Սաքունց. Շանթ Հարությունյանն իրականացրել է յուրաքանչյուր քաղաքացու ապստամբելու իրավունքը
08.11.2013
12:00
Շանթ Հարությունյանը նոյեմբերի 5-ին իրականացրել է Մարդու իրավունքների համընդհանուր հռչակագրով ամրագրված, յուրաքանչյուր քաղաքացու ապստամբելու իրավունքը, երբ պետությունը վարվում է այնպես, որ մարդուն որպես վերջին միջոց թողնում է ապստամբելը: Այսպիսի կարծիք հայտնեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը նոյեմբերի 8-ին «Մեդիա կենտրոնում» անցկացված քննարկման ժամանակ:

Սաքունցի խոսքով՝բախումների ժամանակ ոստիկանությունը նույնիսկ ժամանակ ու էներգիա չծախսեց` մեղավորներին պարզելու, այլ միանգամից բերման ենթարկեց մոտ 40 հոգու: «40 հոգու նկատմամբ ջրցան մեքենաների և այդքան ուժի կենտրոնացումը համարում եմ հրապարակային պատժիչ գործողություն կատարել ՀՀ քաղաքացիների նկատմամբ: Դա տիպիկ ԿԳԲ-ական մտածողության իրականացում է»,- ասաց Արթուր Սաքունցը: 

Ակտիվիստ Դավիթ Գևորգյանը եղել է առաջին ձերբակալվածներից: Նրա խոսքով՝ մոտ 4 ժամ պահվել է ոստիկանական բաժանմունքում: Որևէ ոստիկան չի կարողացել նրան ասել, թե ինչու են բերման ենթարկել: Ոստիկանները նշել են, որ պատրաստվում են ձերբակալել Գևորգյանին: Վերջինս ասել է, որ դեպքի սկզբնական րոպեներին գտնվել է այլ վայրում, ինչը տեսանկարահանված է, և ի վերջո, ոստիկանները բաց են թողել նրան: 

Գևորգյանը պատմում է, որ բախումների ժամանակ ոստիկանության աշխատակիցները փորձում էին սադրել, գործողությունների դրդել մարդկանց՝ ասելով, որ «գնանք ոստիկանության շենք, Շանթին ազատենք», հետո կորում էին ասպարեզից: Դավիթ Գևորգյանի խոսքով՝ 7-8-ական կարմիր բերետավորներ հարվածելով-քաշելով մարդկանց տանում էին ոստիկանական մեքենաներ:

Ձերբակալվածների պահման վայրերում վերահսկողություն իրականացնող դիտորդական խմբի անդամ Նելլի Հարությունյանը նշեց, որ անձամբ հանդիպել է ձերբակալվածներից տասին: Նրանցից որևէ մեկը չի դժգոհել պահման վայրի պայմաններից, սակայն խախտվել է ձերբակալվածների՝ հարազատների հետ տեսակցելու և հեռախոսազանգից օգտվելու իրավունքը:

Քննարկման մյուս մասնակցի՝ քաղաքական վերլուծաբան Էդգար Վարդանյանի կարծիքով՝ Շանթ Հարությունյանը շատ սթափ և ադեկվատ գնահատականներ է տվել ներկայիս քաղաքական համակարգին: Վարդանյանի խոսքով՝ հասարակության մի զգալի հատված դրական է վերաբերվում Հարությունյանին՝ պայմանավորված վերջինիս և գաղափարներով, և ազնվությամբ:

Քաղաքական վերլուծաբանի գնահատմամբ՝ նոյեմբերի 5-ին եղել է սադրանք, որի նպատակն էր քաոս ստեղծել, որպեսզի հասարակությունը չհասկանա, թե ինչ է կատարվում:

Տեղեկատվական անվտանգության մասնագետ Սամվել Մարտիրոսյանն ասաց, որ Հայաստանում և իշխանությունը, և ընդդիմությունը շատ պասիվ են: Ուստի, բնական է՝ կհայտնվեն երիտասարդական ուժեր, որոնց  չեն գոհացնում «ոչ սառած իշխանությունը, ոչ սառած ընդդիմությունը»:

Սամվել Մարտիրոսյանի գնահատմամբ՝ նոյեմբերի 5-ին իրար էր խառնված երեք գործոն: Անոնիմուսների դիմակները հստակ կաղապարի մեջ էին դրել շարժումը՝ լինելով անարխիստական ձախ ծայրահեղականների խորհրդանիշ: Մյուս կողմից, շարժման մեջ կային ակնհայտ ընդդիմադիրներ: Եվ երրորդը Շանթ Հարությունյանն էր, ով հակասական հայտարարություններ է արել: Ուստի, դժվար է այս ամենը մեկնաբանել և լուսաբանել:

Նոյեմբերի 8-ին «Մեդիա կենտրոնում» անցկացվեց քննարկում՝ նոյեմբերի 5-ին Երևանի կենտրոնում ոստիկանների և ակտիվիստների միջև բախումների վերաբերյալ: Քննարկման բանախոսներն էին միջադեպի մասնակից Դավիթ Գևորգյանը, Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը, տեղեկատվական անվտանգության մասնագետ Սամվել Մարտիրոսյանը, Ձերբակալվածների պահման վայրերում վերահսկողություն իրականացնող դիտորդական խմբի անդամ Նելլի Հարությունյանը և քաղաքական վերլուծաբան Էդգար Վարդանյանը: Ոստիկանության և դատախազության հրավիրված ներկայացուցիչները հրաժարվել էին մասնակցել քննարկմանը՝ պատճառաբանելով, որ նախաքննություն է ընթանում:

Լուսանկարներ
Տեսանյութ
Print Friendly and PDF
Այլ մամլո հաղորդագրություններ
«ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը»
17.09.2018
12:00
Սեպտեմբերի 17-ին «Մեդիա կենտրոնում» տեղի ունեցավ քննարկում «ՀՀ ԱԱԾ տնօրենի և ՀՔԾ պետի գաղտնալսման հետևանքները. սպառնալիք ազգային անվտանգությանը» թեմայով։
Հրավեր Երևանի ավագանու ընտրություններին առաջադրված քաղաքապետի բոլոր թեկնածուներին
14.09.2018
16:49
«Հանրային լրագրության ակումբ» ՀԿ-ի «Մեդիա կենտրոն» նախագծի շրջանակում մենք հրավիրում ենք Երևանի ավագանու ընտրություններին առաջադրված քաղաքապետի բոլոր թեկնածուներին ուղիղ եթերում մասնակցել բանավեճի։

Երևանի ավագանու ընտրություններ-2018 «Մայրաքաղաքի էկոլոգիան. լուծելի , թե՞ անլուծելի խնդիրներ»
13.09.2018
12:30
Սեպտեմբերի 13-ին «Մեդիա կենտրոնում» տեղի ունեցավ քննարկում «Մայրաքաղաքի էկոլոգիան. լուծելի՞, թե՞ անլուծելի խնդիրներ» թեմայով։

Երևանի ավագանու ընտրություններ-2018 Երևանի զարգացման տեսլականը. ինչպե՞ս արդյունավետ կառավարել քաղաքը
12.09.2018
12:00
Սեպտեմբերի 12-ին «Մեդիա կենտրոնում» տեղի ունեցավ քննարկում «Երևանի զարգացման տեսլականը. ինչպե՞ս արդյունավետ կառավարել քաղաքը» թեմայով։

Երևանի ավագանու ընտրություններ-2018 «Երևանի ճարտարապետական դիմագիծն ու կառուցապատման խնդիրները. ի՞նչ լուծումներ են առաջարկում թեկնածուները»
11.09.2018
11:00
Սեպտեմբերի 11-ին Մեդիա կենտրոնում տեղի ունեցավ քննարկում «Երևանի ավագանու ընտրություններ-2018. Երևանի ճարտարապետական դիմագիծն ու կառուցապատման խնդիրները» թեմայով, որի շրջանակում ընտրություններին առաջադրված կուսակցությունների ու դաշինքների թեկնածուները ներկայացրեին իրենց առաջարկներն ու լուծումները:
Միանալ մեզ սոց․ ցանցերում
ՄԻՋՈՑԱՌՈՒՄՆԵՐԻ ԳՐԱՆՑՈՒՄ
Ծառայություններ
Այսօր մեդիա կենտրոնում
Տեսանյութեր
Մամլո հաղորդագրություն
Հայաստան-Թուրքիա Միջոցառումներ