Վանաձորում ցուցադրվեց «Սպասում» ֆիլմը
06.12.2013
16:00
«Եհովայի վկա» կրոնական կազմակերպություն մոտ 50 հետևորդ դիմում է ներկայացրել՝ քաղաքացիական հիմնարկներում այլընտրանքային զինծառայություն անցնելու համար: Նրանց այս հնարավորությունն ընձեռում են «Այլընտրանքային զինծառայության մասին» օրենքում կատարված փոփոխությունները, որոնք ուժի մեջ մտան այս տարի:

Օրենսդրական փոփոխությունների արդյունքում այլընտրանքային զինծառայությունն արդեն Պաշտպանության նախարարության ենթակայության տակ չէ: Եթե այս փոփոխությունը լիներ 2004-ին, ապա այդքան մարդ չէր դատապարտվի, և Հայաստանը Եվրադատարանում 20-ից ավելի գործ չէր պարտվի. ասաց «Սպասում» ֆիլմի հեղինակ Վահան Իշխանյանը դեկտեմբերի 6-ին՝ Վանաձորում անցկացված քննարկման ժամանակ:

Իշխանյանը նշեց, որ Հայաստանի անկախանալուց ի վեր 474 մարդ է դատապարտվել պարտադիր զինծառայությունից խուսափելու համար: Նույն ընթացքում Հայ առաքելական եկեղեցու ավելի քան 600 հոգևորական ստացել է զինծառայությունից տարկետում:

«Առաքելական եկեղեցին մենաշնորհ ունի: Առաքելական եկեղեցու համար կառավարությունը տարկետում է տալիս: Իսկ եթե Եհովայի վկան խուսափում է զինծառայությունից, դատվում է այն նույն հոդվածով, որով կդատվեր ցանկացած այլ մարդ»,- ասաց Վահան Իշխանյանը:

Գուգարաց թեմի Սբ.Գրիգոր Նարեկացի առաջնորդանիստ մայր եկեղեցու հոգևոր հովիվ Տեր Վահան քահանա Ազարյանի կածիքով՝ Եհովայի վկաների նկատմամբ անհանդուրժողականությունը գալիս է ոչ թե նրանց գաղափարախոսությունից, այլ գործունեությունից: Քահանան համոզված է, որ ամեն ինչ հնարավոր չէ հանդուրժել:

«Հայ առաքելական եկեղեցին քարոզ չի տանում կրոնական այլ կազմակերպությունների միանալ ցանկացող մարդկանց դեմ»,- միաժամանակ հավաստիացնում է Տեր Վահանը:

Քննարկման մյուս բանախոսը՝ Վանաձորի Հայաստանյաց ավետարանական եկեղեցու ներկայացուցիչ Սամվել Կիրակոսյանն, ասաց, որ ծառայել է բանակում, և այնտեղ իրեն երբեք չեն սովորեցրել մարդ սպանել: Ուստի, ավետարանական եկեղեցու ներկայացուցչին շատ խորթ է ծառայությունից խուսափելը:

Կիրակոսյանը միաժամանակ կարծիք է հայտնում. «Վաղը եթե կենաց-մահու հարց լինի, ես վստահ եմ, որ բոլոր քահանաները՝ 600 հոգի, և բոլոր նրանք, ովքեր սիրում են իրենց հայրենիքը, պատրաստ են գնալու և պաշտպանելու այն»:

Քննարկմանը նախորդել էր «Սպասում» ֆիլմի ցուցադրությունը: Ֆիլմը պատմում է Անրի Խաչատրյանի մասին, ով Եհովայի վկա է, 2010-ին դատապարտվում է երկու տարվա ազատազրկման` բանակում ծառայությունից հրաժարվելու համար, պատիժն ամբողջությամբ կրում և այժմ եկել է ազատության պահը:

Բանտից դեպի տուն ճանապարհին Անրին խոսում է իր սկզբունքների, ազատության և անազատության զգացումների մասին: Ֆիլմի ընթացքում Եհովայի վկաների չորս այլ հետևորդներ, ովքեր տարբեր ժամանակներում նույն պատճառով դատապարտվել են, իրենց պատմություններն են անում:

«Այս տեսաֆիլմում հստակ երևում է մարդու իրավունքների խախտում,- ֆիլմից իր տպավորությունները պատմեց Սամվել Կիրակոսյանը:- Հայաստանում մարդու իրավունքները շատ աճելու և զարգանալու տեղ ունեն: Տեսնում ենք իշխանությունների, պաշտոնյաների կողմից Եհովայի վկաների իրավունքների ոտնահարում»:

Վահան Իշխանյանը նշեց, որ 15 տարի առաջ Հայաստանում նույնիսկ փաստաբանները երկար ժամանակ չէին կարողանում շփվել կրոնական ու քաղաքական բանտարկյալների հետ, կալանավորվելուց հետո երկար ժամանակ նրանց մասին տեղեկություն չէր լինում: Այժմ այդ բանտարկյալները շատ ավելի պաշտպանված են:

Բայց այնուամենայնիվ, Իշխանյանը վաղուց ուզում էր ֆիլմով ներկայացնել այդ մարդկանց ճակատագրերը: Ցանկությունն իրականացավ անցյալ տարի: «Ես նպատակ չեմ ունեցել հերոսի կերպար ստեղծել, ես նպատակ եմ ունեցել էս մարդկանց պատմությունները ներկայացնել»,- ասաց ֆիլմի հեղինակը:

Քննարկման ընթացքում պատասխանելով ներկաներից մեկի հարցին՝ իր կրոնական հայացքների վերաբերյալ՝ Վահան Իշխանյանն ասաց. «Ինքս մկրտվել եմ 5 թե քանի տարեկանում իմ կամքից անկախ Առաքելական եկեղեցում: Էս պահին ես աթեիստ եմ: Հավատացյալ լինելն ավելի հեշտ է, քան աթեիստ»:

Դեկտեմբերի 6-ին Վանաձորի «ՀԿ կենտրոնի» մեծ դահլիճում «Մեդիա կենտրոնի» նախաձեռնությամբ ցուցադրվեց Վահան Իշխանյանի «Սպասում» ֆիլմը: Հաջորդեց քննարկում, որի բանախոսներն էին Վահան Իշխանյանը՝ «Սպասում» ֆիլմի հեղինակ, Տեր Վահան քահանա Ազարյանը՝ Գուգարաց թեմի Սբ.Գրիգոր Նարեկացի առաջնորդանիստ մայր եկեղեցու հոգևոր հովիվ, ՔԴԿ-ի տնօրեն, Սամվել Կիրակոսյանը՝ Վանաձորի Հայաստանյաց ավետարանական եկեղեցի:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
Հանել դպրոցից «Հայոց եկեղեցու պատմություն» առարկան կամ վերախմբագրել դասագրքերը. թեժ բանավեճ
17.10.2018
12:00
Հոկտեմբերի 17-ին «Մեդիա կենտրոնում» տեղի ունեցավ քննարկում «Հայոց եկեղեցու պատմություն» առարկան. անհրաժեշտություն, թե քարոզ» թեմայով:
«Հայաստանում ծնելիության մակարդակը նվազել է». ՄԱԿ-ի 2018թ. զեկույց
17.10.2018
11:00
ՀՀ բնակչությունը 2018թ. առաջին եռամսյակից սկսած նվազել է 10.000 մարդով:
Այս մասին հոկտեմբերի 17-ին Մեդիա կենտրոնում տեղի ունեցած մամլո ասուլիսին հայտարարեց ՄԱԿ-ի Բնակչության հիմնադրամի «Օժանդակություն բնակչության հարցերով քաղաքականությունների իրականացմանը» ծրագրի համակարգող Աննա Հովհաննիսյանը:
Օգտատերերի 97 տոկոսը կողմ է արտահերթ ընտրություններին
16.10.2018
11:24
Արտահերթ խորհրդարանական ընտրություններ անցկացնելու վերաբերյալ ֆեյսբուքյան հարցման արդյունքներով օգտատերերի 90 տոկոսից ավելին ցանկանում են, որ արտահերթ ընտրությունները տեղի ունենան սույն թվականի դեկտեմբերին։
«Արդարությունն ինձ համար մեծագույն արժեք է». Էրիկ Բաբաջանյան՝ ուսանող, կինոօպերատոր
15.10.2018
11:59
Մեդիա կենտրոն նախագիծը սկսում է պատմությունների շարք, որտեղ ներկայացնելու ենք իրենց ոտնահարված իրավունքները վերականգնած և հիմնարար ազատությունների համար պայքարած մարդկանց:
Հայաստանում հոգեբուժական կենտրոնները վերակազմավորելու անհրաժեշտություն կա
10.10.2018
13:00
Հայաստանում, ըստ 2017 թ. պաշտոնական տվյալների, կա 52 հազար հոգեկան առողջության խնդիր ունեցող անձ, որը 3 տոկոս ավելի է համեմատած 2016 թ. տվյալների հետ:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Տեսանյութեր
Մամլո հաղորդագրություն
Հայաստան-Թուրքիա Միջոցառումներ