀԿ-ն ներկայացրեց 2017-2018թթ (I կիսամյակի) պետական գնումների համակարգի հիմնական միտումները։
Իրավապաշտպանների առաջարկները ՔԿՀ-ներում բարեփոխումների իրականացման ռազմավարության վերաբերյալ
27.12.2018
13:30
Արդարադատության նախարարության կողմից е-draft կայքում 2018 թ. դեկտեմբերի 19-ից հանրային քննարկման է դրվել քրեակատարողական համակարգում իրավիճակի բարելավման նպատակով 2018 -2038 թթ. ռազմավարությունը և դրա իրականացման 20 -ամյա միջոցառումների ծրագիրը հաստատելու մասին կառավարության որոշման նախագիծը։ Այն հանրային քննարկման է դրված լինելու մինչև 2019 թ. հունվարի 8-ը։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ