Հայ որբուհիների հյուսած «Ղազիր» գորգը
13.11.2013
12:00
ԱՄՆ Սպիտակ տունը հրաժարվել է Ցեղասպանությունը վերապրած հայ որբուհիների հյուսած «Ղազիր» գորգը տրամադրել Սմիթսոնյան ինստիտուտի` դեկտեմբերի 16-ին կայանալիք միջոցառման ցուցադրությանը:

Թանգարաններ և հետազոտական կենտրոններ միավորող Սմիթսոնյան ինստիտուտի այդ միջոցառման մաս է կազմելու նաև Հակոբ Մարտին Դերանյանի «Նախագահ Քելվին Քուլիջը և հայ որբերի գործած գորգը» գրքի շնորհանդեսը:

«Մենք աշխատում էինք, նույնիսկ ամենամանր բաներն արդեն մտածված էին. ինչ երաժշտություն պետք է հնչի՝ ավանդական հայկական, այսինքն՝ դուդուկ և այլն: Մինչև որ սեպտեմբերի 12-ին մի նամակ ստացանք Սմիթսոն հիմնադրամից, որ Սպիտակ տունը չի տրամադրելու այդ գորգը և այդպիսով ամեն ինչ սառեցվեց»,-պատմեց Արա Ղազարյանցը՝ Հայ մշակութային հիմնարկության տնօրենը (Արլինգթոն, ԱՄՆ):

Ղազարյանցը նշեց, որ ցուցադրությունը հատկապես կարևոր է գորգի նախապատմությամբ՝ հայ որբեր, որտեղից եկան, ինչու:

Սպիտակ տունը չի հայտնել իր որոշման որևէ հիմնավորում կամ պատճառ: Մամուլի հրապարակումներում բազմիցս նշվում են քաղաքական դրդապատճառներ. ԱՄՆ-ն զգուշանում է Թուրքիայի բացասական արձագանքից:

1920-ականներին Լիբանանի Ղազիր ավանում գտնվող որբախնամ կենտրոնի հայ որբուհիները գորգը հյուսել են շուրջ 18 ամսվա ընթացքում: «Ղազիր» գորգի վրա կան 144 կենդանիների պատկերներ: Գորգը ենթադրաբար ներկայացնում է Աստվածաշնչի եդեմական այգին: «Ղազիր» գորգը 1925 թ. նվիրվել է նախագահ Քելվին Քուլիջին` որպես երախտագիտություն Ցեղասպանության ժամանակ ԱՄՆ ժողովրդի կողմից հայ որբերին տրամադրված օգնության:

Հայկական գորգերի միության փոխնախագահ Լևոն Տեր-Պետրոսյանը նշեց, որ իրենց միությունը պատրաստ էր աջակցել ցուցադրությանը, սակայն գործընթացը սառեցվեց. «Այս գորգը մշակութային, մարդասիրական գործ է եղել, սա ունիկալ մի բան է: Քաղաքական տեսնակյունը հետո է, որ ստացվեց»:

Ղազարյանցի խոսքով՝Հայ դատի հանձնախումբը դիմել է տարբեր կոնգրեսականների, որպեսզի ազդեն Սպիտակ տան որոշման վրա: Նախաձեռնվել է նաև ստորագրահավաք. մինչև նոյեմբերի 24-ն անհրաժեշտ է հավաքել մոտ 100 հազար ստագրություն, որպեսզի Սպիտակ տունը քննարկի այս հարցը:

Նոյեմբերի 13-ին «Մեդիա կենտրոնում» անցկացվեց Հայկական գորգերի միության փոխնախագահ (ԱՄՆ) Լևոն Տեր-Պետրոսյանի և Հայ մշակութային հիմնարկության տնօրեն (Արլինգթոն, ԱՄՆ) Արա Ղազարյանցի մամուլի ասուլիսը: Բանախոսներն անդրադարձան Ցեղասպանությունը վերապրած հայ որբերի հյուսած «Ղազիր» գորգի պատմությանն ու ցուցադրության արգելմանը:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«2017թ-ին պետական գնումների համակարգի մոնիտորինգի արդյունքների հակիրճ ներկայացում»
15.06.2018
12:00
Հունիսի 15-ին «Մեդիա կենտրոնում» տեղի ունեցավ ասուլիս-քննարկում «2017թ-ին պետական գնումների համակարգի մոնիտորինգի արդյունքների հակիրճ ներկայացում» թեմայով։
Կանայք Հայաստանի բարձրագույն իշխանության կազմում
13.06.2018
17:04
Ի՞նչ է մտածում Facebook-ը ՀՀ բարձրագույն ղեկավար կազմում կանանց ներգրավվածության աստիճանի վերաբերյալ։
Ղարաբաղյան հակամարտության կարգավորման գործընթացը «Թավշյա հեղափոխությունից» հետո
13.06.2018
14:00
Հունիսի 13-ին «Մեդիա կենտրոնում» տեղի ունեցավ հարցազրույց-ասուլիս «Ղարաբաղյան հակամարտության կարգավորման գործընթացը «Թավշյա հեղափոխությունից» հետո թեմայով։
«Արտաքին քաղաքական գերակայությունները Թավշյա հեղափոխությունից հետո»
11.06.2018
13:00
Հունիսի 7-ին Մոսկվայում տեղի ունեցավ ՀՀ նորանշանակ արտգործնախարար Զոհրաբ Մնացականյանի ու ՌԴ արտգործնախարար Սերգեյ Լավրովի առաջին հանդիպումը։ Հանդիպման արդյունքում ռուսական «Կոմերսանտ» թերթին տված հարցազրույցում Զ․Մնացականյանը, անդրադառնալով հայ-ռուսական հարաբերություններին, նշել էր․ «Մենք չենք ասում, որ ամեն ինչում համաձայն ենք միմյանց հետ, սակայն ի վիճակի ենք պայմանավորվել ու առաջ գնալ»։
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Հայաստան-Թուրքիա Միջոցառումներ