Հայաստանը կոռուպցիայի ընկալման համաթվում արձանագել է բարելավում
03.12.2013
11:00
Հայաստանի հանրային սեկտորում 2013թ. կոռուպցիայի ընկալման համաթիվը 36 է: Անցյալ տարվա նույն ցուցանիշի (34 համաթիվ) համեմատ արձանագրվել է փոքր բարելավում:

Այսպիսով, Հայաստանը կոռուպցիայի ընկալման 2013թ. համաթվի դասակարգման աղյուսակում զբաղեցնում է 94-ից 101-րդ տեղերը, անցյալ տարվա՝ 105-ից 112-րդ տեղերի փոխարեն:

Այսօր «Թրանսփարենսի ինթերնեշնլ հակակոռուպցիոն կենտրոն» ՀԿ-ի գործադիր տնօրեն Վարուժան Հոկտանյանը «Մեդիա կենտրոնում» ներկայացրեց աշխարհի 177 երկրում 2013թ. կոռուպցիայի ընկալման համաթիվը: Աղյուսակում «0» համաթիվը նշանակում է, որ տվյալ երկրի հանրային սեկտորն ընկալվում է որպես բացարձակ կոռումպացված, իսկ «100»-ը՝ բացարձակ մաքուր:

«Եթե համաթիվը 50-ից ցածր է, ապա կոռուպցիան լուրջ հիմնախնդիր է հանրային ոլորտի համար,- ասաց Հոկտանյանը և հավելեց,- առաջին հայացքից հնարավոր է ասել, որ Հայաստանում շատ լուրջ պրոբլեմ է կոռուպցիան հանրային սեկտորում (պետական, համայնքային հաստատություններ): Ընդհանրապես այս տարածաշրջանը՝ Արևելյան Եվրոպա և Կենտրոնական Ասիա, բավականին կոռումպացված է»: 

Դասակարգման աղյուսակի առաջին երկու տեղը 91 համաթվով զբաղեցնում են Դանիան և Նոր Զելանդիան, որոնք մշտապես լավագույն հնգյակում են: Հաջորդում են այլ Սկանդինավյան երկրները, ինչպես նաև Սինգապուրը, Շվեյցարիան:

Աղյուսակի վերջին տեղերում են Աֆղանստանը, Հյուսիսային Կորեան և Սոմալին, որոնց համաթիվը 8 է: Սրանք առավել կոռումպացված ընկալվող երկրներն են: Մաքսային միության երկրներում կոռուպցիայի ընկալման առումով իրավիճակն ավելի վատ է, քան Հայաստանում: Այսպես, Ռուսաստանում կոռուպցիայի ընկալման համաթիվը 28 է, Բելառուսում՝ 29, իսկ Ղազախստանում՝ 26: Հոկտանյանի խոսքով՝ հանձնաժողովներ, խորհուրդներ ստեղծելով՝ կոռուպցիայի դեմ լուրջ պայքարել հնարավոր չէ: «Պետք է քաղաքական կամք: Չէի ասի, որ Հայաստանում ֆունդամենտալ առումով փոփոխություններ լինում են»,- ասաց Վարուժան Հոկտանյանը:

Դեկտեմբերի 3-ին «Մեդիա կենտրոնում» անցկացվեց մամուլի ասուլիս՝ «Կոռուպցիայի ընկալման համաթիվ 2013թ.» թեմայով: Ասուլիսի բանախոսն էր «Թրանսփարենսի ինթերնեշնլ հակակոռուպցիոն կենտրոն» ՀԿ-ի գործադիր տնօրեն Վարուժան Հոկտանյանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում»
13.12.2017
13:00
Դեկտեմբերի 13-ին «Մեդիա կենտրոնում» տեղի ունեցավ քննարկում «Փոփոխություններ «Էներգախնայողության և վերականգնվող էներգետիկայի մասին» օրենքում․ այլընտրանքային էներգետիկայի զարգացման հեռանկարները Հայաստանում» թեմայով:
Պատգամավորների վարքն ու խոսքը. էթիկական նորմեր և հանրային ընկալումներ
12.12.2017
12:00
Անցած շաբաթ ՀՀ ԱԺ առողջապահության եւ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը «Ժողովուրդ» օրաթերթի հետ զրույցում ասել էր․ «Աղքատը քիչ է ծախսում, հետեւաբար թանկացումը բերում է նրան, որ աղքատը ստիպված ինքնաբուխ ձեւով խուսափելու է թանկացած ապրանքներից:
«Մատչելիության իրավունքը Հայաստանի առողջապահության ոլորտում. առկա մարտահրավերներ, խոչընդոտներ և հաղթահարման ուղիներ»
12.12.2017
11:00
Հայաստանում առողջապահության համընդհանուր հասանելիության համար խոչընդոտները առաջին հերթին ֆինանսական են:
Մարդու իրավունքների խախտումները 2017թ. Հայաստանում
11.12.2017
12:30
Դեկտեմբերի 11-ին «Մեդիա կենտրոնում» տեղի ունեցավ Մարդու իրավունքների պաշտպանության միջազգային օրվան նվիրված մամլո ասուլիս, որի շրջանակում «Ընդդեմ իրավական կամայականության» ՀԿ-ն ներկայացրեց 2017թ. մարդու իրավունքների խախտումները Հայաստանում:
Ճապոնիայի դեսպան Էյջի Տագուչիի մամլո ասուլիսը Մեդիա կենտրոնում
11.12.2017
11:00
ՀՀ-ում Ճապոնիայի արտակարգ և լիազոր դեսպան Ն.Գ. Էյջի Տագուչին դեկտեմբերի 11-ին «Մեդիա կենտրոնում» տեղի ունեցած մամլո ասուլիսի ընթացքում շնորհավորեց Հայաստանի Հանրապետությանը Եվրամիության հետ 2017թ. նոյեմբերի 24-ին ստորագրած Համապարփակ և ընդլայնված համաձայնագրի համար:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ