Կենսաթոշակային բարեփոխումներ. ապահով, թե վտանգված ծերություն
16.01.2014
17:00
«Ժողովու´րդ, դուրս եկեք փողոց: Իրար հետ պայքարելու ենք և իրար հետ հաջողության ենք հասնելու», - հունվարի 18 –ին կայանալիք հանրահավաքին ընդառաջ «Կենսաթոշակային բարեփոխումներ. ապահով, թե վտանգված ծերություն» թեմայով հեռուստատեսային քննարկման ընթացքում կոչ արեց ԱԺ ՀՅԴ խմբակցության պատգամավոր Արծվիկ Մինասյանը` ընդգծելով. «Ակնհայտ է, որ սա չարիք է ոչ միայն ներկա, այլև ապագա սերունդների համար: Այս բարեփոխումները չեն կարող առաջիկա տասնամյակներում գործադրվել ՀՀ-ում այն ձևով, որ հիմա ներկայացվում են»:

Կենսաթոշակային պարտադիր կուտակային համակարգի ներդրման դեմ պայքարին միացած ԱԺ ոչ իշխանական 4 ուժերից «Ժառանգություն»  կուսակցության փոխնախագահ  Արմեն Մարտիրոսյանը եւս կարեւորեց քաղաքացիների ակտիվությունը. «Եթե մեր քաղաքացիները շատ ակտիվ մասնակցեն այդ պայքարին մինչև հունվարի 25-ը, ապա կարծում եմ, որ Սահմանադրական դատարանը կարող է որոշում ընդունել ի շահ քաղաքացիների»:

Բանախոսներից «Դեմ եմ» նախաձեռնություն անդամ Մանե Թանդիլյանն էլ նկատեց. «Եթե հասարակության բոլոր տարրերը դժգոհ են, ուրեմն իշխանությունն իրոք մի բան էն չի անում: Մի բան ակնհայտ է` այդ օրենքն ա´յս տեսքով ա´յս ժամանակ` իշխանության հանդեպ անվստահության բարձր մթնոլորտում, ընդունվել չի կարող»:

Իսկ ՀԱԿ անդամ  Վահագն Խաչատրյանն ուշադրություն հրավիրեց այն հանգամանքի վրա, որ  համակարգի մշակման գործընթացի համար 2011-ից մինչև հիմա տարեկան 300-500 հազար դոլար բյուջե է նախատեսված եղել, սակայն ոչ միայն բավարար չափով տեղեկատվություն չի ներկայացվել, այլեւ  համակարգի ներդրման  վտանգները լիարժեք չեն  հաշվարկվել: «Որևէ տնտեսական կամ քաղաքական խնդիր կենսաթոշակային բարեփոխումներով չեն լուծում. կամիկաձեի կեցվածք են ընդունել ու ասում են` մեր որոշումն է, մենք գնում ենք մինչև վերջ»:

Սախարովի անվան մարդու իրավունքների պաշտպանության հայկական կենտրոնի ներկայացուցիչ Մերի Խաչատրյանը եւս ընդգծեց, որ մինչ օրս անգամ համապատասխան  փոփոխություններ արված չեն  Աշխատանքային օրենսգրքում` սահմանելու համար այնպիսի հասկացություններ, ինչպես օրինակ «ինքնազբաղն» է:  «Մինչդեռ գործադիր և օրենսդիր մարմինները պարտավոր էին նախագծի իրականացման մասին հասարակությանն իրազեկել ամենավաղ փուլում»:

Ներկայացնելով կենսաթոշակային պարտադիր կուտակային համակարգի  թերությունները`  Վահագն Խաչատրյանը նշեց, որ այս համակարգը հանգեցնելու է ստվերային տնտեսության  աճի, իսկ  Մանե Թանդիլյանն էլ  հարցադրում արեց. «Ես`1974-ից հետո ծնվածս, կարո՞ղ եմ իմ ստացած աշխատավարձով ապահովել ինձ, ծնողներիս և արտագաղթած ընկերներիս ծնողներին, ում համար մենք հարկ ենք վճարում: Իրատեսակա՞ն է այսօր այսպիսի բեռ դնել թափանցիկ և օրինական աշխատող հարկատուների վրա»: 

Արծվիկ Մինասյանն էլ հավելեց. «Արհեստականորեն բարձրացվել է  շեմը. եթե հինգ տոկոսը հարկումից հետո տարվեր, գումարն էականորեն ավելի ցածր կլիներ, իսկ հիմա դա 5% չէ, այլ 6.61 և ավելի»:

Ամփոփելով իրենց մտահոգությունները` քննարկման բանախոսները   հավաստեցին համակարգի  ներդրման դեմ պայքարելու իրենց վճռականությունը.«Մենք հաստատակամ ենք այն առումով, որ պայքարի էս ձևը ճիշտ է, ուրիշ ձև չկա: Պետք է համակարգային փոփոխություն, և սա կլինի սկիզբը: Գործող իշխանությունը սպառել է իրեն ամեն տեղ, ամեն ինչում»,- նշեց Վահագն Խաչատրյանը: 

Հունվարի 16-ին` ժամը 17:00-ին, «Մեդիա կենտրոնի» նախաձեռնությամբ «Ա1+» հեռուստաընկերության առցանց ուղիղ հեռարձակմամբ անցկացվեց քննարկում` «Կենսաթոշակային բարեփոխումներ. ապահով, թե վտանգված ծերություն» թեմայով: Քննարկման բանախոսներն էին.Արծվիկ Մինասյանը` ՀՅԴ խմբակցության պատգամավոր,Արմեն Մարտիրոսյանը՝ «Ժառանգություն» կուսակցության փոխնախագահ,Վահագն Խաչատրյանը՝ ՀԱԿ ներկայացուցիչ, Մերի Խաչատրյանը՝ փաստաբան, Սախարովի անվան մարդու իրավունքների պաշտպանության հայկական կենտրոն, եւ Մանե Թանդիլյանը՝ «Դեմ եմ» նախաձեռնության անդամ:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները
11.12.2018
12:00
Դեկտեմբերի 11-ին «Մեդիա կենտրոնում» Երևանի մամուլի ակումբը ներկայացրեց դեկտեմբերի 9-ի Աժ արտահերթ ընտրությունների նախընտրական քարոզչության ժամանակահատվածում ԶԼՄ-ների մշտադիտարկման արդյունքները։
«Դիտորդների նախնական դիտարկումներն ու գնահատականները ԱԺ ընտրությունների վերաբերյալ»
10.12.2018
15:30
Դեկտեմբերի 10-ի Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ընտրությունները դիտարկող կազմակերպությունների եվրոպական ցանցի (ENEMO) մամուլի ասուլիսը «Դիտորդների նախնական դիտարկումներն ու գնահատականները ԱԺ ընտրությունների վերաբերյալ» թեմայով։
«Միջազգային և հայաստանյան դիտորդների գնահատականը ԱԺ արտահերթ ընտրություններին»
10.12.2018
12:00
Դեկտեմբերի 10-ին Երևանի ԴաբլԹրի Բայ Հիլթոն հյուրանոցի Փարիզ սրահում տեղի ունեցավ Ժողովրդավարական ընտրությունների եվրոպական պլատֆորմի, ՀՔԱՎանաձորի գրասենյակի և Թրանսփարենսի Ինթերնեյշնլ հակակոռուպցիոն կենտրոնի համատեղ մամուլիասուլիսը «Միջազգային և հայաստանյան դիտորդների գնահատականը ԱԺ արտահերթ ընտրություններին»թեմայով:
Քննարկումների շարք. 2018 թ. ԱԺ արտահերթ ընտրություններ
09.12.2018
13:00
Դեկտեմբերի 9-ին՝ ՀՀ Ազգային ժողովի արտահերթ ընտրությունների օրը, «Մեդիա կենտրոնը» անցկացրեց քննարկումների շարք:

ԱԺ ընտրությունների լուսաբանման մշտադիտարկման հերթական փուլի արդյունքները
04.12.2018
13:00
Դեկտեմբերի 4-ին «Մեդիա կենտրոնում» Երևանի մամուլի ակումբը ներկայացրեց «ԱԺ արտահերթ ընտրությունների լուսաբանման վերաբերյալ մշտադիտարկման հերթական փուլի արդյունքները»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ